2023 ꓘꓳꓼ 10 ꓦ 9 ꓠꓬꓲ ꓕꓯꓽ ꓬꓲ-ꓢꓷ-ꓡꓰ ꓗꓴꓷꓼ ꓡꓳ ꓟꓶꓸ ꓕꓲꓽ ꓛꓱꓽ ꓖ-ꓜ ꓟꓵꓽ ꓗꓪ ꓧ-ꓟ-ꓢꓲ ꓟꓯꓼ ꓜꓴ ꓡꓰ ꓟꓯꓼ ꓓꓶꓽ ꓡ ꓔꓬ ꓠꓬꓲ꓾ “ꓕꓱ ꓟ ꓠꓬ ꓟꓯꓼ ꓘꓶꓽ ꓥꓳ” ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓟꓬꓱꓽ ꓢꓲꓺ ꓠꓯ-ꓔ-ꓬ-ꓩꓴ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓙ ꓖꓴ ꓗꓪ ꓙꓰ ꓚꓳ ꓔꓬ ꓟ ꓬꓲ-ꓢꓷ-ꓡꓰ ꓑ ꓫꓬ ꓐꓴ ꓔꓯ ꓡꓽ ꓛꓴꓸ ꓔꓯꓹ ꓟꓯꓼ ꓐꓴ ꓠꓰ ꓦ ꓟꓳ ꓦ ꓘꓪꓽ ꓖꓼ ꓐꓶ ꓢꓰꓼ ꓔꓬ ꓟ ꓐꓬꓱꓽ ꓮ ꓟꓬꓹ ꓓꓳ ꓡ ꓡꓳ꓿
“ꓧ-ꓟ-ꓢꓲ ꓟꓯꓼ ꓜꓴ ꓠꓬ ꓬꓲ-ꓢꓷ-ꓡꓰ ꓔꓯ ꓟꓯꓼ ꓓꓶꓽ ꓡ ꓟ ꓥ ꓢꓲ꓾ ꓕꓱ ꓕꓲ ꓧꓪꓸ ꓠꓬ ꓬꓲꓸ ꓪ ꓮ ꓘꓶꓸ ꓬꓰ ꓥꓳꓽ ꓡꓰꓳ” ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓗꓽ ꓡꓳꓸ ꓙ ꓟꓯꓼ ꓢꓲꓽ ꓒꓽ ꓓꓽ ꓟ Yoav Gallant ꓡꓰ ꓡꓯꓽ ꓔꓯꓽ ꓩꓴ ꓡ ꓡꓳ꓿
ꓟꓯꓼ ꓘꓶꓽ ꓕꓱ ꓟ ꓑꓶꓸ ꓓꓴ ꓬꓲ-ꓢꓷ-ꓡꓰ ꓗꓴꓷꓼ ꓟꓳꓼ ꓡꓳ ꓒꓳꓹ ꓠꓺ ꓡꓲ (1) ꓙꓵ ꓗꓪ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓠꓲꓹ ꓞ ꓠꓲꓹ ꓧꓳꓽ ꓕꓲꓽ ꓟ ꓬꓰ ꓔꓬˍ ꓡꓳ꓿
Ref: Reuters/BBC
Photo: Reuters
