ꓬꓳ-ꓔꓲ-ꓩ ꓐꓱ ꓓꓴꓽ ꓗꓪ ꓐꓰ ꓓꓳ ꓡꓻꓳ

ꓟꓶ-ꓚꓲ-ꓠ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓔꓸ ꓢꓴ ꓡꓲ-ꓢꓴ ꓐꓲ ꓜꓳꓽ ꓠꓴꓽ ꓢꓯꓼ ꓢꓷ ꓠꓲꓹ ꓙꓳ ꓢꓴ ꓬꓳ-ꓔꓲ-ꓩ ꓠꓬ ꓐꓱ ꓓꓴꓽ ꓗꓪ ꓐꓰ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 18 ꓠꓬꓲ ꓟꓶ ꓘꓶꓼ ꓝꓲꓸ ꓗꓪ ꓓꓳ ꓡ ꓡꓳ꓿

“ꓠꓲꓹ ꓠꓵ ꓟ ꓮ ꓟ꓾ ꓟꓸ ꓒ ꓟꓸ ꓟ꓾ ꓬꓲꓼ ꓤ ꓠꓬꓲ ꓤ ꓐꓴ ꓮ ꓙꓵꓽ ꓪꓽ ꓘꓴ ꓙ ꓟ ꓑꓶꓸ ꓓꓴ꓾ ꓕꓱ ꓕꓲ ꓑꓹ ꓢꓲꓸ ꓔꓲꓸ ꓡꓲꓹ ꓡ ꓪ꓿ ꓟꓶ-ꓚꓲ-ꓠ ꓟꓸ ꓒ ꓦꓲ ꓕꓲ ꓟ ꓗꓪ ꓔꓬ ꓠꓬꓹ ꓥ” ꓐꓰ ꓬꓲ ꓚꓲ ꓛꓬ ꓡꓰ ꓐꓬꓱꓽ ꓢꓯꓸ ꓓꓱꓽ ꓦ ꓩꓴ ꓡ ꓡꓳ꓿

ꓬꓲ ꓔꓯ 2021 ꓘꓳꓼ 3 ꓦ 1 ꓠꓬꓲ ꓕꓯꓽ ꓟꓯꓼ ꓡꓰ ꓣꓴ ꓧꓳꓽ ꓙꓰ ꓟ ꓥ ꓢꓲ꓾ ꓠꓬꓲꓸ ꓠꓬꓲ 10 ꓦ 18 ꓠꓬꓲ ꓕꓯ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓡ ꓟ ꓥ ꓡꓳ꓿ ꓬꓲꓸ ꓔꓯ ꓣꓴ ꓟꓶ ꓕꓲ ꓠꓬꓲ ꓗꓪ ꓐꓰ (232) ꓠꓬꓲ ꓡꓳꓼ ꓬꓰ ꓟ ꓥ ꓡꓳ꓿