Audio News

Video News

ꓬꓯꓻ ꓔꓯꓹ ꓒꓽ ꓔꓯ ꓢꓰꓼ ꓢꓴ ꓕꓮꓲꓹ ꓑꓳ-ꓡꓲ ꓟꓯꓼ 6 ꓣꓳ ꓕꓲ ꓞꓲꓼ ꓐꓱ ꓓꓴꓽ ꓡꓴꓽ ꓬꓰꓳ

June 8, 2022TheLisuTimes

ꓮ ꓠꓲꓹ 8 ꓦ ꓗꓪ ꓬꓯꓻ ꓔꓯꓹ ꓒꓽ ꓕꓲ ꓣꓳ ꓪꓵꓸ ꓓꓵ ꓗꓪ ꓧꓼ ꓡꓼ ꓞꓴꓸ ꓢꓰꓼ ꓗꓷ ꓟ ꓫꓵꓽ ꓪꓴꓻ ꓑꓶꓸ ꓓꓴ ꓕꓮꓲꓹ ꓑꓳ-ꓡꓲ ꓟꓯꓼ 6 ꓣꓳ ꓠꓬ ꓕꓲꓽ ꓞꓲꓼ ꓐꓱ ꓓꓴꓽ ꓗꓪ ꓡꓴꓽ ꓠꓹ ꓟ 2022 ꓘꓳꓼ 6 ꓦ 8 ꓠꓬꓲ ꓕꓯꓽ ꓫꓵꓽ ꓘꓶꓽ ꓩꓴ ꓡ ꓡꓳ꓿

ꓮ ꓠꓲꓹ ꓦꓰꓼ ꓦ 5 ꓠꓬꓲ ꓗꓪ ꓬꓯꓻ ꓶ ꓡꓯꓼ ꓬꓰ ꓢꓴ ꓐꓰ ꓢꓪꓼ ꓔꓸ ꓢꓴ ꓕꓲꓽ ꓣꓳ ꓔꓯ ꓣꓴ ꓟꓶ ꓡꓰ ꓢꓲꓸ ꓘꓶꓽ ꓕꓴꓸ ꓒꓴ ꓬꓲꓸ ꓢꓯꓹ ꓓꓰꓽ ꓢꓲꓸ ꓖꓶꓽ ꓟꓽ ꓫꓳ ꓟ ꓑꓶꓸ ꓓꓴ (ꓖꓶꓽ ꓓꓴ ꓟꓽ ꓙꓳ ꓐꓰ ꓫꓵꓻ ꓢꓴ ꓕꓲ ꓛꓱꓽ ꓗꓪ ꓐꓰ ꓐꓯˍ ꓡꓳ) ꓫꓵꓻ ꓗꓪ ꓛꓲ ꓢꓰꓼ ꓩꓴˍ ꓟ ꓥ ꓡꓳ꓿ 

ꓑꓳ-ꓡꓲ ꓟꓯꓼ 6 ꓣꓳ ꓠꓬ꓾ Pol Col Thitisan “Jo Ferrari” 39, Pol Maj Raweerote Ditthong, Pol Capt Songyot Klainak, Pol Lt Thoranin Matwanna, Pol Snr Sgt Maj Wisut Boonkhiao; and Pol L/C Paweekorn Khammarew ꓐꓴ ꓥ ꓡꓳ꓿ 

ꓬꓲꓸ ꓪꓴꓸ ꓕꓯꓽ ꓬꓲꓸ ꓪ ꓠꓬ ꓫꓵꓻ ꓝꓴꓲꓸ ꓥ ꓢꓲ꓾ ꓕꓲꓽ ꓞꓲꓼ ꓐꓱ ꓓꓴꓽ ꓗꓪ ꓡꓴꓽ ꓠꓹ ꓟ ꓕꓲꓽ ꓝꓸ ꓞꓰ ꓩꓴ ꓡˍ ꓟ ꓥ ꓡꓳ꓿

ꓕꓮꓲꓹ ꓟꓵꓽ ꓘꓶꓽ ꓗꓪ ꓬꓯꓻ ꓔꓯꓹ ꓓꓵꓽ ꓡ ꓢꓴ ꓔꓯ ꓠꓬ ꓟꓯꓼ ꓡꓰ ꓐꓶ ꓢꓰꓼ ꓔꓬ ꓟ꓾ ꓝꓮꓲ ꓬꓯꓻ ꓶ ꓡꓯꓼ ꓬꓰ ꓢꓴˍ ꓟꓲ ꓡꓽ ꓛꓴꓸ ꓙꓳˍ ꓠꓬꓲ ꓟꓯꓼ ꓔꓯ ꓐꓶ ꓔꓳꓹ ꓡꓯ ꓘꓳˍ ꓟ ꓙꓳ ꓔꓬ ꓡꓳ꓿ 

ꓬꓲꓸ ꓚꓰ꓾ Bangkok Post