2022 ꓘꓳꓼ 4 ꓦ 27 ꓠꓬꓲ ꓟꓶ ꓘꓶꓼ 8:30 ꓙꓵꓹ ꓕꓯꓽ ꓠꓯ-ꓑꓲ-ꓓꓳ ꓡꓳ ꓒꓱ꓾ ꓮꓳ-ꓟꓲ-ꓖ-ꓡ ꓘꓹ꓾ ꓫꓱ-ꓠꓹ-ꓓꓳ ꓐꓲ-ꓬ ꓪꓴꓽ ꓔꓶꓸ ꓗꓪ ꓐꓲ-ꓬ ꓓꓳ ꓔꓬ ꓟ ꓟꓯꓼ ꓕꓲ ꓜꓴ ꓔꓯ ꓑꓓꓝ 801/802 ꓐꓴ ꓡꓰ ꓐꓶ ꓗꓷ ꓠꓬ 4 ꓣꓳ ꓫꓵꓻ ꓢꓲ꓾ ꓟꓯꓼ ꓜꓲꓽ ꓖ1 ꓕꓲ ꓣꓳ ꓠꓬ ꓜꓶꓸ ꓜꓶꓸ ꓠꓻ ꓓꓴ ꓡꓰꓳ꓾ ꓐꓯ ꓡꓳ꓿
ꓑꓓꓝ ꓐꓴ ꓠꓬ ꓟ-16 ꓠꓬꓲꓽ ꓗꓸ ꓗꓪ ꓐꓰ ꓐꓶ ꓗꓷ ꓟ ꓥ ꓢꓲ꓾ ꓮ ꓫꓵꓽ ꓘꓶ ꓡꓶꓽ ꓓꓴꓽ ꓙꓳ ꓫꓳ ꓡꓽ ꓐ ꓡ ꓗꓷꓳ ꓐꓯ ꓡꓳ꓿
ꓑꓓꓝ ꓟꓯꓼ ꓕꓱ ꓟ ꓠꓬ ꓧꓶꓸ ꓕꓯꓽ ꓟꓽ ꓙꓳ ꓠꓬꓲˍ ꓟ ꓕꓲ ꓫꓵꓽ ꓒꓬꓱꓼ ꓡ ꓔꓬ ꓟ ꓥ ꓢꓲ꓾ ꓮ ꓟꓶ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓔꓬ ꓖꓴ ꓠꓯ-ꓑꓲ-ꓓꓳ ꓗꓪ ꓛꓲ ꓡ ꓔꓬ ꓟ ꓥ ꓡꓳ꓿
“ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ꓾ “ꓗꓴꓷꓼ ꓢꓲ ꓡꓲꓹ ꓡꓰ ꓠꓹ ꓟ ꓟꓬ-ꓟ ꓟꓯꓼ ꓐꓴ ꓙꓵꓽ ꓖꓰꓼˍ ꓡꓳ” ꓐꓰ 4 ꓦ 27 ꓠꓬꓲ ꓕꓯꓽ ꓐꓯˍ ꓡꓳ꓿
