2022 ꓘꓳꓼ 10 ꓦ 22 ꓠꓬꓲ꓾ ꓧꓶꓽ ꓒꓽ ꓗꓴ-ꓟꓴ-ꓠꓲꓼ ꓑ-ꓔꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓧꓶꓸ ꓕꓯꓽ ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓻ ꓧꓴ-ꓚꓰ-ꓔꓮꓳꓽ ꓔꓯ ꓟꓽ ꓓ ꓟꓽ ꓢꓽ ꓧꓳꓽ ꓓꓳ ꓙꓰˍ ꓟ ꓢꓯꓸ ꓐꓬꓱꓽ ꓓꓳ ꓡ ꓡꓳ꓿
ꓬꓲꓸ ꓠꓬ ꓫꓵ-ꓚꓲ-ꓒꓲꓽ ꓡꓯꓼ ꓶꓸ ꓗꓪ ꓔꓬ ꓟ ꓥ ꓢꓲ꓾ ꓓꓳ ꓙꓰ ꓠꓲꓹ ꓟꓽ ꓫꓵ ꓥ ꓟꓲ꓾ ꓬꓲꓸ ꓔꓯ ꓣꓴ ꓡ ꓢꓴ 2 ꓣꓳ ꓡꓰꓽ ꓟꓽ ꓓ ꓟꓽ ꓢ ꓧꓳꓽ ꓙꓰˍ ꓟ ꓡꓳꓸ ꓟꓳ ꓡꓳ꓿ ꓬꓲꓸ ꓒꓬꓱꓽ ꓥ ꓟꓲ ꓟꓽ ꓙꓲˍ ꓟ ꓡꓳꓸ ꓟꓳ ꓡꓳ꓿ ꓮ ꓟꓶ ꓧꓶꓽ ꓗꓴꓷꓼ ꓪꓴꓸ ꓓꓵ ꓫꓵ-ꓚꓲ-ꓒꓲꓽ ꓔꓯ ꓕꓲ ꓠꓬꓲꓽ ꓘꓶꓽ ꓫꓸ ꓕꓱ ꓡꓯ ꓘꓳ ꓢꓲꓸ ꓓꓳ ꓙꓰˍ ꓡꓳ꓿
ꓧꓴ-ꓚꓰ-ꓔꓮꓳꓽ ꓠꓬ ꓧꓶꓽ ꓗꓴꓷꓼ ꓪꓴꓸ ꓓꓵ ꓟꓬꓱꓽ ꓗꓪ 2003-2013 ꓗꓪ ꓛꓲ ꓬꓰ ꓗꓷ ꓢꓴ ꓥ ꓡꓳ꓿
ꓞꓲꓼ ꓪꓴꓽ ꓢꓴ꓾ ꓝꓮꓲ ꓗꓴꓷꓼ ꓪꓴꓸ ꓓꓵ ꓬꓰ ꓠꓬꓲ ꓢꓴ ꓕꓲꓽ ꓣꓳ ꓔꓯ ꓕꓱ ꓡꓱ ꓟꓽ ꓒꓵꓽ ꓟꓽ ꓚ ꓟ ꓡꓰ ꓐꓰ ꓬꓰ ꓖꓶˍ ꓟ ꓠꓬ ꓮ ꓡꓲꓳ ꓫꓵꓽ ꓥ ꓟ ꓟꓽ ꓐꓯ ꓓꓳ ꓡ ꓢꓰꓽ꓿
