ꓟꓸ ꓒ ꓐꓬ ꓒꓲ-ꓡꓲꓽ ꓡꓯ ꓒꓯꓹ ꓚꓰꓹ ꓪ ꓘꓴ ꓟꓶ ꓡꓰꓳ

ꓟꓸ ꓒ ꓐꓬ ꓒꓲ-ꓡꓲꓽ ꓠꓬ 2023 ꓘꓳꓼ 6 ꓦ 10 ꓠꓬꓲ ꓕꓯꓽ ꓛꓰ-ꓟꓮꓲ ꓡꓳ ꓒꓱ꓾ ꓑ-O ꓘꓹ ꓗꓪ ꓕꓮꓲꓹ ꓟꓵꓽ ꓚꓰꓺ ꓟꓸ ꓒꓽ ꓓꓽ ꓟ 8 ꓣꓳ ꓡꓰ ꓡꓯ ꓒꓯꓹ ꓚꓰꓹ ꓪ ꓘꓴ ꓖꓶˍ ꓟ ꓘꓳ ꓣꓴ ꓟꓶ ꓡꓰꓳ꓿

ꓬꓲꓸ ꓠꓬ ꓕꓮꓲ ꓟꓵꓽ꓾ ꓟꓵꓽ ꓚꓰ ꓡ ꓞꓳ ꓟꓸ ꓒ ꓐꓴ ꓡꓰ ꓡꓯ ꓒꓯꓹ ꓚꓰꓹ ꓪꓽ ꓘꓴ ꓖꓶꓽ ꓟ ꓘꓳ ꓣꓴ ꓟꓶ ꓢꓴ ꓡꓲ-ꓢꓴ ꓟꓸ ꓒꓽ ꓕꓲꓽ ꓣꓳ ꓥ ꓡꓳ꓿

ꓜꓲꓼ ꓓꓴ ꓗꓪ ꓟꓬ-ꓟ ꓗꓴꓷꓼ꓾ ꓕꓮꓲꓹ ꓗꓴꓷꓼ ꓗꓪ ꓐꓰ ꓡˍ ꓟ ꓡꓲ-ꓢꓴ꓾ ꓮ-ꓘ꓾ ꓡꓴ-ꓧꓶꓹ꓾ ꓐꓶ-ꓬꓲ꓾ ꓐꓰ ꓕꓮꓲꓹ ꓟꓸ ꓒꓽ ꓐꓴ 50 ꓣꓳꓽ ꓛꓲ ꓜꓲꓼ ꓡ ꓡꓳ꓿ ꓝꓮꓲ ꓜꓲꓼ ꓔ ꓡ ꓢꓴ ꓪꓰ ꓤ ꓮ ꓙꓵꓽ ꓠꓬ 500 ꓣꓳ ꓛꓲ ꓙꓳ ꓡꓳ꓿

ꓜꓲꓼ ꓓꓴ ꓗꓪ ꓟꓸ ꓒ ꓟꓳꓽ ꓐꓹ-ꓐꓲ ꓥ ꓟꓲ ꓡꓲ-ꓢꓴ ꓥꓳꓽ꓾ ꓕꓮꓲꓹ ꓥꓳꓽ ꓗꓪ ꓐꓰ ꓟꓳꓽ ꓟꓸ ꓒ ꓕꓲ ꓦꓲ ꓕꓮꓲꓹ ꓟꓵꓽ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓔꓯ ꓮ ꓡꓲ ꓜꓲ ꓡꓯ ꓘꓳ ꓟ ꓚꓺ ꓟꓲꓽ ꓚ ꓟꓸ ꓖꓶˍ ꓟ꓾ ꓢꓯꓼ ꓖꓶˍ ꓟ ꓬꓰ ꓗꓷꓳ꓿