2023 ꓘꓳꓼ 1 ꓦ 2 ꓠꓬꓲ ꓕꓯꓽ ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓢꓲꓽ ꓒꓽ ꓡ-ꓡꓴꓹ ꓠꓬ ꓔꓲ-ꓣꓲꓼ-ꓑꓲꓮ-ꓛꓰ ꓟꓬꓱꓺ ꓓꓳ ꓡꓯꓼ ꓫꓴ ꓣꓴ ꓟꓶꓳ꓾ ꓐꓰ ꓡꓠꓓꓑ ꓡꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿
ꓕꓱ ꓟ ꓠꓬ ꓟꓯꓼ ꓗꓳ-ꓢꓰ ꓗꓪ ꓐꓰ ꓖꓶˍ ꓟ ꓟꓬꓱꓺ ꓓꓳꓽ ꓡꓯꓼ ꓫꓴ꓾ 2022 ꓘꓳꓼ 11 ꓦ 17 ꓠꓬꓲ ꓕꓯꓽ ꓗꓴꓷꓼ ꓫꓵꓽ ꓓꓳꓽ ꓗꓪ ꓢꓷꓸ ꓙ ꓟꓴ ꓙ ꓔꓸ ꓟ ꓥ ꓢꓲ꓾ ꓮ ꓟꓶ ꓠꓬ ꓡꓯꓼ ꓕꓲꓺ ꓘꓳ ꓣꓴ ꓟꓶˍ ꓟ ꓥ ꓡꓳ꓿
“ꓗꓴꓷꓼ ꓟꓬꓱꓽ ꓗꓪ ꓮ ꓘꓶꓸ ꓙꓲ ꓙꓲ ꓜꓳꓽ ꓜꓳ ꓬꓰ ꓗꓷ ꓟ ꓑꓶꓸ ꓓꓴ ꓖꓶˍ ꓡꓳ” ꓐꓰ ꓐꓯ ꓔꓸ ꓡꓳ꓿ “ꓔꓲ-ꓣꓲꓼ-ꓑꓲꓮ-ꓛꓰ” ꓠꓬ ꓑ-ꓡꓲꓼ ꓥꓳꓽ ꓥ ꓢꓲ꓾ “ꓟꓬꓱꓺ ꓓꓳꓽ ꓞꓼ ꓓꓳ ꓙꓳˍ ꓟ꓾ ꓢꓲ ꓡꓲꓹ ꓟ” ꓬꓲꓸ ꓟꓸ ꓟꓲꓽ ꓙꓳ ꓡꓳ꓿
ꓢꓲꓽ ꓒ ꓡ-ꓡꓴꓹ ꓠꓬ ꓡꓲ-ꓢꓴ ꓫꓵꓽ ꓗꓳ ꓡꓳ ꓗꓪ ꓗꓴꓷꓼ ꓟꓬꓱꓽ ꓬꓰ ꓜꓴ ꓛꓬꓹ ꓑ-ꓔꓲ ꓔꓯ 2013 ꓘꓳꓼ ꓗꓪ ꓐꓰ ꓒꓴ ꓪꓴꓸ ꓔꓴ ꓢꓴ꓾ ꓴꓑꓓꓙꓚ ꓗꓪ ꓔꓺ ꓢꓲꓸ ꓟꓬꓱ ꓬꓰ ꓗꓷ ꓟ ꓑꓶꓸ ꓓꓴ ꓮꓳ-ꓢ-ꓢꓴꓸ-ꓚꓰꓽ ꓡꓰ ꓖꓶˍ ꓟ ꓟꓬꓱ ꓓꓳꓽ ꓡꓯꓼ ꓫꓴ ꓟꓶ ꓔꓸ ꓢꓴ꓾ ꓝꓮꓲ ꓮ ꓟꓶ ꓟꓯꓼ ꓗꓳ-ꓢꓰ ꓡꓰ ꓖꓶˍ ꓟ ꓕꓱ ꓡꓱꓳ ꓫꓵꓽ ꓟꓬꓱ ꓓꓳ ꓡꓯꓼ ꓫꓴ ꓟꓶ ꓢꓴ ꓕꓲ ꓣꓳ ꓥ ꓡꓳ꓿
ꓓꓳꓽ ꓚꓰ꓾ ꓡꓠꓓꓑ fb page
