ꓣ-ꓫꓸ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓢ-ꓙꓬ-ꓡꓼ-ꓬꓳꓼ (Sergey Lavrov) ꓠꓬ ꓠꓬꓲꓸ ꓠꓬꓲ 2022 ꓘꓳꓼ 8 ꓦ 3 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓗꓪ ꓚꓳ ꓑꓲꓺ ꓡꓻꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓗꓴꓷꓼ ꓙꓵꓽ ꓪ ꓣꓴ ꓓꓳ ꓗꓸ ꓠꓯꓸ ꓣ-ꓫꓸ ꓗꓴꓷꓼ ꓗꓪ ꓐꓰ ꓗꓹ ꓛꓲ ꓡ ꓢꓴ ꓐꓴ ꓗꓪ ꓐꓰ ꓟꓴ ꓡꓳꓹ ꓬꓰˍ ꓟ ꓙꓵꓽ ꓪ ꓙꓳ ꓢꓴ ꓥ ꓡꓳ꓿
ꓬꓲꓸ ꓠꓬ ꓟꓰꓹ-ꓮꓳ-ꓡꓮꓲꓽ ꓔꓯ ꓥ ꓟꓲ ꓜꓲ ꓡꓯ ꓘꓳ ꓠꓹ ꓟ ꓥ ꓡꓳ꓿ ꓜꓲ ꓡꓯ ꓘꓳ ꓟ ꓬꓲꓸ ꓑꓶꓸ ꓠꓬ꓾ ꓶ ꓡꓯꓼ ꓚꓱꓹ꓾ ꓡꓳꓸ ꓙ ꓗꓽ ꓙ ꓚꓱꓹ ꓐꓰ꓾ ꓫꓸ ꓔꓬ ꓢꓴ ꓔꓯ ꓫꓱꓸ ꓤꓼ ꓬꓰ ꓙ ꓚꓱꓹ ꓥꓳ ꓐꓰ ꓐꓯ ꓡꓳ꓿
ꓟꓬ-ꓟ ꓠꓬ ꓣ-ꓫꓸ ꓔꓯ ꓙ ꓡꓯ ꓘꓳ ꓟ ꓟꓬꓽ ꓡ ꓔꓬ ꓡꓳ꓿ ꓟꓬ-ꓟ ꓐꓶꓽ ꓗꓴꓷꓼ ꓢꓲꓽ ꓒ ꓳ-ꓠꓼ ꓟꓮꓳ-ꓡꓱ ꓠꓬ ꓮ-ꓢꓰ-ꓬ ꓢꓲꓽ ꓒꓽ ꓐꓴ ꓜꓲꓼ ꓓꓴ ꓗꓪ ꓜꓲꓼ ꓟꓽ ꓪ꓿ ꓮ-ꓢꓰ-ꓬ ꓡꓰ ꓟꓽ ꓘꓴ ꓖꓶꓽ꓿ ꓝꓮꓲ ꓟꓰꓹ-ꓮꓳ-ꓡꓮꓲꓽ ꓠꓬ ꓣ-ꓫꓸ ꓗꓪ 2 ꓧꓪꓹ ꓗꓹ ꓚꓳ ꓛꓲ ꓟ ꓥ ꓡꓳ꓿
ꓐꓬꓱꓽ꓾ MFA Russia
