ꓡꓳ ꓑ ꓒꓽ ꓔꓯ-ꓖꓶ-ꓓꓴ ꓡꓯ-ꓟꓯ-ꓔ ꓔꓯ ꓟꓯꓼ ꓠꓰ ꓬꓲꓸ ꓔꓬ ꓟ ꓟꓶ-ꓚꓲ-ꓠ꓾ ꓮ-ꓡ-ꓪꓴ-ꓑꓲꓼ ꓘꓹ ꓗꓪ ꓐꓰ ꓠꓬꓲꓸ ꓠꓬꓲ 2023 ꓘꓳꓼ 2 ꓦ 27 ꓠꓬꓲ ꓕꓯꓽ ꓣꓴ ꓧꓳꓽ ꓔꓯꓹ ꓙꓰꓳ ꓐꓰ ꓓꓳꓽ ꓜꓳ ꓡꓳ꓿
“ꓬꓲꓸ ꓠꓬꓹ ꓘꓹ ꓮ-ꓡ ꓪꓴ-ꓑꓲꓼ (ꓑꓴ-ꓔ-ꓳ ~ ꓟꓶ-ꓚꓲ ꓠꓽ ꓙ ꓖꓴ ꓗꓪ ꓔꓶ ꓔꓸ ꓟ ꓞꓳ ꓤꓹ ꓠꓬꓲꓽ ꓘꓹ ꓝꓸ ꓔꓸ ꓟ ꓘꓹ) ꓗꓪ ꓐꓰ ꓟꓯꓼ ꓠꓰ ꓧꓳꓽ ꓬꓰꓳ꓿ ꓮ ꓗꓪ ꓧꓳꓽ ꓔꓯꓹ ꓙꓰ ꓟ꓾ ꓮ ꓫꓵꓽ ꓑꓶꓸ ꓓꓴ ꓐꓯ ꓟ ꓟꓽ ꓢꓷꓸ ꓪ ꓡ ꓢꓰꓽ” ꓐꓰ ꓡꓯꓼ ꓠꓶꓽ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓬꓲ ꓠꓬ 2020 ꓘꓳꓼ ꓑ ꓫꓬ ꓝꓲ ꓓꓴ ꓟꓯꓹ ꓢꓲꓻ ꓔꓯꓺ ꓡꓯ ꓘꓳ ꓗꓪ ꓐ ꓗꓷ ꓢꓴ꓾ ꓶ ꓡꓯꓼ ꓬꓰ ꓢꓴ꓾ ꓫꓵꓺ ꓚꓴꓸ ꓢꓴ ꓡꓳ ꓑꓺ ꓬꓰ ꓔꓬ ꓢꓴ꓾ ꓗ-ꓛꓲ ꓞꓳ ꓫꓵꓽ ꓜꓴ ꓗꓳ-ꓟꓲ-ꓔꓲ ꓗꓪ ꓚꓬꓼ ꓔꓬ ꓢꓴ ꓞꓳ ꓪꓴꓽ ꓕꓲ ꓣꓳ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ꓿
