ꓠꓲ, ꓠꓵ ꓟ ꓬꓲ; ꓤ; ꓠꓬꓲ ꓤ; ꓐꓴꓳ꓾ ꓮ ꓟꓶ ꓟ ꓦꓬ; ꓠꓬꓲ ꓠꓬ ꓟꓳ-ꓓꓳ꓾ ꓢꓲꓥ-ꓗꓮꓠ ꓟꓬ: ꓡ ꓟ ꓑꓶ ꓢꓴ ꓮ ꓘꓶ. ꓤ ꓟꓳ ꓠ ꓗ, ꓡꓳ= ꓙꓰ ꓙꓰ ꓡ ꓡ ꓬꓰ ꓟ ꓗꓪ ꓣꓱ: ꓔꓬ ꓟ ꓟꓳ-ꓓꓳ ꓾ꓢꓲꓥ – ꓗꓮꓠ ꓠꓬ ꓣꓳ ꓢꓯ; ꓟꓬ ꓔꓯ ꓣꓴ ꓔꓯ, ꓙꓰ ꓐ ꓡ ꓡꓳ=
ꓣꓳ ꓗꓶ-ꓛꓰ ꓗꓴꓷ; ꓫꓴ ꓠꓯ; ꓗꓪ 2020 ꓘꓳ; ꓬꓲ. ꓘꓴ: ꓠꓯ. ꓗꓪ ꓟꓳ-ꓓꓳ꓾ ꓢꓲꓥ-ꓗꓮꓠ ꓕꓯ; ꓡꓰ ꓢꓲ (accident) ꓗꓪ ꓐꓰ ꓫꓵ ꓢꓴ (200) ꓣꓳ ꓟ: ꓞꓲ ꓫꓵ ꓢꓲ꓾ ꓠ ꓓꓴ ꓓꓴ ꓡꓰ ꓢꓴ (500) ꓣꓳ ꓟ: ꓞꓲ ꓙꓳ ꓗꓳ ꓐꓰ ꓗꓴꓷ; ꓙꓵ: ꓢꓴ ꓐꓴ ꓡꓰ ꓐꓯ-ꓡꓳ=
ꓟꓲ-ꓚꓲ-ꓠ ꓾ ꓐ-ꓟꓳ꓾ ꓟꓳ-ꓠꓬꓲꓠ ꓡꓳ ꓒꓱ ꓐꓴ ꓠꓬ ꓟꓳ-ꓓꓳ ꓾ ꓢꓲꓥ-ꓗꓮꓠ ꓕꓯ; ꓡꓰ ꓟ ꓮ ꓘꓶ. ꓟꓬ: ꓟ ꓠꓬꓲ ꓖꓴ ꓥ ꓢꓲ ꓾ ꓑꓴ-ꓔ-ꓮꓳ ꓠꓬ ꓮ ꓘꓶ. ꓠꓲ. ꓟ ꓥꓳ=
ꓟꓳ-ꓢꓳ꓾ ꓢꓲꓥ-ꓗꓮꓠ ꓑꓳ, ꓢꓴ ꓠꓬ ꓤ ꓟꓳ ꓢꓲ ꓑꓳ, ꓠ, ꓟ ꓕ : ꓟꓲ ꓡꓰ= ꓙꓲ ꓒꓶ: ꓓꓳ ꓢꓲ ꓟꓲ ꓕ: ꓫꓵ.= ꓟꓳ-ꓓꓳ꓾ ꓢꓲꓥ-ꓗꓮꓠ ꓜꓶ: ꓔꓬ ꓕꓯ: ꓑꓧꓳꓠꓰ ꓕ: ꓣꓱ:= ꓮ ꓙꓵ: ꓢꓴ ꓤ ꓟꓳ ꓢꓲ ꓪꓴ-ꓢ ꓡꓰ ꓖꓶ: ꓔ ꓟ ꓣꓳ ꓖꓳ ꓓꓱ: ꓾ ꓢꓯ; ꓟꓬ ꓔꓯ. ꓫ ꓒꓵ: ꓪ ꓡꓰ ꓝꓲ=
