ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓞꓳ ꓪꓴꓽ ꓮ-ꓞꓲ ꓔꓯ 2022 ꓘꓳꓼ 7 ꓦ 30 ꓠꓬꓲ ꓟꓶ ꓘꓶꓼ 8 ꓙꓵꓹ ꓛꓲ ꓕꓯꓽ ꓡ ꓛꓴꓸ ꓐꓶ ꓜꓯꓼ ꓡꓰ ꓢꓲꓸ ꓠꓻ ꓫꓬꓹ ꓔꓬ ꓡꓳ꓿
ꓬꓲꓸ ꓠꓬ ꓟꓳ ꓓꓳ ꓗꓪ ꓐꓰ ꓟꓶ-ꓚꓲ-ꓠ ꓡꓳ ꓒꓱ꓾ ꓟꓬꓯ-ꓟꓲꓼ ꓗꓪ ꓙꓳˍ ꓟ ꓬꓲꓸ ꓦꓲ ꓐꓱꓻ ꓗꓺ ꓘꓶꓽ ꓗꓪ ꓡꓽ ꓛꓲ ꓡ ꓕꓯꓽ꓾ ꓢ-ꓗꓯ ꓜꓶꓽ ꓔꓸ ꓢꓴ 2 ꓣꓳ ꓡꓰ ꓡ ꓛꓴꓸ ꓐꓶ ꓡ ꓟ ꓥ ꓡꓳ꓾ ꓐꓯ ꓡꓳ꓿
“ꓐꓶ ꓓꓴ ꓟ ꓠꓽ 5 ꓕꓶꓹ ꓛꓲ ꓥ ꓙꓳꓽ꓿ ꓜꓯꓼ ꓓꓴ ꓟ ꓗꓽ ꓠꓯꓺ ꓗꓪ ꓕꓲꓽ ꓕꓶꓹ ꓜꓯꓼ ꓬꓰ ꓐꓶ꓿ ꓮ ꓟꓶ ꓠꓬ ꓟꓯꓼ ꓠꓯꓺ ꓞꓲꓼ ꓦꓲ ꓗꓪ ꓠꓻ ꓫꓬꓹ ꓔꓬ ꓥ” ꓐꓰ ꓬꓲꓸ ꓫꓵꓽ ꓪꓳꓼ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓢꓴꓺ ꓔꓬꓹ ꓙꓴꓽ ꓔꓬ ꓟ ꓦꓬꓼ ꓠꓬꓲ ꓗꓪ ꓮ ꓡꓲ ꓕꓲ ꓜꓴ ꓡꓰ ꓢꓰꓼ ꓡ ꓟ ꓟꓽ ꓢꓷꓸ ꓢꓰꓽ꓿ ꓓꓽ ꓪꓴꓸ ꓗꓪ ꓠꓻ ꓫꓬꓹ ꓓ ꓡꓰ ꓠꓹ ꓟ ꓪꓽ ꓘꓴ ꓙ ꓡꓯ ꓘꓳ ꓡꓯ ꓐꓰ ꓡꓲ-ꓢꓴ ꓐꓴ ꓢꓳꓚꓲꓮꓡ ꓟꓰꓓꓲꓮ ꓗꓪ ꓪꓴꓸ ꓡꓯ ꓘꓳ ꓔꓬ ꓡꓳ꓿
ꓐꓬꓱꓽ꓾ ꓰꓑꓠ
