2024 ꓘꓳꓼ 4 ꓦ 13 ꓠꓬꓲ ꓟꓶꓼ ꓘꓶꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓬꓲ-ꓢꓷ-ꓡꓰ ꓔꓯ ꓲ-ꓣ ꓗꓴꓷꓼ ꓡꓰ ꓟꓯꓼ ꓢꓰꓼ ꓪꓴꓸ ꓔꓴ ꓩꓴ ꓡ ꓡꓳ꓿
ꓐꓳꓽ ꓞꓰ ꓙꓱ ꓦꓲ ꓓ-ꓬꓳꓹ (drones) ꓐꓰ ꓑꓳ ꓡꓳ ꓓꓽ ꓟ (missiles) ꓮ ꓟꓬꓹ ꓐꓶ ꓩꓴ ꓡ ꓟ ꓥ ꓢꓲ꓾ ꓬꓲ-ꓢꓷ-ꓡꓰ ꓗꓴꓷꓼ ꓗꓪ ꓛꓲ ꓡ ꓠꓹ ꓟ ꓠꓺ ꓡꓲ ꓮ ꓔꓲꓸ ꓛꓻ ꓢꓰꓽ ꓡꓳ꓿ ꓬꓲ-ꓢꓷ-ꓡꓰ ꓡꓰ ꓐꓳꓽ ꓞꓰ ꓙꓱ ꓦꓲ ꓔꓯ ꓐꓶ ꓞꓰ ꓠꓹ ꓟ ꓙꓽ ꓖꓶ ꓔꓬ ꓡꓳ꓾ ꓐꓯ ꓡꓳ꓿
2024 ꓘꓳꓼ 4 ꓦ 14 ꓠꓬꓲ ꓠꓯꓼ 12:30 ꓗꓪ ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓟꓴꓽ ꓪꓴꓽ ꓗꓪ ꓙꓱ ꓦꓲ ꓕꓲꓽ ꓟˍ ꓟꓲ ꓟꓽ ꓙꓱ ꓔꓬ ꓠꓹ ꓟ꓾ ꓝꓮꓲ ꓡ ꓞꓳ 1000 ꓣꓳ ꓗꓪ ꓛꓲ ꓮ ꓗꓪˍ ꓟꓲ ꓟ ꓟꓽ ꓬꓱꓻ ꓔꓬ ꓠꓹ ꓟ꓾ ꓢꓳ ꓦꓲ ꓮ ꓙꓵꓽ ꓑꓲꓸ ꓔꓸ ꓠꓹ ꓟ ꓕꓵꓼ ꓪ ꓓꓳ ꓡ ꓡꓳ꓿
ꓮ ꓫꓶ ꓬꓲ-ꓢꓷ-ꓡꓰ ꓠꓰ ꓙꓱ ꓦꓲ ꓐꓳꓽ ꓐꓶ ꓢꓲꓸ ꓲ-ꓣ ꓟꓯꓼ ꓜꓲꓽ 7 ꓣꓳ ꓢꓰꓼ ꓪ ꓡꓰ ꓟ ꓗꓪ ꓐꓰ ꓲ-ꓣ ꓠꓲꓹ ꓦꓶ ꓢꓲꓸ ꓪꓽ ꓛꓴ ꓝꓱꓹ ꓟꓯꓼ ꓢꓰꓼ ꓩꓴ ꓡ ꓔꓬ ꓟ ꓥ ꓡꓳ꓿
ꓴꓢꓮ ꓡꓰ ꓮ ꓟꓲ ꓢ ꓘꓪ ꓕꓯꓽ ꓬꓲ-ꓢꓷ-ꓡꓰ ꓔꓯ ꓲ-ꓣ ꓡꓰ ꓟꓯꓼ ꓟꓽ ꓓꓶꓽ ꓠꓹ ꓟ ꓗꓽ ꓥ ꓟꓲ ꓗꓽ ꓟꓽ ꓓ ꓐꓶ꓿ ꓮ ꓡꓲ ꓐꓯ ꓡꓰ ꓐꓯ꓾ ꓴꓢꓮ ꓗꓴꓷꓼ ꓠꓬ ꓬꓲ-ꓢꓷ-ꓡꓰ ꓑ ꓫꓬ ꓐꓴ ꓕꓲꓽ ꓛꓱꓽ ꓗꓪ ꓦꓰꓼ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
