2022 ꓘꓳꓼ 8 ꓦ 2 ꓠꓬꓲ꓾ ꓟꓶ-ꓡꓯ-ꓫ ꓗꓴꓷꓼ꓾ ꓗꓪ-ꓡ-ꓡ-ꓐꓳ ꓡꓳ ꓒꓱ ꓗꓪ ꓟꓬ-ꓟ ꓗꓴꓷꓼ ꓗꓪ ꓐꓰ ꓡ ꓢꓴ ꓛꓰꓸ ꓒꓽ ꓕꓲ ꓣꓳ ꓠꓬ ꓓꓽ ꓖꓴ ꓗꓪ ꓐꓰ ꓬꓲꓸ ꓤ ꓠꓱ 3 ꓣꓳ ꓡꓳꓺ ꓞꓰ ꓩꓴ ꓗꓷ ꓢꓲ꓾ ꓬꓲꓸ ꓚꓲꓸ ꓛꓬ ꓖꓶ ꓔꓶꓹ ꓞꓰ ꓢꓲꓸ ꓫꓵꓻꓳ꓿
ꓤ ꓠꓱ 3 ꓣꓳ ꓗꓪ ꓐꓰ 2 ꓣꓳ ꓠꓬ ꓫꓵꓻ ꓢꓲꓸ 1 ꓣꓳ ꓠꓬ ꓟꓽ ꓫꓵꓻ ꓢꓰꓽ ꓥ ꓟꓲ ꓮ ꓘꓶꓸ ꓠꓻ ꓓꓴ ꓡꓰ ꓔꓸ ꓡꓳ꓿ ꓫꓵꓻ ꓢꓴ ꓤ ꓠꓱ ꓠꓬ 8 ꓘꓳꓼ ꓐꓰ 6 ꓘꓳꓼ ꓡꓳꓼ ꓢꓴ ꓤ ꓠꓱ ꓥ ꓢꓲ꓾ ꓮ ꓟꓶ ꓠꓻ ꓫꓬꓹ ꓔꓬ ꓟ ꓠꓬ 5 ꓘꓳꓼ ꓙꓳ ꓢꓴ ꓤ ꓠꓱ ꓥ ꓡꓳ꓿
ꓟꓯꓼ ꓐꓴ ꓡꓰ ꓧꓪ ꓟꓳˍ ꓟ
ꓛꓰꓸ ꓒ ꓖꓳ ꓟ ꓠꓬ꓾ ꓕ-ꓔ-ꓡ ꓡꓳ ꓒꓱ ꓗꓪ ꓐꓰ ꓡ ꓢꓴ 38 ꓘꓳꓼ ꓡꓳꓼ ꓢꓴ ꓑꓴ-ꓑ-ꓛꓴ-ꓡꓯꓽ ꓟꓬꓱꓺ ꓔꓸ ꓢꓴ ꓥ ꓡꓳ꓾ ꓐꓯ ꓡꓳ꓿
“ꓮ ꓡꓲꓳ ꓫꓵꓽ ꓫꓸ ꓓꓴ ꓙꓳ ꓠꓰ ꓕꓱ ꓡꓱ ꓔꓲꓸ ꓬꓰ ꓡ ꓥ ꓢꓶ?” ꓐꓰ ꓢꓳꓚꓲꓮꓡ ꓟꓰꓓꓲꓮ ꓗꓪ ꓐꓯ ꓡꓯ ꓘꓳ ꓔꓬ ꓡꓳ꓿
ꓢꓴ ꓟꓵꓽ ꓢꓴ ꓡꓳ ꓗꓪ ꓙꓰ ꓛꓲ ꓢꓴ ꓮ ꓙꓵꓽ ꓥ ꓟꓲ ꓔꓬ ꓢ ꓙꓳ ꓢ ꓟ ꓟꓽ ꓥ꓿ ꓤ ꓠꓱ ꓕꓲ ꓘꓶꓺ ꓑꓶꓸ ꓓꓴ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓢꓴ꓾ ꓠꓲꓹ ꓥꓴ ꓟꓬ ꓥꓴ ꓢꓴ ꓐꓯ ꓖꓴ ꓟꓽ ꓓ ꓙꓳ ꓡꓳ꓿
ꓧꓶꓸ ꓕꓯ ꓡꓲ ꓛꓲ ꓡꓲ ꓐꓽ ꓗꓪ ꓮ ꓒꓵꓽ ꓮ ꓑ ꓐꓴ ꓟꓽ ꓔꓳꓹ ꓜꓳꓽ ꓠꓬꓲˍ ꓟ “ꓠꓲꓹ ꓟ ꓙꓬ ꓠꓻ ꓫꓵꓽ” ꓠꓬ ꓮ ꓟꓶ ꓟ ꓞꓳ ꓡꓱ ꓐꓴ ꓮ ꓘꓶꓸ ꓔꓳꓹ ꓜꓳ ꓔꓬ ꓟ ꓥ ꓡꓳ꓿ ꓢꓴ ꓔꓯ ꓖꓼ ꓟꓶ ꓟꓽ ꓓꓻꓳ ꓐꓯ ꓢꓲꓸ ꓠꓲꓹ ꓟ ꓙꓬ ꓡꓰ ꓟ꓾ ꓟꓬꓱꓽ ꓬꓰ ꓟꓽ ꓑꓰꓺ ꓟ ꓐꓯ ꓖꓴ ꓟꓽ ꓓ ꓙꓳ ꓡ ꓔꓬ ꓡꓳ꓿
ꓬꓲꓸ ꓚꓰ꓾ ꓔꓧꓰ ꓢꓔꓮꓣ
