2022 ꓘꓳꓼ 9 ꓦ 30 ꓠꓬꓲ꓾ ꓟꓠꓮ ꓙꓱ ꓦꓲ ꓚꓱꓹ꓾ ꓠꓯꓼ 8:30 ꓕꓯꓽ ꓠꓯ-ꓑꓲ-ꓓꓳ ꓗꓪ ꓐꓰ ꓡꓳꓲ-ꓗꓳ ꓗꓪ ꓙꓱ ꓫꓶꓸ ꓡ ꓟ ꓙꓱ ꓦꓲ ꓔꓯ ꓡ ꓛꓴꓸ ꓐꓶ ꓡ ꓠꓬꓲ꓾ ꓖꓳ ꓗꓪ ꓜꓶꓽ ꓔꓬ ꓢꓴ ꓕꓲ ꓣꓳ ꓠꓻ ꓓꓴ ꓡꓰꓳ ꓐꓯ ꓡꓳ꓿
ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓢꓷ ꓙ ꓟꓴ ꓙ ꓔꓸ ꓟ ꓠꓬ꓾ ꓡ ꓛꓴꓸ ꓐꓶ ꓡ ꓢꓴ ꓠꓬ ꓗꓠꓑꓑ ꓐꓰ ꓑꓓꓝ ꓟꓯꓼ ꓐꓴ ꓥ ꓡꓳ꓾ ꓐꓯ ꓡꓳ꓿ ꓗꓠꓑꓑ ꓐꓰ ꓑꓓꓝ ꓠꓬ ꓮ ꓫꓵꓽ ꓦ ꓟꓲ ꓢꓷ ꓙ ꓟꓴ ꓙ ꓓꓴ ꓟꓽ ꓬꓰ ꓩꓴ ꓡ ꓢꓰꓽ꓿
ꓕꓱ ꓟ ꓗ ꓬꓰ ꓗꓸ ꓠꓯꓸ ꓙꓱ ꓦꓲ ꓠꓬ ꓬꓥ-ꓖꓳꓥ ꓗꓪ ꓙꓱ ꓡꓽ ꓙꓰ ꓢꓲ꓾ ꓮ ꓟꓶ ꓖꓳ ꓑꓳꓸ ꓡꓳꓲ-ꓗꓳ ꓗꓪ ꓙꓱ ꓦꓲ ꓚꓱꓹ ꓠꓽ ꓔꓸ ꓓꓴ ꓥꓳ꓾ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓙꓱ ꓦꓲ ꓠꓬ ꓓꓵꓽ ꓓꓳ ꓢꓴ 63 ꓣꓳ ꓜꓶꓽ ꓔꓸ ꓢꓲ꓾ ꓟꓵꓽ ꓪꓴꓽ 3500 ꓑꓯꓸ ꓗꓪ ꓙꓱ ꓔꓬ ꓕꓯꓽ ꓡ ꓛꓴꓸ ꓐꓶ ꓜꓯꓼ ꓬꓰ ꓟ ꓥꓳ ꓐꓰ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
