ꓟꓬ-ꓟ ꓟꓯꓼ ꓔ ꓔꓲ ꓖꓪ ꓙꓱ ꓢꓲꓸ ꓮ ꓫꓵꓽ ꓛꓱꓼ ꓡ ꓟꓽ ꓚꓰꓼ꓾ ꓗꓲꓮ ꓫꓸ ꓕꓱ ꓢꓴ ꓟꓯꓼ ꓜꓲꓽ ꓠꓳ-ꓐꓴ
ꓟꓬ-ꓟ ꓟꓯꓼ ꓔ ꓔꓲ ꓖꓪ ꓙꓱ ꓡꓯ ꓘꓳ ꓢꓲꓸ ꓮ ꓫꓵꓽ ꓬꓲꓸ ꓑꓶꓸ ꓕꓲ ꓟ ꓟ ꓛꓱꓼ ꓡ ꓟꓽ ꓚꓰꓼ ꓐꓰ꓾ ꓗꓲꓳ ꓐꓱ ꓶ ꓓꓳꓽ ꓫꓸ ꓕꓱ ꓢꓴ ꓟꓯꓼ ꓜꓲꓽ ꓠꓳ-ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ The 74 Media ꓡꓰ ꓐꓳˍ ꓡꓳ꓿
ꓟꓬ-ꓟ ꓟꓯꓼ ꓜꓲꓽ ꓟꓰ,-ꓮꓳ-ꓡꓮꓲꓽ ꓡꓰ ꓑꓳꓺ ꓔꓯꓹ ꓟꓯꓼ ꓮ ꓙꓵꓽ ꓖꓪ ꓙꓱ ꓡꓯ ꓘꓳ ꓡꓯ ꓐꓰ ꓠꓬꓲꓸ ꓠꓬꓲ ꓪꓴꓸ ꓩꓴ ꓡ ꓘꓶꓽ ꓔꓯ ꓗꓲꓳ ꓡꓰꓽ ꓡꓯꓽ ꓔꓯ ꓡꓽ ꓩꓴ ꓡ ꓟ ꓥ ꓡꓳ꓿
ꓝꓮꓲ ꓑꓳꓺ ꓔꓯꓹ ꓟꓯꓼ ꓜꓴ ꓓꓽ ꓟ ꓥ ꓟ ꓗꓠꓴ/ꓗꓠꓡꓮ ꓫꓸ ꓕꓱ ꓢꓴ ꓒ-ꓓꓳ ꓢꓳꓸ-ꓔ-ꓠꓰꓹ ꓡꓰ ꓥ ꓟꓲ꓾ “ꓟꓬ-ꓟ ꓟꓯꓼ ꓠꓬ ꓗꓴꓷꓼ ꓧꓳꓽ ꓚꓱꓹ ꓟꓴ ꓚꓱꓹ (politics) ꓗꓪ ꓐꓰ ꓟꓽ ꓓꓳ ꓙꓰ ꓕ ꓑꓳꓸ ꓥꓪ ꓠꓴ ꓮ ꓫꓵꓽ ꓖꓪ ꓙꓱ ꓧꓪꓽ ꓟꓽ ꓙꓳ” ꓐꓯ ꓩꓴ ꓡ ꓡꓳ꓿
2022 ꓘꓳꓼ ꓗꓪ ꓢꓲ ꓡꓲꓹ ꓟ ꓙꓳ ꓡ ꓠꓹ ꓟ ꓑꓳꓺ ꓔꓯꓹ ꓟꓯꓼ ꓧꓳꓽ ꓢꓴ ꓐꓰ ꓛꓳ ꓢꓴ (2) ꓣꓳ ꓔꓯ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳꓽ-ꓡꓮꓲꓽ ꓡꓰ ꓛꓲꓽ ꓝꓳꓹ ꓜꓲ ꓡꓯ ꓘꓳ꓾ ꓖꓪ ꓙꓱ ꓡꓯ ꓘꓳ ꓓꓴ ꓥꓳ ꓐꓰ ꓠꓬꓲꓸ ꓠꓬꓲ ꓘꓴ ꓩꓴ ꓡ ꓟ ꓗꓪ ꓐꓰ ꓑꓳꓺ ꓔꓯꓹ ꓟꓯꓼ ꓧꓳꓽ ꓢꓴ ꓐꓴ ꓡꓯꓢ ꓧ ꓩꓴ ꓡ ꓟ ꓥ ꓡꓳ꓿
2022 ꓘꓳꓼ 5 ꓦ 9 ꓠꓬꓲ ꓬꓲꓸ ꓟꓶꓽ ꓛꓹ ꓢꓲꓸ ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓡ ꓠ ꓗ ꓢꓴ ꓐꓴ ꓟꓬꓱꓺ ꓖꓶꓽ ꓡꓯ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰ ꓠꓬꓲꓸ ꓠꓬꓲ ꓢꓷ ꓙ ꓟꓴ ꓙ ꓓꓰꓽ ꓩꓴ ꓡ ꓡꓳ꓿
Video
ꓢꓯꓸ ꓐꓬꓱꓽ ꓛꓳ ꓔꓶꓸ ꓒꓴ ꓔꓸ ꓥ ꓟꓲ ꓛꓳꓽ ꓢꓴ ꓟꓽ ꓙꓳ
2022 ꓘꓳꓼ 4 ꓦ 17 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓟꓬ-ꓟ ꓗꓴꓷꓼ ꓗꓪ 2 ꓘꓳꓼ ꓛꓲ ꓑꓲꓸ ꓔꓸ ꓟ ꓢꓯꓸ ꓐꓬꓱꓽ ꓛꓳ ꓔꓶꓸ ꓒꓴ ꓪꓴꓸ ꓔꓴ ꓗꓷ ꓥ ꓟꓲ ꓛꓳꓽ ꓢꓴ ꓟꓽ ꓙꓳ꓿ꓢꓯꓸ ꓐꓬꓱꓽ ꓛꓳꓽ ꓢꓴ ꓟꓽ ꓙꓳˍ ꓟ ꓡꓰꓽ ꓟꓽ ꓞꓲ꓾ ꓮ ꓔꓳꓸ ꓬꓲꓸ ꓙꓵꓹ ꓒ ꓐꓲ ꓟꓽ ꓡ ꓠꓬꓲ ꓢꓯꓸ ꓐꓬꓱꓽ ꓛꓳꓽ ꓔꓶꓸ ꓶ ꓡꓯꓼ ꓢꓲꓺ ꓒꓽ ꓐꓴ ꓮ ꓘꓶꓸ ꓬꓰ ꓫꓸ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ꓿
