2024 ꓘꓳꓼ 4 ꓦ 5-7 ꓠꓬꓲ ꓘꓴꓽ ꓗꓪ ꓪꓮꓲ-ꓟꓳ ꓟꓵꓽ꓾ ꓪꓴ-ꓬ ꓘꓹ ꓗꓪ ꓡꓲ-ꓢꓴ ꓦꓲ 16 ꓦꓲ꓾ ꓮ-ꓒꓴꓸ (ꓛꓳ-ꓒꓽ) ꓦꓲ 3 ꓦꓲ ꓮ ꓔꓳꓸ ꓛꓴ ꓗꓷꓳ꓿
“ꓬꓲꓸ ꓙ ꓖꓴ ꓠꓬ ꓕꓱ ꓡꓱ ꓥꓳ꓿ 4 ꓦ 5 ꓠꓬꓲ ꓢ ꓘꓪ ꓕꓯꓽ ꓗꓲꓮ ꓡꓰ ꓪꓴ-ꓬ ꓑꓲ-ꓓꓴ-ꓢꓰꓸ ꓟꓯꓼ ꓧꓳꓽ ꓢꓴ ꓥꓪ-ꓩꓴ-ꓡꓰ ꓦꓲ ꓔꓯ ꓮ ꓔꓳꓸ ꓛꓴ ꓪꓴꓸ ꓔꓴ ꓩꓴ ꓡ ꓡꓳ꓿ ꓖꓳ ꓗ ꓠꓯꓸ 4 ꓦ 6 ꓠꓬꓲ 11 ꓙꓵꓹ ꓛꓲ ꓕꓯ ꓛꓳꓽ ꓒ ꓦꓲ 3 ꓦꓲ ꓔꓯ ꓟꓬ-ꓟ ꓟꓯꓼ ꓐꓰ ꓑꓲ-ꓓꓴ-ꓢꓰꓸ ꓐꓴ ꓡꓰ ꓮ ꓔꓳꓸ ꓛꓴ ꓩꓴꓳ꓿ ꓝꓮꓲ 4 ꓦ 7 ꓠꓬꓲ ꓠꓯꓼ 5 ꓙꓵꓹ ꓗꓪ ꓗꓲꓮ ꓡꓰ ꓡꓲ-ꓢꓴ ꓦꓲ 16 ꓦꓲ ꓔꓯ ꓮ ꓔꓳꓸ ꓛꓴ ꓡꓻꓳ꓿ ꓥꓪ ꓠꓴ ꓠꓬ ꓞꓳ ꓘꓹ ꓗꓪ ꓔꓬ ꓟꓽ ꓑꓶꓸꓳ꓿ ꓖꓳ ꓓꓱꓽ ꓖꓳꓽ ꓮ ꓙꓵꓽ ꓔꓶꓹ ꓓꓳ ꓡꓻꓳ” ꓐꓰ ꓜꓲ ꓜꓲ ꓟꓴ ꓟꓴ ꓢꓷꓸ ꓢꓴ ꓕꓲ ꓣꓳ ꓡꓰ ꓡꓔ ꓗꓪ ꓓꓳꓽ ꓜꓳ ꓡ ꓡꓳ꓿”
“ꓪꓴ-ꓬ ꓗꓪ ꓑꓲ-ꓢꓴ-ꓢꓰꓸ ꓟꓯꓼ ꓬꓰ ꓟꓯꓼ ꓗꓽ ꓔꓬ ꓟ ꓠꓽ ꓩꓴ ꓠꓹ ꓟ ꓮ ꓒꓴꓸ (ꓛꓳ ꓒꓽ) ꓐꓴ ꓡꓰ ꓖꓪ ꓙꓱ ꓡ ꓟ ꓔꓯ ꓪꓴ-ꓬ ꓑꓬꓲ-ꓓꓴ-ꓢꓰꓸ ꓐꓴ ꓟꓽ ꓪꓽ ꓟ ꓗꓪ ꓐꓰ ꓡꓲ-ꓢꓴ ꓦꓲ ꓔꓯ ꓗꓽ ꓟꓶ ꓫꓵꓸ ꓫꓵꓸ ꓮ ꓔꓳꓸ ꓛꓴ ꓪꓴꓸ ꓔꓴ ꓡ ꓟ ꓥ ꓡꓳ” ꓐꓯ ꓡꓳ꓿
KNG Media ꓗꓪ ꓠꓬ ꓡꓲ-ꓢꓴ ꓦꓲ 16 ꓦꓲ ꓮ ꓔꓳꓸ ꓛꓴ ꓗꓷ ꓟ ꓟꓸ ꓟꓲꓽ ꓟꓽ ꓐꓳ ꓐꓳ꓾ ꓛꓳꓽ ꓒ ꓦꓲ 3 ꓦꓲ ꓔꓯ ꓡꓲ-ꓢꓴ ꓑꓲ-ꓓꓴ-ꓢꓰꓸ ꓡꓰ ꓮ ꓔꓳꓸ ꓛꓴ ꓗꓷꓳ ꓐꓰ ꓐꓳ ꓔꓸ ꓡꓳ꓿
ꓮ ꓔꓳꓸ ꓐꓬ ꓡꓰ ꓟ ꓡꓲ-ꓢꓴ ꓦꓲ 16 ꓦꓲ ꓗꓪ ꓑꓲ-ꓓꓴ-ꓢꓰꓸ ꓟꓯꓼ ꓟꓽ ꓓꓵꓽ ꓔꓸ ꓢꓴ ꓡꓲ-ꓢꓴ ꓐꓴ ꓦꓲ ꓥ ꓟꓲ ꓕꓱꓹ ꓞ ꓡꓳ꓾ ꓐꓯ ꓡꓳ꓿
