(70) ꓟꓶ ꓕꓲꓽ ꓛꓽ = ꓕꓲ ꓢ ꓘꓪ/ the whole night/over night
ꓟꓲꓸ ꓟꓲ ꓠꓽ ꓢꓲꓽ ꓛꓲ ꓘꓳꓼ ꓗꓹ ꓓꓴ ꓟ ꓠꓰ ꓟꓶ ꓕꓲꓽ ꓛꓽ ꓬꓲꓼ ꓟꓶ ꓟꓽ ꓪ ꓟꓽ=
(71) ꓔꓵꓽ ꓠꓵꓽ = ꓓꓴꓺ ꓓꓴꓺ ꓗꓷ ꓡ ꓟ/ vibrate
ꓥꓪꓸ ꓟ ꓮ ꓐꓶꓹ ꓪꓴ ꓕꓲ ꓟ ꓔꓲꓸꓮ ꓛꓶꓹꓮ ꓥ= ꓓꓱꓽ ꓑꓱꓸ ꓛꓶꓹ ꓟ ꓡꓲꓸ ꓜꓱꓽ ꓟꓽ ꓓ ꓓ ꓔꓵꓽ ꓠꓵꓽ ꓡ_ ꓟꓽ=
(72) ꓚ ꓡꓲ ꓡꓲ
ꓤ ꓠꓱꓳ ꓔꓶ ꓢꓷꓸ ꓠꓲꓹ ꓕꓳ ꓶ ꓟ ꓮ ꓔꓲꓸ ꓢꓳ ꓪ ꓥꓳ ꓐꓯ ꓠꓽ ꓬꓲꓸ ꓒ ꓬꓲꓸ ꓟ ꓫꓸ ꓪ ꓡꓲꓸ ꓠ ꓠꓹ ꓟꓽ ꓫꓳ꓾ ꓬꓲꓸ ꓔꓱꓹ ꓬꓲꓸ ꓚ ꓡꓲ ꓡꓲ ꓗꓹ ꓡ ꓐꓶ=
(73) ꓡꓯ ꓜꓲꓽ ꓡꓯ ꓟꓴ = ꓙꓵꓽ ꓪ ꓒ ꓐꓲ ꓬꓰ ꓟ/ ꓚꓲ ꓛꓬ ꓔꓯ_ ꓡꓰ ꓐꓰ ꓣꓱꓽ_ ꓟ
ꓳꓸ ꓟ ꓠꓰ ꓠꓽ ꓢꓴ ꓶ ꓤ ꓟ ꓔꓯ ꓡꓯ ꓜꓲ ꓡꓯ ꓟꓴ ꓙꓳꓸ ꓙꓳꓽ ꓬꓰ ꓡꓹꓳ ꓫꓵꓽꓮ ꓟꓼ=
(74) ꓬꓲꓸ ꓐꓼ = ꓝꓴꓲ ꓙꓳ ꓟ/ ꓟꓽ ꓐꓲ ꓜꓲꓼ ꓟ/
ꓬꓲꓸ ꓐꓼ ꓬꓲꓸ ꓚꓶꓸ ꓮ ꓔꓲꓸ ꓡꓲꓸ ꓟꓽ ꓙꓳ_ ꓫꓵꓽ ꓞꓳ ꓤ ꓠꓽ ꓕꓲ ꓣꓳ ꓡꓲꓸ ꓧꓪ ꓟꓶ ꓟꓽ ꓓ ꓟꓽ=
ꓙꓲ_ ꓟ ꓒꓵꓽ ꓡꓳ ꓬꓲꓸ ꓐꓼ ꓙꓳ ꓚꓰꓼ꓾ ꓜꓳ_ ꓟ ꓞꓳ ꓖꓶ ꓬꓲꓸ ꓫꓶꓹ ꓬꓼ ꓚꓰꓼ=
(75) ꓠꓬꓹ ꓟꓽ ꓗꓴꓸ = ꓞꓳ ꓡꓲ ꓞꓳ ꓒꓰꓼ ꓡꓳ ꓚ ꓔꓬ ꓟꓽ ꓗꓴꓸ ꓢꓴ/ ꓡꓯꓹ ꓖꓼ ꓢꓴ
ꓮ-ꓛ ꓠꓽ ꓤ ꓖꓴ ꓡꓯꓸꓳ ꓔꓶ ꓠꓰ ꓐꓯ ꓕꓽ ꓠꓽ ꓠꓬꓹ ꓟꓽ ꓗꓴꓸ ꓔꓸ ꓐꓯꓸꓳ ꓓꓯꓽ= ꓗꓼ ꓥ ꓟꓽ ꓥ ꓠꓽ ꓟꓽ ꓢꓷꓸ ꓟꓽ=
(76) ꓢ ꓘꓪ ꓟ ꓬꓯꓸ = ꓢ ꓘꓪ ꓢ ꓟꓲ/ ꓢ ꓘꓪ ꓕꓯꓽ in night time
ꓞꓳ ꓗ ꓡ ꓐꓴ ꓠꓽ ꓢ ꓘꓪ ꓟ ꓬꓯꓸ ꓔꓶꓹ ꓚꓳ ꓚꓰꓼ=
ꓞꓳ ꓠꓻ ꓙꓳ ꓡ ꓕꓽ ꓠꓽ ꓢ ꓘꓪ ꓟ ꓬꓯꓸ ꓠꓯ ꓞꓲꓼ ꓦꓲ ꓗꓪ ꓙꓰ ꓠ ꓔꓸ ꓥ=
(77) ꓟꓴ ꓗꓴꓸ ꓢꓴ = ꓮ ꓫꓵꓽ ꓡꓲꓸ ꓚꓹ ꓟꓽ ꓪ ꓗꓷ ꓡꓰ ꓟ/ ꓟꓽ ꓙꓳ ꓬꓰꓳ/ ꓒꓬꓱꓺ ꓙꓰꓳ dissapear
ꓮ-ꓓꓶꓸ ꓢꓲꓸ ꓮ-ꓓꓴꓸ ꓓꓳꓽ ꓟ ꓠꓽ ꓟꓴ ꓗꓴꓸ ꓢꓴ ꓙꓰꓳ ꓟꓽ=
ꓮ ꓟꓶ ꓠꓽ ꓟꓴ ꓗꓴꓸ ꓢꓴ_ ꓟ ꓦꓬꓼ ꓠꓬꓲ ꓥꓳ=
(78) ꓦ ꓟꓯꓸ ꓢꓴ = ꓓꓰꓽ ꓜꓽ ꓢꓴ/ beggar
ꓮ ꓠꓱ ꓠꓱ ꓗꓪ ꓐꓰ ꓮ ꓟꓶ ꓗꓪ ꓛꓲ ꓡꓲ-ꓢꓴ ꓘꓴꓽ ꓗꓪ ꓦ ꓟꓯꓸ ꓢꓴ ꓟꓽ ꓙꓳ ꓚꓰꓼ=
ꓡꓳ ꓒꓱ ꓓꓽ ꓟ ꓗꓪ ꓠꓽ ꓦ ꓟꓯꓸ ꓒꓽ/ ꓦ ꓟꓯꓸ ꓟ ꓐꓴ ꓖꓶ ꓟꓴ ꓖꓪ ꓙꓲ ꓙꓲ ꓖꓪ ꓗꓴꓸ ꓔꓸꓳ ꓫꓵꓽ ꓠꓬꓹ ꓚꓰꓼꓮꓼ=
(79) ꓛꓬꓹ ꓞꓲꓼ = ꓮ ꓡ ꓤꓼ/ ꓒ ꓕꓲ ꓗꓪ ꓠꓶꓽ ꓬꓰ ꓟ/ near/ ver close to
ꓮ ꓠꓯ ꓟꓲꓸ ꓟꓲ ꓠꓽ ꓫꓵꓽ ꓩꓴꓸ ꓟꓽ ꓙꓲ ꓔꓶꓼ ꓔꓲꓸ ꓥꓳ= ꓮ ꓢꓳꓸ ꓖꓶ ꓟꓳ-ꓓꓳ ꓟ ꓠꓰ ꓛꓬꓹ ꓞꓲꓼ ꓔꓲꓸ= ꓦꓲ ꓗꓪ ꓛꓲ ꓡ ꓖꓶ ꓮ ꓕꓽ ꓡꓲꓸ ꓟ ꓞꓰ ꓡ ꓢꓲꓸ ꓛꓲ ꓒꓽ ꓟ ꓔꓯ ꓛꓬꓹ ꓞꓲꓼ=
(80) ꓖꓶ ꓬꓲꓽ = ꓝꓴꓲꓸ ꓣꓷꓠꓸ ꓟ/ apologize
ꓖꓶ ꓬꓲꓽ ꓤꓽ ꓔꓯ ꓢꓰꓼ ꓟꓽ ꓚꓰꓼ꓿
(81) ꓟꓲꓼ ꓪꓳꓼ ꓙꓱ = ꓖꓴ ꓘꓹ ꓖꓴ ꓡꓲꓽ/ ꓢꓯ ꓥꓳꓽ ꓟꓽ ꓜꓯꓼ
ꓮ ꓠꓯ! ꓳꓸ ꓕꓲ ꓠꓱ ꓟ ꓮ ꓙꓵꓽ ꓮ ꓫꓵꓽ ꓖꓶ ꓟꓽ ꓥꓻꓳ ꓫꓵꓽ ꓟꓲꓼ ꓪꓳꓼ ꓙꓱ_ ꓟꓽ=
(82) ꓕꓯꓹ-ꓗꓪꓼ = ꓗꓼ ꓗ ꓬꓰꓳ/ ꓬꓰ ꓠꓲꓹ ꓫꓵ ꓟ ꓡꓰ ꓐꓰ ꓜꓳ ꓬꓰ ꓟ/ rightly fit
(83) ꓬꓲꓸ ꓟꓳ ꓬꓲꓸ ꓙꓬ = ꓚꓹ ꓪ ꓚꓹ ꓟꓽ ꓪ ꓓꓳꓽ ꓡꓰ ꓗꓪ ꓛꓲ/ ꓢꓯꓼ ꓐꓽ ꓟꓬ ꓜꓲ ꓡꓰ ꓗꓪ ꓛꓲ/ till unconcious/ very tired/
ꓙꓲ ꓒꓶꓽ ꓖꓶ ꓓꓳ ꓗꓹ ꓓꓲꓼ ꓖꓼ ꓔꓲꓸ_ ꓠꓯꓸ= ꓳꓸ ꓐꓯ ꓖꓶ ꓬꓲꓸ ꓟꓳ ꓬꓲ ꓙꓬ ꓔꓲꓸ ꓠꓽ ꓓꓳ ꓟꓽ ꓓ=
(84) ꓪꓽ ꓡꓽ = ꓠꓬꓹ ꓟꓽ ꓥ ꓦꓯꓸ ꓟꓽ ꓥ ꓟ ꓢꓯꓸ ꓫꓵꓽ ꓕꓲ ꓫꓵꓽ/ ꓔꓱꓹ ꓫꓵ ꓗꓪ ꓔꓬ ꓢꓴ
ꓠꓴ ꓪꓽ ꓡꓽ ꓡꓰ ꓕꓽ ꓬꓰ ꓥ=
(85) ꓬꓲꓸ ꓚꓽ ꓡꓹ = ꓬꓲꓸ ꓤꓽ ꓟꓽ ꓐꓲꓼ ꓡ ꓟ ꓮ ꓭꓸ ꓩꓴ/
ꓣꓳ ꓠꓽ ꓮ ꓭꓸ ꓩꓴ ꓚꓽ ꓡꓹ ꓜꓽ ꓟꓽ ꓓ ꓐꓯ ꓠꓬꓹ ꓕꓽ ꓗ-ꓣꓲ ꓫꓵꓽ ꓐꓴ꓾ ꓒꓲ-ꓡꓲ-ꓒꓲ ꓫꓵꓽ ꓐꓴ ꓠꓽ ꓬꓲꓸ ꓥꓳꓽ ꓟꓽ ꓜꓯꓼ ꓛꓬ ꓫꓵ ꓐꓴ=
(86) ꓬꓲꓸ ꓚ ꓫꓵꓺ = ꓬꓲꓸ ꓑꓶꓸ ꓞꓰꓹ ꓟꓽ ꓓ/
ꓫꓸ ꓪ ꓟ ꓬꓲꓸ ꓚ ꓫꓵꓺ ꓕꓱ_ ꓢꓴ ꓟ ꓔꓯ ꓠꓽ ꓠ ꓠꓹ ꓐꓶꓸ ꓠꓰ ꓟꓽ ꓓ ꓐꓳ=
ꓗꓴꓷꓼ ꓫꓵꓽ ꓪꓴ ꓠꓽ ꓬꓲꓸ ꓚ ꓫꓵꓺ ꓔꓸ ꓗ ꓡ ꓠ ꓔꓸ ꓛꓶꓹꓳ=
(87) ꓫꓳꓹ ꓫꓳꓽ = ꓡꓯꓼ ꓡꓲ/ ꓬꓲꓸ ꓓ ꓬꓲꓸ
ꓪꓴ-ꓢ ꓚꓱꓹ ꓟ ꓪꓴ-ꓢ ꓚꓱꓹ ꓫꓳꓹ ꓫꓳꓽ꓾ ꓠꓲꓽ ꓚꓱꓹ ꓟ ꓠꓲꓽ ꓚꓱꓹ ꓫꓳꓹ ꓫꓳꓽ ꓔꓲꓸ ꓥꓳ ꓟꓽ=
ꓒꓲꓸ ꓬꓯ ꓟ ꓓꓳ ꓡ ꓗꓪ ꓚꓳꓸ ꓠꓽ ꓮ ꓫꓵꓽ ꓡꓲꓸ ꓬꓲꓸ ꓕꓲ ꓠꓱ ꓢꓴ ꓔꓯ ꓖꓶ ꓟꓽ ꓐꓹ ꓖꓴꓼ꓾ ꓬꓲꓸ ꓫꓳꓹ ꓫꓳꓽ꓾ ꓬꓲꓸ ꓡꓯ ꓡꓲ ꓪꓴꓽ ꓜꓽ ꓬꓰ ꓥꓳ ꓢꓯꓸ=
(88) ꓫꓬꓸ ꓡꓯꓼ ꓫꓬꓸ ꓡꓯꓼ = ꓛꓲ ꓒꓯꓹ ꓟꓽ ꓙꓲ ꓠꓰ ꓙꓰ ꓟ/
ꓮ ꓠꓯ ꓬꓲꓸ ꓔꓯ ꓠꓽ ꓠꓶꓽ ꓟꓽ ꓓ ꓟ= ꓳꓸ ꓡꓲ ꓫꓬꓸ ꓡꓯꓼ ꓫꓬꓸ ꓡꓯꓼ ꓙꓰ ꓚꓳꓸ_ ꓖꓶ ꓚꓴꓹ ꓡꓯ ꓘꓳ ꓡ ꓕꓽ ꓠꓽ ꓙꓲ ꓙꓲ ꓢꓰ_ ꓟꓽ=
(89) ꓫꓸ ꓒꓲꓽ ꓧꓪꓽ = ꓚꓲ ꓛꓬ ꓟꓽ ꓫꓵꓻ ꓢꓰꓽ ꓕꓯ ꓜꓽ ꓓꓴ ꓧꓪꓽ/ ꓫꓸ ꓙꓵ ꓓꓴ ꓐꓱ ꓶ ꓜꓽ ꓟ
ꓠꓴ ꓔꓯ ꓘꓴꓽ ꓡꓲꓺ ꓓꓴ ꓕꓲ ꓦꓲ ꓟ ꓗꓪ ꓔꓲꓸ ꓕꓲ ꓦꓬꓼ ꓕꓲ ꓦꓬꓼ ꓫꓸ ꓒꓲꓽ ꓧꓪꓽ ꓟ ꓜꓽ ꓠꓰ ꓙꓰ ꓥ=
ꓟꓯꓼ ꓘꓶꓽ ꓗꓪ (ꓥ ꓠꓬ) ꓕꓳ ꓶ ꓗꓪ ꓢꓰꓼ ꓠ ꓔꓸ ꓢꓴ ꓔꓯ ꓫꓸ ꓒꓲꓽ ꓧꓪꓽ ꓜꓽ ꓝꓲ ꓚꓰꓼ ꓥ ꓙꓳꓽ=
(90) ꓮ ꓙꓲꓸ ꓫꓵꓽ = ꓶꓽ ꓟꓽ ꓛꓳ ꓚꓽ ꓡꓰ ꓟ/ not blessed
ꓕꓲ ꓧꓶꓸ ꓖꓶ ꓟꓽ ꓪ꓾ ꓠꓬꓲ ꓧꓶꓸ ꓖꓶ ꓟꓽ ꓪ= ꓮ ꓙꓲꓸ ꓫꓵꓽ ꓬꓰꓳ ꓡꓯꓸ=
(91) ꓡꓯꓽ ꓧꓪꓸ (ꓬꓲ ꓐꓶꓹ/ ꓟꓬꓽ ꓠꓬꓲ/) – more/ more than/ over/ contrary to what ought to be
ꓮ ꓙꓬ ꓟ ꓡꓯꓽ ꓧꓪꓸꓼ ꓡꓯ ꓧꓪꓸ ꓡꓯ ꓧꓪꓸ ꓙꓲꓽ ꓡ ꓠꓬꓳ ꓟꓽ=
(92) ꓟꓽ ꓢꓲꓽ ꓖꓽ = ꓧꓪꓸ ꓟꓽ ꓛꓲ ꓡꓰ ꓟ/ ꓓꓵ ꓙ ꓫꓸ ꓡꓰ ꓟ/ unconcious
ꓟꓶ-ꓡ-ꓫꓵ-ꓓꓰ ꓙ ꓖꓴ ꓖꓳꓼ ꓟ ꓗꓪ ꓟꓳ ꓓꓳ ꓕꓯꓽ ꓢꓲ ꓗꓪ ꓚꓳꓸ ꓳꓼ ꓜꓯꓼ ꓖꓰ ꓡ ꓕꓽ ꓟꓽ ꓢꓲꓽ ꓖꓽ ꓥꓳ ꓟꓽ=
ꓮ ꓠꓯ ꓟꓲꓸ ꓟꓲ ꓠꓽ ꓙꓲ ꓔꓲ ꓗꓪ ꓛꓲꓳ ꓢꓯꓸ ꓶ ꓤ ꓶ ꓟꓲ ꓒꓵꓽ ꓠꓯꓸ ꓗꓹ ꓓꓴ ꓟ ꓠꓽ ꓟꓽ ꓢꓲꓽ ꓖꓽ ꓔꓲꓸ ꓗ ꓬꓰꓳ ꓟꓽ=
(93) ꓟꓽ ꓛꓱꓼ ꓡꓱꓼ = ꓮ ꓫꓵꓽ ꓡꓲꓸ ꓟꓽ ꓪꓳꓹ/ YI. DO: M: C/ silent
ꓡꓽ ꓛꓴꓸ ꓟ ꓟꓶꓸ ꓕꓯ ꓗꓪ ꓠꓽ ꓧꓶꓸ ꓕꓯ ꓮ ꓔꓳꓸ ꓟꓽ ꓡ ꓕꓲ ꓖꓼ ꓪꓹ ꓜꓽ ꓪꓹ ꓬꓰ ꓢꓴ ꓔꓶ ꓟꓽ ꓛꓱꓼ ꓡꓱꓼ ꓬꓰꓳ ꓡꓲꓸ ꓖꓯꓽ=
ꓕꓱ ꓕꓲ ꓘꓹ ꓟ ꓛꓱꓼ ꓡꓱꓼ ꓒꓽ ꓛꓽ ꓖꓶ ꓟꓽ ꓔꓸ꓾ ꓮ ꓫꓵꓽ ꓢꓳꓸ ꓕꓲ ꓢꓯꓼ ꓖꓶ ꓟꓽ ꓟꓶ_ =
(94) ꓗꓪ ꓛꓳ ꓑꓺ = ꓛꓳ ꓒꓯꓹ ꓬꓰ ꓟ/ make friend
ꓒꓵꓽ ꓒ ꓦꓬꓼ ꓠꓬꓲ ꓗꓪ ꓢꓲꓽ ꓓꓳ ꓢꓲꓸ ꓗꓪ ꓛꓳ ꓑ ꓡꓯ ꓘꓳ ꓔꓸꓳ ꓫꓵꓽ ꓙꓳ ꓚꓰꓼ ꓥ=
(95) ꓟꓽ ꓕꓳꓽ/ ꓟꓽ ꓘꓪꓽ = ꓟꓽ ꓓ ꓪ/ ꓟꓽ ꓜꓳ ꓪ/ not good
ꓙꓳꓺ ꓠꓬꓹ ꓠꓰ ꓖꓶ ꓟꓽ ꓕꓳꓽ ꓪ= ꓘꓰꓹ ꓠꓬꓹ ꓠꓰ ꓖꓶ ꓟꓽ ꓘꓪꓽ ꓪ= ꓔꓳꓼ ꓓꓴ ꓙꓳ ꓟ ꓔꓳꓼ ꓡꓯ ꓘꓳ=
(96) ꓕꓲ ꓒꓲꓸ ꓫꓵꓽ = ꓐ ꓧꓳꓹ/ ꓕꓲ ꓫꓵ ꓫꓵ ꓔꓯ ꓖꓴ ꓢꓲꓸ ꓬꓰ ꓟ
ꓛꓽ ꓒꓽꓳ ꓔꓶ ꓠꓽ ꓫꓸ-ꓞꓰꓸ ꓪꓴꓽ ꓕꓲ ꓒꓲꓸ ꓫꓵꓽ ꓢꓲꓸ ꓛꓽ ꓠꓬꓹ ꓓꓴ ꓟ=
ꓯ! ꓠꓴ ꓖꓶ ꓥ ꓔꓯ ꓟꓽ ꓟꓳꓻ ꓕꓲꓽ ꓒꓲꓸ ꓫꓵꓽ ꓠꓰ꓾ ꓮ ꓛꓲꓽ ꓬꓰ ꓡꓹꓺ=
(97) ꓮꓸ ꓡꓹ ꓗꓪꓼ = ꓡꓯꓼ ꓥꓰ ꓝꓲꓸ ꓡꓰ ꓕꓳꓹ ꓟ/
ꓠꓴ ꓮꓸ ꓡꓹ ꓗꓪꓼ ꓟ ꓪ ꓬꓰ ꓥꓳ ꓢꓯꓸ ꓦꓯꓹ ꓑꓹ ꓐꓯ=
ꓮ ꓠꓲꓹ ꓫꓲ ꓠꓲꓹ ꓙꓳꓥꓽ ꓢꓳ ꓕꓽ ꓠꓽ ꓟꓸ ꓒꓽ ꓠꓰ ꓮꓸ ꓡꓹ ꓗꓪꓼ ꓟ ꓙꓳꓸ ꓙꓳꓽ ꓗꓪꓼ ꓪ ꓡ ꓧꓪꓹ ꓛꓲꓽ ꓥ=
(98) ꓦ ꓜꓳꓽ = ꓕꓲ ꓑꓹ ꓤꓼ ꓜꓯꓼ ꓟ ꓟꓶꓽ ꓦ/ showery rain
ꓬꓥ-ꓖꓳꓥ ꓗꓪ ꓠꓽ ꓦ ꓜꓳꓽ ꓙꓳꓸ ꓙꓳꓽ ꓜꓯꓼ ꓓꓴ ꓟ=
ꓠꓴ ꓠꓵ ꓠꓲꓹ ꓟ ꓖꓶ ꓦ ꓜꓳꓽ ꓡꓰ ꓔꓲꓸ ꓥꓳ ꓟꓽ=
(99) ꓦ ꓜꓲ = ꓟꓽ ꓠꓽ ꓠꓽ ꓜꓯꓼ ꓟ ꓟꓶ ꓦ/ heavy rain fall
ꓑꓴ-ꓔ-ꓳ ꓟꓵꓽ ꓗꓪ ꓠꓽ ꓟꓶ ꓦ ꓜꓯꓼ ꓓꓴ ꓟ ꓠꓽ 2-3 ꓫꓵꓽ ꓠꓽ ꓦ ꓜꓲ ꓓꓽ ꓟ ꓜꓯꓼ ꓚꓰꓼ ꓥ=
ꓬꓲꓹ ꓬꓲꓼ ꓠꓵ ꓠꓲꓹ ꓠꓽ ꓑꓴ-ꓔ-ꓳ ꓦ ꓜꓲ ꓡꓰ ꓔꓲꓸ ꓥꓳ=
(100) ꓕꓲꓽꓬꓯꓹ꓿ ꓕꓲꓽꓩꓴꓸ/ꓕꓲ ꓣꓷꓠꓽ/ a share/ one turn or one round
ꓡꓲ-ꓢꓴ ꓠꓶꓽ ꓢꓱꓽ ꓑꓮꓲ ꓗꓪ ꓧꓪꓽ 2 ꓘꓰꓸ ꓗꓸ ꓠꓯꓸ ꓞꓶ ꓥꓳꓸ ꓠꓸ ꓒꓴꓽ ꓕꓲ ꓬꓯꓹ ꓟ ꓠꓽ ꓮ ꓘꓶꓸ ꓜꓽ ꓙꓲ_ ꓟꓽ=
ꓧꓪ ꓜꓲꓼ ꓙ ꓢꓴ ꓐꓴ꓾ Ahphu Dwet, Gualisar, Ngwa Zet Ahkhi
