ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓺ ꓚ-ꓝꓲ-ꓟꓲꓽ ꓫꓵꓻ ꓟꓳ ꓔꓯ ꓑꓯ-ꓚꓰ. ꓗꓪ ꓫꓺ ꓔꓵꓸ ꓠꓹ ꓟ ꓚꓰꓹ ꓛꓲ ꓡ ꓡꓳ꓿
ꓖꓳ ꓡꓱ ꓥ ꓟꓲ ꓙꓱ ꓦꓲ ꓠꓽ ꓔꓶꓸ ꓐꓰ ꓫꓵꓻ ꓟꓳ ꓙ ꓖꓶ ꓔꓶꓸ ꓗꓪ ꓙꓰˍ ꓟ ꓕꓲꓽ ꓙ ꓖꓴ ꓡꓱꓸꓼ ꓗꓪ ꓑ ꓫꓬ ꓐꓴ ꓟꓽ ꓜꓲꓼ ꓝꓲ꓿
ꓝꓮꓲ ꓔꓵꓸ ꓫꓺ ꓦꓬꓼ ꓠꓬꓲ ꓗꓪ ꓥ ꓟꓲ ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓟꓽ ꓘꓴ ꓐꓰ꓾ ꓧꓶꓽ ꓗꓴꓷꓼ ꓙꓵꓽ ꓜꓴ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓐ-ꓣꓲ-ꓔꓲ ꓪ ꓔꓲꓸ ꓟ ꓬꓲ-ꓡꓲ-ꓫ-ꓑꓷ꓾ ꓙ-ꓑ ꓗꓴꓷꓼ ꓟꓬꓱꓽ ꓢꓲꓺ ꓡꓵꓺ ꓫꓲ-ꓜꓳ-ꓮ-ꓐꓯ ꓐꓴ ꓫꓵꓻ ꓟꓳ ꓚꓰꓹ ꓡ ꓚꓱꓹ ꓗꓪ ꓑ ꓫꓬ ꓐꓴ ꓠꓲꓹ ꓥꓴ ꓟꓬ ꓥꓴ ꓜꓲꓼ ꓡꓳꓸ ꓝꓲ ꓟ ꓙꓳˍ ꓥ ꓟꓲ꓾ ꓮ ꓟꓶ ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓺ ꓫꓵꓻ ꓟꓳ ꓚꓰꓹ ꓡ ꓟ ꓙ ꓖꓴ ꓗꓪ ꓑ ꓫꓬ ꓐꓴ ꓟꓽ ꓜꓲꓼ ꓝꓲ꓿
ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓺ ꓚ-ꓝꓲ-ꓟꓲꓽ ꓠꓬ ꓧꓶ ꓗꓴꓷꓼ ꓔꓯ 1993 ꓗꓪ ꓐꓰ 2003 ꓘꓳꓼ ꓗꓪ ꓛꓲ ꓙꓵꓽ ꓗꓷ ꓢꓴ ꓥ ꓢꓲ꓾ 2022 ꓘꓳꓼ 11 ꓦ 30 ꓠꓬꓲ꓾ ꓬꓲꓸ ꓞꓲꓼ 96 ꓘꓳꓼ ꓕꓯꓽ ꓫꓵꓻ ꓟ ꓥ ꓡꓳ꓿
