ꓣ-ꓘꓮꓲ ꓟꓵꓽ꓾ ꓐꓴ-ꓔꓲ-ꓔꓮꓳ ꓡꓳ ꓒꓱ ꓗꓪ꓾ ꓣꓳ-ꓦꓲ-ꓙ ꓐꓴ ꓘꓴ ꓔꓴ ꓟ ꓠꓬ ꓚ ꓟꓲꓽ ꓗꓪ ꓟꓽ ꓜꓳꓽ ꓟꓽ ꓔꓱꓹ ꓡꓳꓹ ꓬꓰ ꓟ ꓥꓳ꓾ ꓮ ꓡꓲ ꓐꓰ ꓡꓯꓽ ꓔꓯꓽ ꓠꓹ ꓟ ꓢꓪꓼ ꓔꓬ ꓡꓳ꓾ ꓐꓰ ꓣ-ꓘꓮꓲꓽ ꓟꓯꓼ ꓮꓮ ꓗꓪ ꓐꓰ ꓫꓸ ꓕꓱ ꓢꓴ ꓘꓮꓲ-ꓔꓴꓼ-ꓘꓼ ꓡꓰ ꓐꓯ ꓡꓳ꓿
ꓟꓽ ꓠꓲꓹ ꓫꓵ ꓐꓯ ꓢꓲꓸ ꓘꓴ ꓔꓴ ꓟ
2024 ꓘꓳꓼ 3 ꓦ 19 ꓠꓬꓲ ꓕꓯꓽ “ꓟꓯꓼ ꓢꓰꓼ ꓡꓯ ꓘꓳ ꓟ ꓟꓽ ꓠꓲꓹ ꓫꓵ” “ꓮꓮ ꓔꓯ ꓟꓽ ꓠꓲꓹ ꓫꓵ” “ꓗꓴꓷꓼ ꓘꓴꓽ ꓗꓪ ꓢꓴ ꓔꓴ ꓢꓰꓼ ꓡꓯ ꓘꓳ ꓟ ꓔꓯ ꓟꓽ ꓠꓲꓹ ꓫꓵ” ꓐꓯˍ ꓟ ꓢꓷꓸ ꓡꓰ ꓓꓴ ꓕꓳ ꓶ ꓔꓯꓹ ꓔꓸ ꓢꓲꓸ ꓣꓳ-ꓦꓲ-ꓙ ꓐꓴ ꓘꓴꓻ ꓔꓴ ꓩꓴ ꓡ ꓟ ꓥ ꓡꓳ꓿
ꓕꓱ ꓟ ꓑꓶꓸ ꓓꓴ ꓮꓮ ꓫꓸ ꓕꓱ ꓢꓴ ꓡꓰ꓾ “ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓠꓬꓲꓸ ꓤꓲ ꓢꓴ ꓟꓬ-ꓟ ꓟꓯꓼ ꓔꓯ ꓒꓳꓹ ꓔꓳꓹ ꓔꓬ ꓟ ꓦꓬꓼ ꓠꓬꓲ ꓗꓪ꓾ ꓮ ꓫꓶ ꓕꓯ ꓔꓲꓸ ꓟꓬ-ꓟ ꓟꓯꓼ ꓠꓰ ꓠꓬꓲꓸ ꓤꓲ ꓪ ꓡꓰ ꓢꓴ ꓐꓴ ꓠꓬ ꓮ ꓟꓶ ꓔꓲꓸ ꓟꓬ-ꓟ ꓟꓯꓼ ꓔꓯ ꓔꓺ ꓙꓰ ꓓꓴ ꓟ ꓠꓬ꓾ ꓟꓬ-ꓟ ꓑ ꓫꓬ ꓮ ꓙꓵꓽ ꓙꓰ ꓔꓬ ꓟ ꓙ ꓖꓴ ꓔꓯ ꓒꓳꓹ ꓔꓳꓹ ꓩꓴ ꓡ ꓟ꓾ ꓟꓽ ꓜꓳꓽ ꓟꓽ ꓔꓱꓹ ꓢꓴ ꓕꓲꓽ ꓛꓱ ꓗꓪ ꓦꓰꓼ ꓩꓴ ꓡ ꓟ ꓠꓬ ꓟꓽ ꓜꓳꓽ ꓟꓽ ꓔꓱꓹ ꓡꓳꓹ ꓬꓰ ꓟ ꓥꓳ” ꓐꓯˍ ꓡꓳ꓿
2017 ꓘꓳꓼ ꓗꓪ ꓟꓬ-ꓟ ꓟꓯꓼ ꓠꓰ ꓣꓳ-ꓦꓲ-ꓙ 7 ꓢꓯꓹ ꓣꓳ ꓔꓯ ꓖꓼ ꓓꓳ ꓩꓴ ꓗꓷ ꓟ ꓥ ꓡꓳ꓿ ꓖꓳ ꓗꓪ ꓦꓲ ꓐꓬ ꓡꓰ ꓢꓴ꓾ ꓢꓰꓼ ꓪ ꓡꓰ ꓢꓴ ꓐꓯ ꓖꓴ ꓟꓽ ꓓ ꓙꓳ ꓡꓳ꓾ ꓐꓯ ꓡꓳ꓿
ꓬꓲꓸ ꓚꓰ꓾ နိရဉ္စရာ
