2023 ꓘꓳꓼ 1 ꓦ 6 ꓠꓬꓲ ꓢ ꓘꓪ ꓔꓱꓹ ꓫꓵ ꓗꓪ꓾ ꓗꓪ-ꓡ-ꓡ-ꓐꓴ ꓡꓳ ꓒꓱ ꓗꓪ ꓗꓸ ꓚꓵ ꓕꓳ ꓶ ꓗꓼ ꓗꓼ ꓟꓽ ꓙꓳ ꓢꓴ ꓐꓶꓽ ꓗꓴꓷꓼ ꓡ ꓞꓳ 544 ꓣꓳ ꓔꓯ ꓟꓶ-ꓡꓯ-ꓫ ꓟꓯꓼ ꓐꓴ ꓡꓰ ꓣꓴ ꓟꓶ ꓔꓸ ꓡꓳ꓿
ꓣꓴ ꓕꓲꓺ ꓡꓰ ꓢꓴ ꓐꓶꓽ ꓗꓴꓷꓼ ꓡ ꓞꓳ ꓐꓴ ꓠꓯꓸꓼ ꓗꓪ ꓟꓬ-ꓟ ꓡ ꓞꓳ ꓮ ꓟꓬꓹ ꓕꓱꓹ ꓞ ꓡꓳ꓿
“ꓲꓓ ꓬꓲꓸ ꓚꓬꓼ ꓖꓶ ꓔꓬ ꓟ ꓜꓴ ꓕꓲꓽ ꓟ ꓔꓯˍ ꓟꓲ ꓣꓴ ꓟꓶ ꓔꓸꓳ” ꓐꓰ ꓟꓶ-ꓡꓯ-ꓫ immigration ꓟꓯꓼ ꓡꓰ ꓢꓷ ꓙ ꓟꓴ ꓙ ꓡꓳ꓿
“ꓟꓶ-ꓡꓯ-ꓫ ꓗꓪ ꓛꓲ ꓔꓸ ꓢꓴ ꓡꓲ-ꓢꓴ ꓐꓴ ꓐꓱ ꓶ ꓖꓶ ꓮ ꓘꓶꓸ ꓪ ꓘꓴ ꓙ ꓓꓴ ꓬꓰ ꓡꓯ꓿ ꓕꓱ ꓕꓲ ꓝꓲꓸ ꓣꓴ ꓟꓶ ꓡꓰ ꓢꓴ꓾ ꓐꓱ ꓓꓴꓽ ꓗꓪ ꓔꓬ ꓢꓴ ꓡꓲ-ꓢꓴ ꓐꓴ ꓮ ꓡꓻ 30-40 ꓣꓳ ꓛꓲ ꓙꓳ ꓡꓳ” ꓐꓰ ꓟꓶ-ꓡꓯ-ꓫ ꓡꓲ-ꓢꓴ ꓐꓴ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓴ ꓕꓲꓽ ꓣꓳ ꓡꓰ ꓐꓯˍ ꓡꓳ꓿
ꓟꓶ-ꓡꓯ-ꓫ ꓗꓴꓷꓼ ꓗꓪ ꓔꓬ ꓕꓵꓼ ꓪ ꓗꓸ ꓚꓵ ꓕꓳ ꓶ ꓟꓽ ꓙꓳ ꓙꓳ ꓔꓬ ꓢꓴ ꓐꓴ ꓔꓯ ꓟꓯꓼ ꓡꓰ ꓣꓴ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓓꓳ ꓡꓰ ꓠꓬ꓾ ꓚꓲꓸ ꓛꓬ ꓗꓴꓷꓼ ꓗꓪ ꓖꓼ ꓡꓽ ꓩꓴ ꓡ ꓚꓰꓼ ꓡꓳ꓿
