ꓡꓲ-ꓢꓴ ꓐꓯ ꓟ ꓔꓯ ꓬꓲ. ꓟ. ꓟꓲ: (4) ꓫꓵ: ꓡꓰ ꓒꓶ ꓔꓬ ꓡꓳ=
- ꓬꓲ. ꓪꓴ. ꓕꓲ: ꓫꓵ: ꓟ ꓠꓬ ꓧꓶ: ꓫꓵ: ꓕꓳ ꓶ ꓝꓳ, ꓣꓱ: ꓢꓲ ꓒꓶ ꓔꓬ- ꓡꓳ= ꓧꓶ: ꓕꓳ ꓶ ꓝꓳ, ꓗꓪ (ꓡꓲ:) ꓐꓯ ꓟ ꓠꓬ ꓪ ꓚꓲ ꓗꓪ ꓟ ꓢꓲ, ꓜꓲ ꓡꓳ ꓜꓲ ꓔꓯ ꓐꓯ ꓡꓳ= (ꓢꓴ) ꓐꓯ ꓟ ꓠꓬ ꓜ ꓪꓳ ꓡꓳ ꓪꓳ ꓐꓴ ꓔꓯ ꓐꓯ ꓡꓳ= ꓖꓳ ꓟ ꓑꓶ ꓓꓴ ꓡꓲ-ꓢꓴ ꓐꓯ ꓟ ꓠꓬ ꓪ ꓚꓲ ꓪ: ꓐ: ꓗꓪ ꓔꓬ ꓢꓲ ꓜ ꓪꓳ ꓡꓳ ꓪꓳ ꓔꓶ ꓜ ꓢꓴ ꓐꓰ ꓬꓲ ꓢꓶ ꓙꓳ ꓡꓳ=
- ꓠꓬꓲ ꓫꓵ: ꓕꓲ: ꓫꓵ: ꓠꓬ ꓡꓲ-ꓢꓴ ꓥꓳ: ꓗꓪ ꓐꓰ ꓒꓶ ꓠ ꓗ ꓡꓳ= ꓡꓲ-ꓢꓴ ꓥꓳ: ꓗꓪ (ꓡꓲ) ꓐꓯ ꓟ ꓠꓬ ꓬꓲ. ꓝꓲ ꓬꓲ. ꓡꓲ ꓔꓯ ꓐꓯ ꓡꓳ= (ꓢꓴ) ꓐꓯ ꓟ ꓠꓬ ꓢꓴ ꓔꓴ ꓡꓯ ꓘꓳ ꓟ ꓔꓯ ꓐꓯ ꓡꓳ= ꓖꓳ ꓟ ꓑꓶ ꓓꓴ ꓡꓲ-ꓢꓴ ꓐꓯ ꓟ ꓠꓬ ꓬꓲ. ꓝꓲ. ꓬꓲ. ꓡꓲ ꓑꓶ ꓓꓴ ꓢꓴ ꓡꓯ ꓘꓳ ꓢꓴ ꓐꓰ ꓬꓲ ꓢꓶ ꓙꓳ ꓡꓳ=
- ꓢ ꓫꓵ: ꓕꓲ: ꓫꓵ: ꓗꓪ ꓠꓬ ꓡꓲ-ꓢꓴ ꓫꓵ: ꓐꓴ ꓖꓪ ꓫꓵ: ꓔꓯ ꓠꓬꓲ ꓢꓲ ꓒꓶ ꓠ ꓗ ꓡꓳ= (ꓡꓲ) ꓐꓯ ꓟ ꓠꓬ ꓡꓲ-ꓢꓴ ꓫꓵ: ꓐꓴ ꓖꓪ ꓫꓵ: ꓟꓬ ꓐꓱ ꓠꓬ ꓡꓲ ꓢꓲ ꓖꓪ ꓠ ꓗ, ꓟ ꓔꓯ ꓐꓯ ꓡꓳ= (ꓢꓴ) ꓐꓯ ꓟ ꓠꓬ ꓡꓲ ꓢꓲ ꓖꓪ ꓢꓴ ꓞꓳ ꓤ ꓔꓯ ꓐꓯ ꓡꓳ= ꓖꓳ ꓟ ꓑꓶ ꓓꓴ ꓡꓲ-ꓢꓴ ꓐꓯ ꓟ ꓠꓬ ꓙ ꓧꓶ, ꓧꓶ, ꓢꓴ꓾ ꓪꓴ. ꓔꓶ, ꓕꓶ, ꓢꓴ꓾ ꓪꓴ.ꓡꓶ ꓡꓶ ꓢꓴ꓾ ꓪꓴ. ꓙ ꓙ ꓢꓴ ꓐꓰ ꓬꓲ ꓢꓶ ꓙꓳ ꓡꓳ=
- ꓡꓲ ꓫꓵ: ꓕꓲ: ꓫꓵ: ꓟ ꓠꓬ ꓡꓲ-ꓢꓴ ꓫꓵ: ꓐꓴ ꓔꓬ ꓖꓴ ꓟꓵ: ꓔꓯ ꓛꓳ ꓢꓲ ꓒꓶ ꓠ ꓗ, ꓡꓳ= ꓡꓲ-ꓢꓴ ꓫꓵ: ꓐꓴ ꓠꓬ ꓮ ꓠꓱ.. ꓟ ꓦꓬ; ꓠꓬꓲ ꓗꓪ ꓐꓰ ꓠꓬꓲ ꓠꓬꓲ ꓗꓪ ꓛꓲ ꓟꓬ: ꓐꓱ ꓠꓬ ꓮ ꓖ ꓡꓲ ꓛꓲ ꓟꓵ: ꓗꓪ ꓔꓬ ꓗꓳ. ꓡ-ꓡꓳ= ꓖꓳ ꓟ ꓑꓶ ꓓꓴ ꓬꓲ. ꓪ ꓚꓲ. ꓛꓬ ꓥ ꓟꓲ ꓥꓪ ꓠꓴ ꓠꓬ ꓡꓲ ꓛꓲ ꓟꓵ: ꓗꓪ ꓔꓬ ꓢꓴ ꓥ ꓡꓳ ꓐꓰ ꓐꓯ ꓠꓬꓲ ꓗ ꓠꓯ ꓬꓲ. ꓪ ꓔꓯ ꓡꓲ ꓛꓲ ꓟꓵ: ꓗꓪ ꓔꓬ ꓢꓴ (ꓡꓲ-ꓢꓴ ) ꓐꓰ ꓘꓴ ꓠ ꓗꓷ ꓡꓰꓳ= ꓖꓳ ꓟ ꓗꓪ ꓐꓰ ꓡꓲ-ꓢꓴ ꓐꓯ ꓟ ꓠꓬ ꓡꓲ ꓛꓲ ꓮ ꓖ ꓟꓵ: ꓗꓪ ꓔꓬ ꓢꓴ ꓐꓰ ꓬꓲ ꓢꓶ ꓙꓳ ꓡꓳ=
- ꓠꓴ ꓪ ꓠꓬ ꓡꓲ-ꓢꓴ ꓐꓯ_ ꓟ ꓔꓯ ꓮ ꓫꓵ ꓬꓲꓸ ꓬꓲ ꓢꓶ ꓒꓶ ꓔꓬ ꓡ? ꓚꓳꓟꓟꓲꓔ ꓬꓰ ꓖꓶ ꓙ ꓡꓯ=
ꓡꓲ-ꓢꓴ (ꓡꓲ) ꓐꓯˍꓟ ꓠꓬ ꓠꓱ ꓐꓯꓼ ꓢꓴ ꓔꓯ ꓟꓽ ꓙꓲˍꓟ ꓗꓪ ꓡꓲ ꓢꓴ/ꓐꓯ ꓢꓴ (ꓢꓴ) ꓐꓯˍꓟ ꓠꓬ ꓠꓱ ꓐꓯꓼ ꓢꓴ ꓔꓯ ꓢꓴ ꓔꓴ ꓡ ꓝꓲ ꓢꓴ/ꓠꓲ ꓢꓲꓹ ꓡ ꓝꓲ ꓢꓴ꓿ꓖꓳ ꓡꓱ ꓠꓬꓲ ꓡꓲ-ꓢꓴ ꓐꓯꓳꓟ ꓠꓬ ꓠꓱ ꓐꓯ ꓢꓴ ꓔꓯ ꓢꓴ ꓔꓴ ꓡ ꓝꓲ ꓢꓴ/ꓡꓲ ꓢꓴ ꓦ ꓟ ꓢꓷꓸ ꓪ ꓓˍꓡꓳ꓿?
2ꓸ ꓑꓳꓲꓠꓔ ꓐꓳ ꓔˍꓟ ꓔꓯ ꓫꓱꓸ ꓡꓯꓽ ꓘꓳˍꓡꓳ꓿?
ꓕꓱ ꓟ ꓠꓬ ꓥꓪ ꓐꓯ ꓙꓽ ꓠꓬꓲˍꓟ ꓗꓪ ꓐꓰ ꓐꓳ ꓔˍꓡꓳ꓿