ꓘꓶꓽ ꓕꓴꓸ ꓜꓽ ꓚꓱꓹ ꓑꓶꓸ ꓓꓴ 2017 ꓘꓳꓼ ꓕꓯꓽ ꓪ ꓔꓲꓸ ꓟꓬꓱꓽ ꓗꓪ ꓐꓰ ꓞꓰ ꓡꓰ ꓢꓲꓸ 20 ꓘꓳꓼ ꓡꓴꓽ ꓬꓰ ꓢꓴ ꓬꓲꓻ ꓟꓶ ꓗꓳ-ꓣꓲ-ꓬ ꓪ ꓔꓲꓸ ꓟ ꓬꓲꓸ ꓡꓵꓺ ꓒꓼ-ꓖꓯꓽ-ꓦꓯꓹ (Park GeunHye) ꓔꓯ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 24 ꓠꓬꓲ ꓕꓯꓽ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓡ ꓡꓳ꓿
ꓬꓲ ꓚꓲ ꓛꓬ ꓧꓪ ꓖꓳ ꓓꓱꓽ ꓥ ꓟꓲ ꓡꓯꓽ ꓢꓰ ꓘꓶꓽ ꓔꓸ ꓢꓲꓸ ꓠꓻ ꓒꓬꓽ ꓙꓳ ꓔꓬ ꓠꓬꓲ꓾ ꓬꓲ ꓔꓯ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓖꓽ ꓖꓶ ꓢꓲꓸ ꓕꓱ ꓡꓱ ꓡꓲꓹ ꓩꓴ ꓡ ꓟ ꓥ ꓡꓳ꓿
ꓬꓲꓸ ꓠꓬ ꓬꓲꓸ ꓙꓵꓽ ꓪ ꓙꓳ ꓟ ꓦꓬꓼ ꓠꓬꓲ ꓗꓪ ꓙꓼ ꓶ ꓤ ꓶ ꓡꓯꓼ ꓬꓰ ꓜꓴ 2 ꓜꓴ ꓗꓪ ꓐꓰ ꓘꓶꓽ ꓕꓴꓸ ꓒꓴ ꓜꓽ ꓗꓷ ꓟ ꓚꓲꓸ ꓚ ꓪ ꓡꓰ ꓢꓴ ꓥ ꓡꓳ꓿
ꓬꓲ ꓠꓬ 69 ꓘꓳꓼ ꓙꓳ ꓢꓲꓸ ꓓꓰ-ꓟꓳ-ꓗꓯ-ꓢꓰ ꓢꓲꓻ ꓣꓴ ꓚꓱꓹ ꓡꓳ ꓚ ꓪ ꓔꓲꓸ ꓟ ꓬꓰ ꓪ ꓥ ꓟꓲ꓾ ꓘꓶꓽ ꓕꓴꓸ ꓑꓶꓸ ꓓꓴ ꓟꓬꓱꓽ ꓞꓰ ꓗꓰ꓾ ꓕꓳ ꓦꓲ ꓗꓪ ꓡꓴꓽ ꓟꓶ ꓡꓰ ꓢꓴ ꓬꓲꓸ ꓪꓴꓸ ꓕꓲ ꓣꓳ ꓥꓳ꓿
ꓬꓲꓸ ꓔꓯ 20 ꓘꓳꓼ ꓡꓴꓽ ꓠꓹ ꓟ ꓙ ꓟꓳ ꓫꓵꓽ ꓘꓶꓽ ꓔꓸ ꓥ ꓟꓲ 4 ꓘꓳꓼ ꓡꓴꓽ ꓓꓳ ꓕꓯꓽ ꓡꓲꓹ ꓩꓴ ꓡ ꓟ ꓥ ꓡꓳ꓿
