2022 ꓘꓳꓼ 8 ꓦ 29 ꓠꓬꓲ ꓟꓳꓼ ꓡꓳ 2 ꓙꓵꓹ ꓕꓯꓽ꓾ ꓬꓥ-ꓖꓳꓥ ꓡꓳ ꓒꓱ꓾ ꓰ-ꓬꓸ ꓬꓲꓻ ꓐꓱ ꓗꓪ ꓔꓶꓹ ꓞꓰ ꓫꓵꓻ ꓢꓴ 1 ꓣꓳ ꓙꓳ ꓡꓳ꓿
ꓬꓲꓸ ꓫꓵꓻ ꓗ-ꓟ-ꓬꓴꓼ ꓮ ꓔꓳꓸ ꓢꓰꓼ ꓟꓯꓼ ꓗꓪ ꓐꓰ ꓧꓪ ꓟꓳ ꓡꓰꓳ꓾ ꓐꓰ ꓟꓶ ꓘꓶꓼ 3 ꓙꓵꓹ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓟꓬꓱꓺ ꓐꓰ ꓮ ꓗꓪ ꓐꓰ ꓡ ꓢꓴ ꓥˍ ꓟ ꓟꓽ ꓢꓷꓸ ꓢꓰꓽ ꓐꓯ ꓡꓳ꓿
ꓗꓳꓸ ꓗꓷ ꓟ ꓕꓲꓽ ꓠꓽ ꓘꓴ ꓗꓪ꓾ ꓖ-ꓐ-ꓯꓸ ꓙ ꓖꓴ꓾ ꓖ-ꓟꓳꓹ-ꓑꓪꓰꓼ ꓙꓲꓺ ꓔꓲꓺ ꓒ ꓕꓲ ꓓꓽ ꓖꓴꓽ ꓗꓪ ꓐꓰ ꓔꓷꓹ ꓞꓰ ꓫꓵꓻ ꓢꓴ 1 ꓣꓳ꓾ ꓝꓮꓲꓹ 8 ꓦ 28 ꓠꓬꓲ ꓕꓯꓽ ꓑꓲꓺ ꓡꓳ ꓒꓱ ꓲ-ꓬ-ꓪ-ꓓꓲ ꓓꓽ ꓖꓴꓽ ꓗꓪ ꓐꓰ ꓔꓷꓹ ꓞꓰ ꓫꓵꓻ ꓢꓴ ꓟꓹ ꓟ ꓐꓰ ꓤ ꓠꓱ 1 ꓣꓳ ꓙꓳˍ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓐꓴ ꓔꓯ ꓟꓬꓱꓽ ꓖꓶꓽ ꓔꓬ ꓟ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓡˍ ꓟ ꓶ ꓡꓯꓼ ꓜꓴ ꓮ ꓟꓬꓹ ꓡꓽ ꓙꓰ ꓖꓴ ꓟˍ ꓐꓰ꓾ ꓟꓬ-ꓟ ꓒꓴ ꓒꓵꓽ ꓬꓲꓸ ꓥꓳꓽ ꓟꓽ ꓜꓯꓼ ꓞꓰ ꓬꓰˍ ꓟ ꓑꓶꓸ ꓓꓴ ꓜꓽ ꓓꓴ ꓟꓽ ꓙꓳ꓾ ꓓꓰꓽ ꓜꓽ ꓢꓴ꓾ꓘꓴꓽ ꓢꓴ ꓟꓬꓽ ꓡ ꓔꓬ ꓡꓳ꓿
ꓚꓲꓸ ꓛꓬ ꓢꓯꓼ ꓟꓬ ꓫꓵꓻ ꓗꓪ ꓛꓲ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓟ ꓟꓬ-ꓟ ꓑ ꓫꓬꓽ ꓐꓴ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ꓾ ꓝꓮꓲꓹ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓗꓪ ꓐꓰ ꓮ ꓫꓵꓽ ꓬꓰ ꓙ ꓟꓽ ꓐ ꓡ ꓢꓰꓽ꓿
