ꓴꓢꓮ ꓗꓴꓷꓼ꓾ ꓘꓯ-ꓔ-ꓗꓲ ꓡꓳ ꓒꓱ꓾ Allen ꓪꓽ ꓚꓲ ꓡꓳ ꓒꓱ ꓤꓽ ꓗꓪ꓾ ꓦꓲ ꓘꓴꓽ ꓗꓪ ꓗꓸ ꓧꓪ ꓗꓸ ꓓꓶꓽ ꓬꓰ ꓔꓬ ꓢꓴ ꓕꓲ ꓣꓳ ꓔꓯ ꓑꓳ-ꓡꓲ ꓟꓯꓼ ꓠꓰ ꓣꓴ ꓡ ꓕꓯꓽ ꓡ ꓛꓴꓸ ꓐꓶ ꓡꓯ ꓘꓳ ꓠ ꓗ ꓬꓰ ꓢꓲꓸ ꓑꓳ-ꓡꓲ ꓟꓯꓼ 3 ꓣꓳ꓾ ꓟꓯꓼ ꓮꓸ ꓠꓽ 1 ꓘꓹ ꓫꓵꓻ꓾ ꓠꓱꓸ ꓐꓯꓼ ꓠꓻ ꓓꓴ ꓡꓰ ꓢꓴ 4 ꓣꓳ ꓙꓳ ꓡꓰꓳ꓿
ꓕꓱ ꓟ ꓠꓬ 2022 ꓘꓳꓼ꓾ 7 ꓦ (2) ꓠꓬꓲ꓾ ꓠꓯꓼ (7) ꓙꓵꓹ ꓕꓯꓽ ꓗ ꓬꓰˍ ꓟ ꓫꓵꓽ ꓪꓴꓻ ꓥꓳ꓿ ꓫꓵꓻ ꓢꓴ ꓐꓴ ꓠꓬ꓾ ꓑꓳ-ꓡꓲ ꓟꓯꓼ ꓐꓴ ꓥ ꓟ Ralph Frasure꓾ William Petry꓾ ꓟꓯꓼ ꓮꓸ ꓠꓽ ꓠꓵꓹ ꓢꓴ Jacob Chaffins ꓐꓰ꓾ ꓟꓯꓼ ꓮꓸ ꓠꓽ K9 Dragon ꓐꓴ ꓥ ꓡꓳ꓿
ꓠ ꓡꓲꓺ (3) ꓙꓵꓹ ꓛꓲ ꓐꓶ ꓡꓯ ꓘꓳ ꓗꓷ ꓗꓸ ꓟꓯꓸ ꓦꓲ ꓘꓴꓽ ꓗꓪ ꓗꓸ ꓧꓪ ꓗꓸ ꓓꓶꓽ ꓬꓰ ꓒꓽ Lance Storz ꓔꓯ ꓣꓴ ꓟꓶ ꓡꓰꓳ꓿ ꓬꓲꓸ ꓔꓯ ꓟꓯꓼ ꓐꓴ ꓡꓰꓽ ꓐꓯ ꓟꓴ ꓚꓱꓹ (9) ꓟ ꓩꓴ ꓔꓸ ꓡꓳ꓿
ꓬꓲꓸ ꓚꓰ꓾ ꓐꓐꓚ
