2022 ꓘꓳꓼ 2 ꓦ 3 ꓠꓬꓲ ꓕꓯ ꓴꓢ ꓟꓯꓼ ꓐꓴ ꓡꓰ ꓢꓰ-ꓣꓲ-ꓬ ꓲꓢ ꓜꓴ ꓪꓴꓸ ꓓꓵ ꓧꓳꓽ ꓢꓴ Abu Ibrahim al-Hashimi al-Qurayshi ꓔꓯ ꓢꓰꓼ ꓠꓹ ꓟ ꓙꓰ ꓕꓯꓽ ꓬꓲꓸ ꓔꓱꓹ ꓬꓲꓸ ꓐꓳꓽ ꓑꓳ ꓫꓵꓻꓳ=
“ꓣꓳ ꓟꓯꓼ ꓐꓴ ꓑꓶꓸ ꓗꓹ ꓓꓴ ꓟ ꓔꓯ ꓟꓬꓱꓽ ꓓꓳ ꓣꓴ ꓠꓲꓹ ꓫꓵ ꓡꓳ= ꓟꓽ ꓙꓲ ꓟꓽ ꓜꓳ ꓟ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓢꓴ ꓠꓬ ꓮ ꓟꓶ ꓟꓽ ꓢꓯꓸ ꓔꓬꓳ” ꓐꓰ ꓴꓢ ꓗꓴꓷꓼ ꓙꓵꓽ ꓢꓴ ꓙꓳ-ꓐ-ꓓꓲ ꓡꓰ ꓦꓲ ꓒꓴ ꓒꓴ ꓗꓪ ꓐꓰ ꓓꓳꓽ ꓐꓯ ꓩꓴ ꓡ ꓡꓳ=
Abu Ibrahim al-Hashimi al-Qurayshi ꓠꓬ ꓴꓢ ꓟꓯꓼ ꓐꓴ ꓬꓲꓸ ꓦꓲ ꓒ ꓕꓲ ꓗꓪ ꓛꓲ ꓡ ꓟ ꓢꓷꓸ ꓡꓰ ꓠꓬ ꓐꓳꓽ ꓑꓳ ꓗꓷ ꓢꓲ꓾ ꓬꓲꓸ ꓐꓰ ꓬꓲꓸ ꓦꓲ ꓢꓲ ꓟ꓾ ꓬꓲꓸ ꓤ ꓠꓱ ꓮ ꓙꓵꓽ ꓕꓲ ꓟꓬ ꓞꓲꓹꓼ ꓗꓪ ꓫꓵꓻ ꓠꓹ ꓟ ꓬꓰ ꓗꓷꓳ꓾ ꓐꓯ ꓡꓳ=
ꓖꓳ ꓗꓪ 13 ꓣꓳ ꓫꓵꓻ ꓢꓲ꓾ ꓤ ꓠꓱ 6 ꓣꓳ꓾ ꓐꓰ ꓤ ꓟꓶ ꓤꓼ 4 ꓣꓳ ꓐ_ ꓡꓳ ꓐꓰ ꓓꓳꓽ ꓜꓳ ꓢꓴ ꓐꓴ ꓡꓰ ꓜꓳ ꓡ ꓡꓳ=
