ꓢꓰ-ꓖ-ꓑꓳ ꓠꓬ ꓤꓽ ꓛꓳ ꓤ ꓦꓯꓽ ꓛꓳꓽ ꓧꓪ꓾ ꓠꓶꓸ ꓡꓯ ꓘꓳˍ ꓟ ꓔꓯ ꓝꓴꓲ ꓟꓽ ꓢꓪꓼ ꓓꓴ ꓬꓰ ꓔꓬ ꓡꓳ꓾ ꓐꓰ ꓢꓰ-ꓖ-ꓑꓳ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓡꓲ-ꓢꓲ-ꓡꓳ (Lee Hsien Loong) ꓡꓰ 2022 ꓘꓳꓼ 8 ꓦ 21 ꓠꓬꓲ ꓕꓯꓽ ꓕꓱ ꓡꓱ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓤꓽ ꓛꓳꓽ ꓤ ꓠꓶꓸ ꓡꓯ ꓘꓳ ꓟ ꓔꓯ ꓗꓴꓷꓼ ꓙꓵꓽ ꓗ 377 (ꓐ) ꓗꓪ ꓝꓴꓲꓸ ꓢꓪꓼ ꓔꓸ ꓟ ꓥ ꓢꓲ꓾ ꓮ ꓟꓶ ꓖꓳ ꓟ ꓔꓯ ꓡꓶꓸ ꓑ ꓩꓴ ꓓꓴ ꓙ ꓖꓶꓽ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓖꓳ ꓟ ꓡꓶꓸ ꓩꓴ ꓡ ꓠꓬ꓾ ꓤ ꓛꓳꓽ ꓤꓽ꓾ ꓤ ꓟꓶꓼ ꓛꓳꓽ ꓤ ꓟꓶ ꓡꓯ ꓒꓯꓹ ꓝꓸ ꓟ ꓙꓵꓽ ꓗ ꓥ ꓟꓲ ꓢꓰ-ꓖ-ꓑꓳ ꓗꓴꓷꓼ ꓗꓪ ꓔꓶꓺ ꓒꓬꓱꓼ ꓡ ꓓꓴ ꓚꓱꓹ ꓝꓰꓸ ꓙꓰˍ ꓟ ꓥ ꓡꓳ꓾ ꓐꓰ ꓢꓪꓼ ꓔꓬ ꓡꓳ꓿
ꓟꓶꓼ ꓛꓳ ꓟꓶꓼ ꓡꓯ ꓒꓯꓹ ꓝꓸ ꓓ ꓡꓳ
ꓕꓲ ꓟꓲ ꓠꓯ 195 ꓗꓴꓷꓼ ꓗꓪ ꓐꓰ 32 ꓗꓴꓷꓼ ꓟ ꓗꓪ ꓠꓬ ꓤꓽ ꓛꓳ ꓤ꓾ ꓟꓶꓼ ꓛꓳ ꓟꓶꓼ ꓡꓯ ꓒꓯꓹ ꓝꓸ ꓐ ꓡ ꓟ ꓙꓵꓽ ꓗ ꓔꓶꓺ ꓔꓸ ꓡꓳ꓿
