~ꓗꓠꓓꓳ ꓔꓯ ꓔꓺ ꓡ ꓢꓴ ꓓꓗꓐꓮ ꓟꓯꓼ ꓜꓲꓽ ꓢꓼ-ꓡꓳꓹ ꓐꓰ ꓬꓲꓸ ꓟꓯꓼ 200 ꓣꓳ ꓟꓽ ꓞꓲ ꓔꓯ ꓘꓳ ꓣꓴ ꓟꓬꓱꓽ ꓓꓳ ꓖꓶ ꓑꓮꓲ ꓬꓰ_ M

~ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓦꓲ ꓠꓳ. 14 ꓔꓯ $100 ꓢꓯꓹ ꓠꓰ ꓪꓴꓽ ꓓꓴ ꓥꓳ=

Audio News

Video News

ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓦꓲ ꓠꓳ. 14 ꓔꓯ $100 ꓢꓯꓹ ꓠꓰ ꓪꓴꓽ ꓓꓴ ꓥꓳ

May 5, 2022TheLisuTimes

ꓬꓥ-ꓖꓳꓥ ꓗꓪ ꓙꓳˍ ꓟ ꓟꓬ-ꓟ ꓗꓴꓷꓼ ꓙꓵ ꓪ ꓣꓴ ꓔꓸ ꓢꓴ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓦꓲ꓾ꓠꓳ. 14 ꓔꓯ $100 ꓢꓯꓹ ꓠꓰ ꓪꓴꓽ ꓓꓴ ꓥꓳ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 5 ꓠꓬꓲ ꓕꓯꓽ ꓠꓴꓖ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿ 

ꓖꓳ ꓦꓲ ꓐꓱ ꓠꓬ 1.68 ꓗꓽ ꓙꓳ ꓢꓲ꓾ ꓓꓳ-ꓡ 300 ꓢꓯꓹ ꓒꓵꓽ ꓟ ꓥ ꓡꓳ꓿ ꓬꓲꓸ ꓒꓵꓽ ꓙꓶ 3 ꓩꓴꓸ ꓕꓲꓽ ꓩꓴꓸ ꓢꓪꓼ ꓩꓴ ꓢꓲꓸ Share ꓕꓲ ꓟ $100 ꓐꓯ ꓢꓲ꓾ Share 1 ꓢꓯꓹ ꓟ ꓪꓴꓽ ꓖꓶ ꓓꓴ ꓥꓳ ꓐꓯ ꓡꓳ꓿

ꓟꓵꓽ ꓗꓳꓹ ꓓꓵ ꓓꓵ ꓮ ꓗꓪ ꓔꓬ ꓢꓴˍ ꓟꓲ ꓪꓴꓻ ꓪ ꓓ ꓠ ꓙꓽ ꓖꓶ ꓔꓸꓳ꓿ ꓕꓱ ꓟ ꓮ ꓡꓲ ꓪꓴꓻ ꓠꓹ ꓟ ꓬꓲꓸ ꓫꓳꓽ ꓢꓷꓸ ꓡ ꓝꓲ ꓓꓴ ꓥꓳ꓾ ꓐꓯ ꓔꓸ ꓡꓳ꓿

ꓑ ꓫꓬ ꓒꓳꓹ ꓔꓳꓹ ꓟ ꓠꓬ ꓮ ꓡꓰˍ ꓟꓲ ꓧꓪꓸ ꓡꓰ ꓓꓴ ꓥ ꓠꓬꓲ꓾ ꓙꓵꓽ ꓪ ꓦꓴ ꓢꓴ ꓐꓴ ꓙꓳˍ ꓟ ꓡꓲꓸ ꓟꓶꓽ ꓬꓰ ꓡ ꓥ ꓐꓰ ꓢꓷꓸ ꓡꓰ ꓝꓲˍ ꓟ ꓥ ꓡꓳ꓾ ꓧꓶꓸ ꓕꓯ ꓢꓷ ꓙ ꓟꓴ ꓙ ꓔꓸ ꓟ ꓙꓳ ꓡꓳ꓿

ꓗꓠꓓꓳ ꓔꓯ ꓔꓺ ꓡ ꓢꓴ ꓓꓗꓐꓮ ꓟꓯꓼ ꓜꓲꓽ ꓢꓼ-ꓡꓳꓹ ꓐꓰ ꓬꓲꓸ ꓟꓯꓼ 200 ꓣꓳ ꓟꓽ ꓞꓲ ꓔꓯ ꓘꓳ ꓣꓴ ꓟꓬꓱꓽ ꓓꓳ ꓖꓶ ꓑꓮꓲ ꓬꓰ

May 5, 2022TheLisuTimes

4 ꓦ 26 ꓠꓬꓲ ꓕꓯꓽ ꓗꓠꓓꓳ ꓔꓯ ꓔꓺ ꓡ ꓢꓴ ꓓꓮꓐꓗ ꓟꓯꓼ ꓜꓲꓽ ꓢꓼ-ꓡꓳꓹ ꓐꓰ ꓬꓲꓸ ꓟꓯꓼ 200 ꓣꓳ ꓟꓽ ꓞꓲ ꓔꓯ ꓘꓳ ꓣꓴ ꓟꓬꓱꓽ ꓓꓳ ꓖꓶ ꓑꓮꓲ ꓕꓲꓽ ꓟ ꓔꓯ ꓗꓠꓓꓳ ꓟꓯꓼ ꓗꓽ ꓔꓶꓸ ꓗꓪ ꓠꓬꓲ ꓠꓬꓲ 2022 ꓘꓳꓼ 5 ꓦ 5 ꓠꓬꓲ ꓕꓯꓽ ꓬꓰ ꓖꓶ ꓗꓷꓳ꓿

ꓗꓠꓓꓳ ꓟꓯꓼ ꓧꓳꓽ ꓢꓴ ꓢꓳꓸ-ꓠꓯꓽ-ꓓꓹ-ꓟꓬꓼ ꓡꓰ ꓬꓲꓸ ꓪ ꓔꓯ ꓘꓳ ꓣꓴ ꓢꓲꓸ ꓟꓯꓼ ꓔꓳꓹ ꓠꓷꓼ ꓓꓴˍ ꓟꓲ ꓬꓲꓸ ꓫꓵꓼ ꓖꓶꓽ꓾ ꓙꓵꓽ ꓪ ꓥ ꓟꓲ ꓖꓶꓽ ꓗꓷ ꓡꓳ꓿

ꓝꓮꓲ ꓬꓲꓸ ꓪ ꓠꓬ ꓟꓯꓼ ꓢꓰꓼ ꓕꓴꓸ ꓢꓴ ꓬꓰ ꓠꓹ ꓟ ꓪꓽ ꓗꓷ ꓢꓲꓸ ꓪꓵꓼ ꓘꓶꓽ ꓬꓲꓻ ꓙꓬ ꓓꓳ ꓡꓳ꓿ꓓꓗꓐꓮ ꓠꓬ ꓟꓬ-ꓟ ꓟꓯꓼ ꓐꓴ ꓔꓯ ꓔꓺ ꓔꓬ ꓟ ꓗ-ꓬꓲ ꓞꓳ ꓫꓵꓽ ꓪꓴꓽ ꓟꓴ ꓡ ꓜꓴ ꓟꓯꓼ ꓥ ꓢꓲ꓾ ꓮ ꓟꓶ ꓠꓬ ꓕꓱ ꓡꓱ ꓒꓳꓹ ꓬꓲꓼ ꓡ ꓟ ꓥ ꓡꓳ꓿