ꓧꓶꓽ ꓓꓰ-ꓟꓳ-ꓗꓯ-ꓢꓰ ꓠꓬ ꓴꓢ ꓓꓰ-ꓟꓳ-ꓗꓯ-ꓢꓰ ꓕꓯꓽ ꓢꓲ ꓙꓲˍ ꓡꓳ ꓐꓰ ꓧꓶꓽ ꓗꓳ-ꓟꓴ-ꓠꓰꓼ ꓗꓴꓷꓼ ꓙꓵꓽ ꓜꓴ ꓚꓚꓑ ꓡꓰ ꓫꓸ ꓕꓱ ꓩꓴ ꓡ ꓡꓳ꓿
ꓴꓢ ꓗꓴꓷꓼ ꓪ ꓔꓲꓸ ꓙꓳ-ꓐ-ꓓꓲ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓟꓲ ꓠꓯ ꓗꓴꓷꓼ ꓐꓴ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓔꓯ ꓟꓳꓸ ꓖꓪ ꓙꓱ ꓜꓲꓼ ꓓꓴ ꓔꓯ ꓡ ꓠꓹ ꓟ 12 ꓦ 9 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓣꓱꓽ ꓬꓰ ꓙꓰ ꓠꓹ ꓟ ꓙ ꓖꓶꓽ ꓔꓬ ꓟ ꓗꓪ꓾ ꓧꓶꓽ ꓗꓴꓷꓼ ꓠꓬ ꓠꓲꓹ ꓞ ꓠꓲꓹ ꓧꓳꓽ ꓬꓲꓸ ꓕꓲ ꓗꓯꓺ ꓢꓴꓺ ꓠꓰ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓕꓲ ꓟ ꓬꓰ ꓔꓬ ꓟ ꓥ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓖꓳ ꓟ ꓗꓪ ꓧꓶꓽ ꓗꓴꓷꓼ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓠꓬ ꓟꓬ ꓠꓬꓲ ꓔꓱꓹ ꓚꓵˍ ꓟ ꓐꓰ꓾ ꓙꓲˍ ꓟ ꓥ ꓡꓳ ꓐꓰ ꓐꓯ ꓔꓬ ꓡꓳ꓿
ꓧꓶꓽ ꓗꓴꓷꓼ ꓑ ꓫꓬ ꓐꓴ ꓠꓬ ꓴꓢ ꓗꓴꓷꓼ ꓑ ꓫꓬ ꓐꓴ ꓕꓯꓽ ꓢꓲ ꓗꓴꓷꓼ ꓟꓬꓱꓽ ꓚꓱꓹ ꓗꓪ ꓗꓸ ꓘꓳꓽ ꓘꓳꓽ ꓔꓺ ꓪ ꓓˍ ꓡꓳ꓿ ꓴꓢ ꓑ ꓫꓬ ꓐꓴ ꓠꓬ ꓢꓲꓻ ꓣꓴ ꓟꓯꓹ ꓛꓬꓽ ꓗꓶꓺ ꓓꓴ ꓕꓲ ꓕꓳꓼ ꓡꓰ ꓬꓰ ꓪ ꓓ ꓡꓳ꓾ ꓐꓰ ꓚꓚꓑ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓧꓶꓽ ꓗꓴꓷꓼ ꓔꓯ ꓓꓳꓹ ꓟꓴ ꓢꓲꓸ ꓫꓸ ꓕꓱ ꓔꓬ ꓡꓳ꓿
ꓢꓳꓴꓣꓚꓰꓽ ꓖꓡꓳꓐꓮꓡ ꓔꓲꓟꓰꓢ
