ꓛꓰꓸ ꓟꓵꓽ꓾ ꓟ-ꓔꓴ-ꓑꓲ ꓗꓪ ꓙꓳˍ ꓟ ꓬꓯ-ꓜꓪ ꓡꓳ ꓒꓱ ꓔꓯ ꓛꓰꓸ ꓟꓯꓼ ꓐꓴ ꓠꓰ ꓓꓶꓽ ꓧꓪꓸ ꓬꓰꓳ꓾ ꓐꓰ 2023 12 ꓦ 2 ꓠꓬꓲ ꓕꓯ Chinland Information Center ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
2023 ꓘꓳꓼ 11 ꓦ 26 ꓠꓬꓲ ꓗꓪ ꓐꓰ ꓓꓶꓽ ꓡꓯ ꓘꓳ ꓪꓴꓸ ꓔꓴ ꓢꓲ꓾ 29 ꓠꓬꓲ (4 ꓠꓬꓲ ꓔꓳꓼ ꓡꓯ ꓘꓳ ꓕꓯ) ꓡꓳ ꓒꓱ ꓔꓯ ꓓꓶꓽ ꓣꓴ ꓧꓪꓸ ꓡꓰ ꓟ ꓥꓳ꓾ ꓐꓯ ꓔꓸ ꓡꓳ꓿
ꓬꓯ-ꓜꓪ ꓡꓳ ꓒꓱ ꓠꓬ ꓛꓰꓸ ꓟꓵꓽ ꓐꓰ ꓲ-ꓓꓲ-ꓬ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓗꓪ ꓙꓳˍ ꓟ ꓡꓳ ꓒꓱ ꓕꓲꓽ ꓟ ꓥ ꓡꓳ꓿
ꓓꓶꓽ ꓧꓪꓸ ꓡꓰ ꓕꓯ ꓡꓳ ꓒꓱ ꓑ ꓫꓬ ꓐꓴ ꓠꓬ ꓛꓰꓸ ꓟꓯꓼ ꓐꓴ ꓔꓯ ꓗꓹ ꓛꓲ ꓛꓲ ꓘꓳ ꓣꓴ ꓔꓬ ꓟ ꓐꓬꓱꓽ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓟꓯꓼ ꓓꓶꓽ ꓡꓯ ꓘꓳ ꓟ ꓗꓪ CDF Zotung, CDF Zophei, CDF Lautu, CDF Mara, CDF Senthang, CDF ꓐꓰ꓾ CNF ꓜꓴ ꓮ ꓙꓵꓽ ꓔꓺ ꓢꓲꓸ ꓢꓯꓼ ꓕꓵꓼ ꓗꓷ ꓡꓳ꓾ ꓐꓯ ꓔꓸ ꓡꓳ꓿
ꓓꓳꓽ ꓬꓲꓸ ꓚꓰ꓾ Chinland Information Center
