ꓧꓶꓽ ꓗꓴꓷꓼ ꓡꓳ ꓒꓱ ꓓꓽ ꓕꓲꓽ ꓟ ꓗꓪ ꓕꓲ ꓠꓬꓲ ꓘꓴꓽ ꓗꓪ ꓗꓳ-ꓪꓰꓼ ꓠꓻ ꓢꓴ 5 ꓢꓯꓹ ꓟꓽ ꓞꓲ ꓧꓪ ꓟꓳꓻ ꓗꓸ ꓠꓯꓸ ꓠꓻ ꓢꓴ/ꓫꓵꓻ ꓢꓴ ꓵꓺ ꓟꓬꓱꓺ ꓢꓷꓸ ꓙ ꓟꓴ ꓙ ꓟ ꓚꓱꓹ ꓔꓯ ꓠꓽ ꓩꓴꓳ꓿
China’s National Health Commission (NHC) ꓗꓪ ꓐꓰ ꓗꓳ-ꓪꓰꓼ ꓠꓻ ꓢꓴ/ ꓫꓵꓻ ꓢꓴ ꓮ ꓡꓲ ꓡꓲ ꓙꓳˍ ꓟ ꓓꓳꓽ ꓢꓷꓸ ꓙ ꓟꓴ ꓙ ꓔꓬ ꓟ ꓥ ꓢꓲ꓾ 12 ꓦ 23 ꓠꓬꓲ ꓗꓪ ꓐꓰ ꓓꓳꓽ ꓢꓷ ꓙ ꓟꓴ ꓙ ꓚꓱꓹ ꓔꓯ ꓓꓴꓽ ꓠꓽ ꓡ ꓟ ꓥ ꓡꓳ꓿
Zhejiang ꓡꓳ ꓒꓱ ꓗꓪ ꓕꓲꓽ ꓠꓬꓲ 408400 ꓣꓳ ꓠꓯ ꓞꓲꓼ ꓦꓲ ꓗꓪ ꓡ ꓡꓳ꓿ ꓡꓳ ꓒꓱꓽ ꓓꓽ ꓕꓲꓽ ꓟ ꓗꓪ ꓗꓳ-ꓪꓰꓼ ꓠꓻ ꓢꓴ ꓕꓲꓽ ꓠꓬꓲ 5 ꓢꓯꓹ ꓛꓲ ꓧꓪ ꓟꓶ ꓔꓬ ꓡꓳ ꓐꓰ the Guardian ꓗꓪ ꓐꓳˍ ꓡꓳ꓿
ꓗꓳ-ꓪꓰꓼ ꓐꓶꓹ ꓔꓶꓼ ꓙꓵꓽ ꓚꓱꓹ (Zero Covid Policy) ꓔꓯ ꓮ ꓔꓲꓸ ꓤꓼ ꓒꓶꓻ ꓩꓴ ꓡ ꓟꓶ ꓕꓱꓼ ꓕꓱ ꓡꓱ ꓗꓳ-ꓪꓰꓼ ꓠꓻ ꓢꓴ ꓵꓺ ꓟꓬꓱꓺ ꓟꓬꓽ ꓡ ꓟ ꓥ ꓡꓳ꓿
“ꓧꓶꓽ ꓗꓴꓷꓼ ꓠꓬ ꓙꓲ ꓣꓴ ꓓꓴ ꓙꓳˍ ꓟ ꓳꓽ ꓧꓶ ꓕꓲꓽ ꓫꓵꓽ ꓠ ꓔꓯ ꓔꓳꓹ ꓜꓳ ꓪ ꓔꓬꓳ” ꓐꓰ ꓠꓯ ꓞꓲꓼ ꓐꓰ ꓠꓻ ꓫꓵꓽ ꓔꓯ ꓟꓳꓸ ꓢꓪꓼ ꓢꓴ ꓐꓴ ꓡꓰ ꓐꓯ ꓡꓳ꓿
ꓟꓲ ꓠꓯ ꓗꓴꓷꓼ ꓜꓴ ꓠꓯꓸ ꓘꓪ ꓗꓪ ꓟ ꓖꓳ ꓓꓱꓽ ꓔꓬꓹ ꓢ ꓚꓱꓹ ꓜꓴ (ꓪꓧꓳ) ꓗꓪ ꓥ ꓟꓲ ꓗꓳ-ꓪꓰꓼ ꓔꓯꓳꓸ ꓧꓶꓽ ꓗꓴꓷꓼ ꓗꓪ ꓐꓰ ꓵꓺ ꓟꓬꓱꓺ ꓐꓰ ꓢꓷꓸ ꓡꓰ ꓓꓴ ꓮ ꓫꓵꓽ ꓡꓰꓸ ꓟꓽ ꓖꓶ ꓔꓸ꓿
ꓧꓶꓽ ꓟꓵꓽ ꓗꓪ ꓗꓳ-ꓪꓰꓼ ꓠꓻ ꓚꓱꓹ ꓠꓬ ꓮ ꓟꓬ ꓣꓳ ꓠꓻ꓾ ꓮ ꓡꓲ ꓫꓵꓻ ꓟ ꓙ ꓖꓴ ꓠꓬ ꓘꓴꓽ ꓘꓴꓽ ꓠꓯ ꓠꓯ ꓚꓱꓹ ꓗꓷ ꓡꓰꓳ꓾ ꓐꓯ ꓔꓬ ꓡꓳ꓿
ꓧꓶꓽ ꓒꓽ ꓗꓴꓷꓼ ꓗꓪ ꓗꓳ-ꓪꓰꓼ ꓑꓶꓸ ꓓꓴ 1 ꓪꓹ ꓫꓵꓻ ꓡ ꓠ ꓔꓸ ꓥ ꓐꓰ ꓢꓷꓸ ꓢꓴ ꓐꓴ ꓡꓰ ꓢꓪꓼ ꓔꓸ ꓟ ꓓꓳꓽ the Nature ꓗꓪ ꓐꓳ ꓔꓸ ꓡꓳ꓿
ꓬꓲꓸ ꓚꓰ꓾ Reuters, the Nature
