ꓟꓬ-ꓟ ꓣꓳ-ꓦꓲ-ꓙ ꓞꓳ ꓫꓵꓽ ꓔꓯ ꓞꓳ ꓛꓴ ꓞꓰꓹ ꓪ ꓛꓴ ꓞꓰꓹ ꓢꓰꓼ ꓚꓱꓹ ꓑꓶꓸ ꓓꓴ ꓟꓬ-ꓟ ꓟꓯꓼ ꓜꓲꓽ ꓐꓴ ꓐꓰ ꓟꓬ-ꓟ ꓟꓯꓼ ꓔꓯ ꓐꓯ ꓟꓴ ꓩꓴ ꓠꓹ ꓟ ꓮ-ꓙꓲ-ꓔꓲ-ꓠꓸ ꓗꓴꓷꓼ ꓫꓵꓽ ꓘꓶꓽ ꓔꓶꓸ ꓕꓲ ꓟ ꓗꓪ ꓫꓵꓽ ꓪꓴ ꓘꓳ ꓣꓴ ꓗꓷꓳ ꓐꓰ ꓟꓬ-ꓟ ꓣꓳ-ꓦꓲ-ꓙ ꓜꓴ (BROUK) ꓡꓰ 2021 ꓘꓳꓼ 11 ꓦ 28 ꓠꓬꓲ ꓕꓯ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓫꓵ ꓪꓴ ꓕꓱ ꓟ ꓔꓯ 2019 ꓘꓳꓼ 11 ꓦ 13 ꓠꓬꓲ ꓕꓯꓽ ꓪꓴꓸ ꓔꓴ ꓢꓲꓸ ꓗꓳꓹ ꓔꓸ ꓟ ꓥ ꓡꓳ꓿
ꓟꓬ-ꓟ ꓚ ꓟꓲꓽ ꓕꓲ ꓙ ꓖꓴ ꓡꓱꓸꓼ ꓗꓪ ꓟꓽ ꓙꓲ ꓟꓽ ꓜꓳ ꓬꓰ ꓢꓴ ꓐꓴ ꓔꓯ ꓐꓯ ꓟꓴ ꓘꓶꓽ ꓓꓴ ꓟꓽ ꓙꓳ ꓙꓳ ꓡꓲꓹ ꓙꓰ ꓟꓶ ꓔꓬ ꓟ ꓬꓲꓸ ꓟꓶꓽ ꓢꓰꓼ ꓠꓹ ꓟ ꓑ ꓫꓬ ꓐꓴ ꓧꓪ ꓓꓰꓽ ꓔꓬ ꓟ ꓕꓲ ꓝꓲꓸ ꓗꓪ ꓮ-ꓙꓲ-ꓔꓲ-ꓠ ꓗꓴꓷꓽ ꓗꓪ ꓫꓵꓽ ꓪꓴ ꓕꓱ ꓟ ꓚꓲꓸ ꓚ ꓢꓲꓸ ꓫꓵꓽ ꓘꓶꓽ ꓠꓹ ꓟ ꓐꓯ ꓟꓴ ꓘꓶꓽ ꓔꓶꓸ ꓗꓪ ꓐꓰ ꓘꓳ ꓣꓴ ꓡ ꓟ ꓥ ꓡꓳ꓿
ꓲꓚꓙ ꓗꓪ ꓥ ꓟꓲ ꓟꓬ-ꓟ ꓔꓯ ꓖ-ꓐꓲ-ꓬ ꓗꓴꓷꓼ ꓡꓰ ꓫꓵꓽ ꓪꓴ ꓩꓴ ꓔꓸ ꓟ ꓕꓲ ꓚꓱꓹ ꓙꓳ ꓢꓰꓽ ꓡꓳ꓿
” ꓠꓬꓲꓸ ꓠꓬꓲ ꓠꓬ ꓣꓳ-ꓦꓲ-ꓙ ꓐꓴ ꓐꓱ ꓶ ꓥꓳ ꓡꓳꓸ ꓓꓴ ꓡꓰꓽ ꓟꓽ ꓞꓲ ꓠꓬꓲꓸ ꓤꓲ ꓟꓶ ꓢꓴ ꓐꓴ ꓮ ꓙꓵꓽ ꓐꓱ ꓶ ꓥꓳ꓿ ꓮ-ꓙꓲ-ꓔꓲꓸ-ꓠ ꓡꓰ ꓓꓵꓽ ꓙ ꓞꓷꓹ ꓩꓴ ꓡ ꓟ ꓠꓬ ꓟꓽ ꓙꓲ ꓟꓽ ꓜꓳ ꓟ ꓟꓬꓱꓽ꓾ ꓞꓳ ꓛꓴ ꓞꓰꓹ ꓡꓰ ꓗꓪ ꓛꓲ ꓞꓳ ꓢꓰꓼ ꓪ ꓢꓰꓼ ꓢꓴ ꓐꓴ ꓐꓱ ꓶ ꓑꓬ ꓠꓬꓹ ꓖꓴ ꓟꓽ ꓙꓳ ꓐꓰ ꓢꓷꓸ ꓡꓰ ꓓꓴ ꓕꓲ ꓟ ꓥꓳ” ꓐꓰ ꓐꓣꓳꓴꓗ ꓜꓴ ꓧꓳꓽ ꓢꓴ ꓕꓴꓸ-ꓘꓰꓽ ꓡꓰ ꓐꓯ ꓔ ꓡꓳ꓿
ꓠꓴꓖ ꓗꓪ ꓐꓰ ꓥ ꓟꓲ ꓠꓴ ꓜꓳꓽ ꓥ꓾ꓑꓶꓸ ꓥ ꓐꓯ ꓐꓷˍ ꓠꓬ꓾ ꓡꓽ ꓛꓴꓸ ꓠꓰ ꓟꓽ ꓥ꓾ ꓫꓵꓽ ꓘꓶꓽ ꓔꓶꓸ ꓗꓪ ꓫꓵꓽ ꓕꓱ ꓡꓯ ꓘꓳ ꓡꓯ ꓐꓰ ꓟꓬ-ꓟ ꓟꓯꓼ ꓔꓯ ꓪꓴꓸ ꓔꓬ ꓟ ꓥ ꓡꓳ꓿
ꓢꓳꓴꓣꓰꓽ brouk.org.uk
