ꓘꓶ-ꓢꓲ-ꓔꓲ-ꓬ-ꓠꓳ-ꓣꓳ-ꓠꓯ-ꓓꓳ ꓠꓬ ꓟ-ꓣꓴ ꓑꓲꓹ ꓡꓴꓸ ꓜꓴ ꓐꓰ ꓧꓹ ꓡꓯ ꓘꓳ ꓙꓰꓳ꓿
ꓘꓶꓽ ꓫꓵꓽ ꓬꓰ ꓔꓸ ꓟ ꓦꓬꓼ ꓠꓬꓲ ꓐꓲ ꓡꓰ ꓠꓹ ꓟ ꓦ ꓐ 7 ꓟ ꓙꓳˍ ꓢꓰꓽ ꓕꓯꓽ ꓕꓱ ꓡꓱ ꓧꓹ ꓡꓯ ꓘꓳ ꓗꓷ ꓟ ꓥ ꓡꓳ꓿
“ꓠꓬꓲꓽ ꓛꓱꓽ ꓪꓽ ꓢꓲꓸ ꓧꓹ ꓡꓯ ꓘꓳ ꓗꓷꓳ” ꓐꓰ ꓟ-ꓣꓴ ꓑꓲꓹ ꓡꓴꓸ ꓜꓴ ꓡꓰ ꓢꓷ ꓙ ꓟꓴ ꓙ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓟ-ꓣꓴ ꓜꓴ ꓧꓳꓽ ꓢꓴ ꓔ-ꓧꓼ ꓠꓬ ꓬꓲꓸ ꓔꓯ ꓟꓽ ꓞꓳ ꓒꓵ ꓐꓰ TalkTV ꓗꓪ ꓣꓳ-ꓠꓯ-ꓓꓳ ꓡꓰꓽ ꓫꓸ ꓕꓱ ꓗꓷ ꓕꓲꓽ ꓠꓬꓲ ꓗꓪ ꓐꓰ ꓕꓱ ꓡꓱ ꓧꓹ ꓡꓯ ꓘꓳ ꓗꓪ ꓛꓲ ꓒꓬꓱꓼ ꓡ ꓟ ꓥ ꓡꓳ꓿
“ꓟ-ꓣꓴ ꓔꓯ ꓠꓲꓹ ꓠꓵ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓫꓵꓼ ꓕꓲꓽ ꓫꓵꓽ ꓔꓯ ꓬꓰ ꓠꓹ ꓟ ꓬꓲꓸ ꓝꓲꓸ ꓛꓲꓳ ꓐꓰ ꓓꓵꓽ ꓙ ꓠꓬꓲ ꓓꓳꓻ ꓙꓰ ꓥꓳ” ꓐꓰ ꓣꓳ-ꓠꓯ-ꓓꓳ ꓡꓰ ꓐꓯ ꓡꓳ꓿
ꓣꓳ-ꓠꓯ-ꓓꓳ ꓠꓬ ꓟ-ꓣꓴ ꓑꓲꓹ ꓡꓴꓸ ꓜꓴ ꓐꓱ ꓶ 346 ꓧꓪꓹ ꓑꓲꓹ ꓗꓷ ꓢꓲ꓾ 145 ꓖꓳꓹ ꓗꓶ ꓩꓴ ꓢꓴ ꓥ ꓡꓳ꓿
7 ꓠꓬꓲ ꓕꓯꓽ ꓢꓲꓽ-ꓔ-ꓡꓲ ꓑꓮꓳꓽ 5 ꓢꓯꓹ ꓪꓽ ꓒꓵꓽ ꓪ ꓔꓬ ꓟ ꓗꓪ ꓐꓰ ꓕꓱ ꓡꓱ ꓓꓳ ꓙꓰ ꓟ ꓥ ꓢꓲ꓾ ꓝꓮꓲ ꓮ ꓡꓲ ꓕꓲ ꓜꓴ ꓗꓪ ꓑꓲꓹ ꓔꓺ ꓡ ꓥ ꓢꓶ ꓐꓯ ꓢꓰꓸ ꓮ ꓢꓸ ꓓꓴ ꓗ ꓡ ꓔꓬ ꓡꓳ꓿
