ꓟꓶ-ꓚꓲ-ꓠ ꓟꓵꓽ꓾ ꓜꓲ-ꓬꓴ ꓘꓹ ꓗꓪ ꓔꓬ ꓟ ꓟꓸ ꓒ ꓥꓪꓸ-ꓪꓴꓽ ꓠꓬ 2021 ꓘꓳꓼ 11 23 ꓠꓬꓲ ꓠꓯꓼ 1ꓽ54 ꓙꓵꓹ ꓕꓯ ꓢꓲꓺ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰꓳ=
ꓬꓲꓸ ꓠꓬ ꓟꓸ ꓒ ꓟꓳꓽ ꓞꓲ-ꓮ-ꓓꓱꓼ ꓬꓲꓸ ꓤꓽ ꓮ-ꓒꓴ ꓥ ꓢꓲ꓾ ꓬꓲꓸ ꓞꓲꓼ ꓣꓳ_ ꓟ ꓦꓬꓼ ꓠꓬꓲ ꓗꓪ ꓲ-ꓓꓲ-ꓬ ꓟꓵꓽ ꓗꓪ ꓢꓲ ꓫꓬ ꓕꓳ ꓶ ꓢꓳ ꓗꓷ ꓢꓲ꓾ ꓝꓮꓲ ꓰꓐꓲ & ꓰꓚꓐꓢ ꓗꓪ ꓥ ꓟꓲ ꓢꓲꓽ ꓫꓬ ꓕꓳ ꓶ ꓙꓳꓥ ꓢꓳ ꓓꓳ ꓡꓰ ꓢꓴ ꓥ ꓡꓳ=
ꓬꓲꓸ ꓠꓬ ꓜꓲ-ꓬꓴ ꓙꓲ-ꓢꓴ ꓘꓴ ꓜ ꓜꓲꓼ ꓞꓳ ꓟꓸ ꓒ ꓥ ꓟꓲ ꓬꓰ ꓗꓳꓸ ꓡ ꓢꓲ꓾ ꓞꓲ ꓠꓲꓹ ꓠꓬ Faith Theological Seminary ꓢꓲꓽ ꓫꓬ ꓕꓳ ꓶ ꓙꓳꓥꓽ ꓦꓲ ꓗꓪ ꓟꓸ ꓔꓬ ꓟ ꓥ ꓡꓳ=
ꓬꓲꓸ ꓠꓬ ꓢꓳ ꓜꓲꓼ ꓓꓴ ꓗꓪ ꓧꓪ ꓒꓴ ꓥꓳꓽ ꓫꓵꓽ ꓝꓸ ꓖꓶ ꓢꓴ ꓕꓲ ꓣꓳ ꓥ ꓢꓲ꓾ ꓞꓳ ꓤ ꓮ ꓙꓵꓽ ꓔꓯ ꓪꓽ ꓗꓴꓸ ꓢꓴ꓾ ꓠꓲꓹ ꓟ ꓫꓵ ꓢꓴ ꓥ ꓕꓲ ꓣꓳ ꓥꓳ ꓐꓰ ꓬꓲꓸ ꓛꓳ ꓒꓯꓹ ꓐꓴ ꓮ ꓙꓵꓽ ꓢꓷꓸ ꓢꓴ꓾ ꓛꓳ ꓒꓯꓹ ꓐꓴ ꓠꓲꓹ ꓠꓵ ꓟ ꓟꓸ ꓒ ꓕꓲ ꓣꓳ ꓥ ꓡꓳ=
ꓟꓸ ꓒꓽ ꓥꓪꓸ-ꓪꓴ ꓔꓯ ꓗꓳ-ꓪꓰꓼ ꓠꓻ ꓡ ꓟ ꓗꓪ ꓐꓰ ꓠꓻ ꓓꓴ ꓟꓽ ꓙꓬ ꓡ ꓢꓲ꓾ ꓠꓬꓲꓸ ꓠꓬꓲ ꓠꓯꓸꓼ ꓠꓬ ꓢꓲ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰ ꓟ ꓥꓳ= ꓬꓲꓸ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓬꓰ ꓕꓯ 50 ꓘꓳꓼ ꓙꓳ ꓢꓲ꓾ ꓬꓲꓸ ꓦꓲ ꓢꓲ ꓟ ꓐꓰ ꓤꓽ 2 ꓣꓳ꓾ ꓤ ꓟꓶꓼ 2 ꓣꓳ ꓜꓰ ꓒꓰꓹꓳ=
