ꓟꓬ-ꓟ ꓟꓯꓼ ꓜꓴ ꓓꓽ ꓟ ꓡꓯꓹ-ꓗꓯ-ꓗꓳ ꓗꓪ ꓫꓵꓸ ꓡ ꓔꓬ ꓠꓬꓲ꓾ ꓙꓱ ꓦꓲ ꓙꓱ ꓟꓽ ꓓ ꓟ ꓟꓵꓽ ꓢꓪꓼ ꓖꓶ ꓡ ꓠꓹ ꓟ ꓟꓲ ꓠꓯ ꓗꓴꓷꓼ ꓜꓴ ꓐꓴ ꓔꓯ ꓗꓠꓴ ꓡꓰ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 20 ꓠꓬꓲ ꓕꓯꓽ ꓓꓰꓽ ꓩꓴ ꓡ ꓡꓳ꓿
ꓑ ꓫꓬ ꓐꓴ ꓫꓸ ꓙꓵ ꓟꓷ ꓙꓵ ꓓꓴ ꓟꓽ ꓗꓷ ꓡꓰ ꓠꓹ ꓟ ꓟꓬ-ꓟ ꓟꓯꓼ ꓐꓴ ꓗ-ꓬꓲ ꓟꓵꓽ ꓗꓪ ꓐꓰ ꓓꓳ ꓙꓰ ꓠꓹ ꓟ ꓥ ꓟꓲ ꓓꓰꓽ ꓔ ꓡꓳ꓿
ꓟꓬ-ꓟ ꓟꓯꓼ ꓐꓴ ꓓꓵꓽ ꓡ ꓟ ꓑꓶꓸ ꓓꓴ ꓗꓠꓴ/ꓗꓠꓡꓮ ꓟꓯꓼ ꓠꓬ ꓚꓲꓸ ꓛꓬ ꓟꓵꓽ ꓚꓲ ꓛꓬ ꓗꓽ ꓠꓹ ꓟ ꓟꓽ ꓐꓶ ꓡꓯ ꓘꓳ ꓟꓽ ꓓ ꓬꓰꓳ ꓐꓰ ꓐꓳ ꓔ ꓡꓳ꓿
ꓟꓲ ꓠꓯ ꓗꓪ ꓓꓶꓽ ꓡꓯ ꓘꓳ ꓠꓬ ꓗꓠꓡꓮ ꓐꓴ ꓧꓪꓸ ꓥ ꓟꓲ꓾ ꓙꓱ ꓦꓲ ꓗꓪ ꓚꓳꓸ ꓐꓶ ꓡ ꓠꓬ ꓔꓳꓹ ꓟꓽ ꓘꓴ ꓟ ꓑꓶꓸ ꓓꓴ ꓙꓱ ꓦꓲ ꓟꓯꓼ ꓢꓰꓼ ꓟꓽ ꓙꓲ ꓠꓹ ꓟ ꓗꓽ ꓙ ꓡꓯ ꓐꓰ ꓓꓰꓽ ꓩꓴ ꓡ ꓟ ꓥ ꓡꓳ꓿
