ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓞꓳ ꓪꓴꓽ ꓮ-ꓞꓲ ꓔꓯ ꓢꓰꓼ ꓡ ꓟ ꓔꓯ ꓟꓳꓸ ꓗꓴꓸ ꓙꓲꓽ ꓙꓳ ꓢꓲꓸ ꓡꓲꓽ ꓒꓰꓼ ꓜꓴ ꓚꓰꓺ ꓗꓪ ꓐꓰ 2022 ꓘꓳꓼ 7 ꓦ 31 ꓠꓬꓲ ꓟꓶ ꓘꓶꓼ ꓗꓪ ꓕꓳ ꓶ ꓕꓲ ꓚꓴꓸ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓢꓷ ꓙ ꓟꓴ ꓙ ꓕꓳ ꓶ ꓗꓪ ꓬꓲꓸ ꓝꓲꓸ ꓓꓽ ꓟ ꓠꓬ꓾ 2022 ꓘꓳꓼ 7 ꓦ 30 ꓠꓬꓲ ꓟꓶ ꓘꓶꓼ 8 ꓙꓵꓹ ꓕꓯꓽ ꓡ ꓛꓴꓸ ꓐꓶ ꓜꓯꓼ ꓡꓰ ꓢꓲꓸ ꓮ ꓟꓶ ꓠꓻ ꓫꓬꓹ ꓔꓬ ꓡꓳ꓿ ꓡꓲ-ꓢꓴ ꓡꓲꓽ ꓒꓰꓼ ꓞꓳ ꓪꓴꓽ ꓔꓯ ꓢꓰꓼ ꓡ ꓟ ꓠꓬ ꓡꓲ-ꓢꓴ ꓫꓵꓽ ꓮ ꓙꓵꓽ ꓔꓯ ꓢꓰꓼ ꓡ ꓟ ꓥꓳ ꓐꓰ ꓘꓳ ꓣꓴ ꓡꓳ꓾ ꓕꓱ ꓟ ꓮ ꓡꓲ ꓕꓲ ꓣꓳ ꓕꓲ ꓜꓴ ꓡꓰ ꓬꓰ ꓥ ꓟꓲ ꓕꓱ ꓟ ꓔꓯ ꓡꓲꓽ ꓒꓰꓼ ꓜꓴ ꓠꓬ ꓘꓳ ꓣꓴ ꓟꓽ ꓐ ꓡ ꓐꓰ ꓐꓯ ꓔꓸ ꓡꓳ꓿
ꓢꓷ ꓙ ꓟꓴ ꓙ ꓕꓳ ꓶ ꓗꓪ ꓕꓲ ꓣꓳ ꓣꓳ ꓡꓰꓽ ꓡꓯꓼ ꓓꓴ ꓢꓽ ꓔꓸ ꓢꓴ ꓟꓽ ꓙꓳ꓿ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓐꓰ ꓐꓳ ꓔꓸ ꓡꓳ꓿
ꓞꓳ ꓪꓴꓽ ꓮ-ꓞꓲ ꓔꓯ ꓗꓺ ꓠꓯꓺ ꓗꓪ ꓕꓲ ꓕꓶꓹ ꓐꓶ ꓜꓯꓼ ꓡꓰ ꓢꓲꓸ ꓠꓯ ꓞꓲꓼ ꓫꓬꓹ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ꓿
