ꓖ-ꓟꓶ-ꓓꓰ ꓗꓪ ꓞꓲꓼ ꓣꓳ ꓢꓴ ꓐꓴ ꓬꓲꓼ ꓡ ꓟ ꓜꓽ ꓫꓵꓽ ꓟꓽ ꓜꓱꓽ ꓡ ꓠꓹ ꓟ ꓟꓳꓸ ꓙ ꓢꓲꓸ ꓑꓲꓹ ꓡꓴꓸ ꓡꓳ ꓖꓪ ꓑꓮꓲꓽ ꓕꓲꓽ ꓟ ꓔꓯ ꓠꓬꓲꓸ ꓠꓬꓲ 2023 ꓘꓳꓼ 6 ꓦ 26 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓡꓳ꓿
ꓝꓯꓸ ꓔꓬ ꓟ
“ꓞꓲꓼ ꓣꓳ ꓢꓴ ꓐꓴ ꓡꓳ ꓖꓪ ꓑꓮꓲꓽ ꓙꓳˍ ꓕꓯꓽ ꓢꓲꓸ ꓖꓳ ꓓꓱ ꓠꓵꓹ ꓠꓲꓹ ꓡꓱ ꓡ꓾ ꓝꓮꓲ ꓕꓲ ꓣꓳ ꓛꓳ ꓕꓲ ꓣꓳ ꓬꓲꓼ ꓡ ꓟ ꓜꓽ ꓫꓵꓽ ꓟꓽ ꓜꓽ ꓠꓹ ꓟ ꓢꓯꓼ ꓖꓶ ꓡꓯ ꓘꓳ ꓡ ꓟ ꓑꓶꓸ ꓓꓴ ꓕꓱ ꓡꓱ ꓬꓰˍ ꓟ ꓥꓳ” ꓐꓰ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓜꓱꓽ ꓫꓵꓽ ꓗꓽ ꓔꓸ ꓟ
ꓟꓸ ꓟꓲꓽ ꓵꓺ ꓔꓬ ꓟ
ꓑꓲꓹ ꓡꓴꓸ ꓑꓲꓹ ꓜꓴ 22 ꓜꓴ ꓙꓳ ꓢꓲ꓾ 6 ꓦ 26-30 ꓠꓬꓲ꓾ ꓝꓮꓲ 7 ꓦ 1-8 ꓠꓬꓲ (2 ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓟꓽ ꓐ) ꓗꓪ ꓛꓲ ꓔꓯꓺ ꓡꓯ ꓘꓳ ꓓꓴ ꓥ ꓡꓳ꓾ ꓐꓯ ꓡꓳ꓿
ꓖ-ꓟꓶ-ꓓꓰ ꓡꓳ ꓒꓱ ꓡꓳ ꓖꓪ ꓔꓶꓸ ꓗꓪ ꓕꓲ ꓠꓬꓲ ꓡꓰꓸ ꓕꓲ ꓠꓬꓲ ꓟꓶ ꓘꓶꓼ 3 ꓙꓵꓹ ꓕꓯꓽ ꓪꓴꓸ ꓔꓴ ꓢꓲꓸ ꓬꓰ ꓙꓰ ꓠꓹ ꓟ ꓥ ꓡꓳ꓿
ꓟꓲꓸ ꓟꓲ ꓠꓬ ꓕꓲ ꓟꓲ ꓠꓯ ꓬꓲꓼ ꓡ ꓟ ꓜꓽ ꓫꓵꓽ ꓬꓲꓸ ꓥꓳꓽ ꓟꓽ ꓜꓯꓼ ꓜꓽ ꓓꓳˍ ꓟ ꓐꓰ꓾ ꓶ ꓡꓯꓼ ꓬꓰˍ ꓟ ꓔꓯ ꓗꓽ ꓔꓸ ꓟ ꓦꓬꓼ ꓠꓬꓲ (The International Day against Drug Abuse and Illicit Trafficking) ꓗꓪ꓾ꓖ-ꓟꓶ-ꓓꓰ ꓕꓲꓽ ꓟꓵꓽ ꓞꓳ ꓫꓵ ꓞꓳ ꓙꓰ꓾ ꓞꓳ ꓘꓹ ꓮ ꓟꓬꓹ ꓗꓪ ꓐꓰ ꓜꓴ (22) ꓟ ꓑꓲꓹ ꓔꓯꓺ ꓡꓯ ꓘꓳ ꓟ ꓑꓮꓲ ꓒꓴ ꓪꓴꓸ ꓔꓴ ꓗꓷ ꓟ ꓥ ꓡꓳ꓿
