ꓟꓬ-ꓟ ꓗꓴꓷꓼ꓾ ꓟꓶ-ꓚꓲ-ꓠ꓾ ꓜꓲ-ꓬꓴ ꓘꓹ ꓙꓲ-ꓢꓴ ꓘꓴ ꓜꓲꓼ ꓞꓳ ꓟꓸ ꓒ ꓟꓳꓽ ꓕꓲ-ꓟꓳ-ꓠ ꓠꓬ 2022 ꓘꓳꓼ 5 ꓦ 23 ꓠꓬꓲ ꓠꓯꓼ 4ꓽ40 ꓙꓵꓹ ꓕꓯꓽ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓬꓰ ꓢꓲꓸ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿
ꓬꓲꓸ ꓞꓲꓼ 100 ꓘꓳꓼ ꓐꓲ ꓡꓰˍ ꓟ ꓑꓮꓲ
ꓬꓲꓸ ꓠꓬ ꓧꓶꓸ ꓕꓯꓽ ꓟꓳꓽ ꓟꓸ ꓒ ꓕꓲ ꓦꓲ ꓡꓯ ꓒꓯꓹ ꓗꓪ ꓪꓴ-ꓢ ꓔꓯ ꓦ ꓡꓱ ꓡ ꓢꓲꓸ ꓟꓸ ꓟꓲꓽ ꓢꓳ ꓪ ꓢꓴ꓾ ꓝꓮꓲ ꓕꓮꓲꓹ ꓟꓵꓽ ꓗꓪ ꓬꓲꓸ ꓪꓴꓸ ꓕꓴꓸ ꓢꓲꓸ ꓶꓼ ꓓꓳ ꓫꓱꓸ ꓓꓳꓽ ꓚ ꓟꓸ ꓙꓰ ꓢꓴ ꓡꓲ-ꓢꓴ ꓟꓸ ꓒꓽ 3 ꓣꓳ ꓗꓪ ꓐꓰ ꓕꓲꓽ ꓣꓳ꓾ ꓗꓸ ꓠꓯꓸ ꓟꓬ-ꓟ ꓗꓴꓷꓼ ꓗꓪ ꓡꓽ ꓡ ꓢꓲꓸ ꓜꓲ-ꓬꓴ ꓘꓹ ꓗꓪ ꓟꓽ ꓫꓵꓻ ꓕꓲꓽ ꓟꓳꓽ ꓘꓴ ꓜꓲꓼ ꓞꓳ ꓟꓸ ꓒꓽ ꓬꓰ ꓗꓳꓸ ꓡ ꓢꓴ ꓥ ꓡꓳ꓿
“ꓫꓵꓻ ꓕꓯ ꓢꓲ ꓘꓴ ꓜꓲꓼ ꓞꓳ ꓟꓸ ꓒꓽ ꓟꓬꓱꓽ ꓠꓽ ꓓꓴ ꓥꓳ” ꓐꓰ ꓬꓲꓸ ꓐꓯ ꓗꓷ ꓟ ꓡꓰ ꓐꓰ ꓟꓲ ꓠꓯ ꓗꓪ ꓞꓲꓼ ꓪꓴꓽ ꓡꓳꓹ ꓬꓰˍ ꓟ ꓟꓸ ꓒꓽ ꓟꓳꓽ ꓕꓲ ꓣꓳ ꓥ ꓡꓳ꓿
ꓬꓲꓸ ꓞꓲꓼ 100 ꓘꓳꓼ ꓐꓲ ꓡꓰˍ ꓟ
ꓟꓸ ꓒ ꓟꓳꓽ ꓕꓲ-ꓟꓳ-ꓠ ꓢꓲꓺ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰˍ ꓕꓯꓽ ꓬꓲꓸ ꓞꓲꓼ 101 ꓘꓳꓼ ꓙꓳˍ ꓡꓳ꓿
