Texas ꓕꓲꓽ ꓚꓳ ꓡꓳ ꓗꓪ ꓔꓬ ꓟ ꓗ-ꓛꓲ ꓞꓳ ꓫꓵꓽ ꓐꓴ Putao PDF Cup ꓑꓲꓹ ꓡꓴꓸ ꓑꓲꓹ ꓔꓯꓺ ꓡꓯ ꓘꓳ ꓟ ꓗꓪ ꓔꓰꓫꓮꓢ ꓡꓲ-ꓢꓴ ꓑꓲꓹ ꓡꓴꓸ ꓜꓴ (Lisu FC) ꓡꓰ ꓑꓲꓹ ꓡꓰ ꓧꓪꓸ ꓡꓰꓳ꓿
“ꓑꓲꓹ ꓡꓴꓸ ꓑꓲꓹ ꓔꓯꓺ ꓡꓯ ꓘꓳ ꓑꓮꓲ ꓗꓪ ꓐꓰ ꓧꓪ ꓟꓶˍ ꓟ ꓒꓴ ꓮ ꓙꓵꓽ ꓠꓬ ꓑꓴꓔꓮꓳ ꓑꓓꓝ ꓜꓴ ꓔꓯ ꓔꓳꓹ ꓙ ꓬꓰ ꓙ ꓓꓴ ꓥꓳ꓿” ꓐꓰ ꓙ ꓖꓶ ꓢꓴ ꓡꓰ ꓐꓯˍ ꓡꓳ꓿
ꓑꓲꓹ ꓔꓯꓺ ꓡꓯ ꓘꓳ ꓑꓮꓲꓽ ꓗꓪ Kachin united FC, Lisu FC, Rawng FC-A, Rawng FC-B, DWF KBC FC ꓐꓯ ꓢꓲ. (5) ꓜꓴ ꓔꓯꓺ ꓡꓯ ꓘꓳ ꓗꓷ ꓟ ꓥ ꓡꓳ꓿
“ꓡꓯꓼ ꓫꓴ ꓔꓯ ꓟꓳꓸ ꓙꓲ ꓡꓳꓹ ꓬꓰ ꓟ ꓡꓳ ꓖꓪ ꓢꓴ ꓠꓬ ꓮ-ꓓꓶꓸ ꓥꓪ.꓾ ꓗꓸ ꓠꓯꓸ ꓢꓲꓺ ꓗꓽ ꓢꓴ ꓠꓬ ꓢꓮꓲ-ꓮꓳ꓾ ꓖꓳꓹ ꓡꓳꓸ ꓢꓴ ꓠꓬ ꓙꓳꓧꓠ ꓔꓧꓮꓴꓠꓖ ꓐꓴ ꓪ ꓡꓰꓳ” ꓐꓰ ꓮ-ꓓꓶꓸ-ꓥꓪꓸ ꓡꓰ ꓐꓯ ꓟꓳꓸ ꓖꓶ ꓡ ꓡꓳ꓿
