ꓧꓶꓽ ꓗꓴꓷꓼ ꓐꓶꓽ ꓗꓴꓷꓼ ꓔꓯ ꓟꓳꓸ ꓙ ꓡꓯ ꓘꓳ ꓜꓴ ꓗꓪ ꓐꓰ ꓢꓲꓽ ꓒꓽ ꓓꓯ-ꓫꓲ-ꓙꓴ (Mr. Deng Xijun) ꓠꓬ 2022 ꓘꓳꓼ 12 ꓦ 29 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓗꓪ ꓡ ꓢꓲꓸ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡ ꓡꓳ꓿
“ꓟꓬ-ꓟ ꓗꓴꓷꓼ ꓢꓲ ꓡꓲꓹ ꓡ ꓚꓱꓹ ꓗꓪ ꓧꓶꓽ ꓗꓴꓷꓼ ꓡꓰ ꓬꓰ ꓙ ꓔꓬ ꓟ꓾ ꓟꓲ ꓠꓯ ꓗꓴꓷꓼ ꓜꓲꓼ ꓓꓴ ꓗꓪ ꓟꓬ-ꓟ ꓐꓱ ꓶ ꓧꓶꓽ ꓗꓴꓷꓼ ꓡꓰ ꓫꓸ ꓕꓱ ꓔꓺ ꓙ ꓡ ꓟ꓾ ꓫꓸ ꓟꓷꓼ ꓚꓱꓹ ꓐꓰ꓾ ꓪꓴꓽ ꓟꓴ ꓡ ꓚꓱꓹ ꓗꓪ ꓟꓬ-ꓟ ꓔꓯ ꓧꓶꓽ ꓗꓴꓷꓼ ꓡꓰ ꓬꓰ ꓙ ꓡ ꓟ ꓔꓯ ꓫꓸ ꓟꓳ ꓐꓰ꓾ ꓐꓯ ꓗꓷꓳ” ꓐꓰ ꓟꓬ-ꓟ ꓔꓦ ꓓꓳꓽ ꓗꓪ ꓐꓯˍ ꓡꓳ꓿
ꓝꓮꓲ ꓕꓲꓽ ꓒꓳꓹ ꓗꓪ ꓠꓬ ꓗꓴꓷꓼ ꓜꓴ ꓗꓪ ꓐꓰ ꓫꓸ ꓪ ꓘꓶꓽ ꓓꓳ ꓩꓴ ꓡ ꓟ (ꓴꓠꓢꓚ) ꓐꓰ ꓴꓢꓮ ꓗꓴꓷꓼ ꓗꓪ ꓐꓰ ꓙꓵꓽ ꓗ ꓫꓵꓼ ꓚꓰꓼ ꓓꓳ ꓩꓴ ꓡ ꓟ (ꓠꓓꓮꓮ) ꓗꓪ ꓟꓬ-ꓟ ꓚꓱꓹ ꓚꓬꓼ ꓡ ꓔꓬ ꓠꓬꓲ꓾ꓧꓶꓽ ꓒꓽ ꓗꓴꓷꓼ ꓐꓰ ꓟꓬ-ꓟ ꓟꓯꓼ ꓜꓲꓽ ꓐꓴ ꓮ ꓡꓲ ꓔꓳꓹ ꓡꓽ ꓠꓹ ꓟ ꓖꓪ ꓙꓱ ꓡꓯ ꓘꓳ ꓔꓬꓳ ꓐꓰ ꓢꓪꓼ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿
