2021 ꓘꓳꓼ 12 ꓦ 1 ꓠꓬꓲ ꓕꓯꓽ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟꓬ-ꓟ ꓗꓴꓷꓼ ꓐꓰ ꓮ-ꓩ-ꓖ-ꓠꓯ-ꓢꓲ-ꓔ ꓗꓴꓷꓼ ꓐꓱ ꓶ ꓬꓲꓸ ꓛꓲ ꓦꓰꓼ ꓢꓴ ꓢꓲꓻ ꓣꓴ ꓜꓴ (credential committee) ꓖꓪ ꓙꓱ ꓗꓷ ꓗꓸ ꓠꓯꓸ ꓟꓽ ꓢꓲꓻ ꓢꓰꓽ ꓠꓹ ꓟ ꓖꓪ ꓙꓱ ꓪꓽ ꓬꓰꓳ꓿
“ꓕꓱ 2 ꓗꓴꓷꓼ ꓐꓱ ꓶ ꓬꓲꓸ ꓛꓲ ꓦꓰꓼ ꓢꓴ ꓢꓲꓻ ꓣꓴ ꓚꓱꓹ ꓔꓯ ꓕꓲ ꓑꓹ ꓤꓼ ꓠꓽ ꓔꓸ ꓢꓰꓽ ꓠꓹ ꓟ ꓖꓪ ꓙꓱ ꓪꓽ ꓡꓰꓳ” ꓐꓰ ꓢꓲꓻ ꓣꓴ ꓜꓴ ꓢꓽ ꓡ ꓙꓵꓽ ꓢꓱ-ꓓꓲ ꓗꓴꓷꓼ ꓝꓲ ꓓꓴ ꓓꓽ ꓟ Anna Karin Eneström ꓡꓰ ꓐꓯ ꓡꓳ꓿
ꓠꓴꓖ ꓗꓪ ꓟ ꓢꓲꓽ ꓒꓽ ꓮꓳ-ꓟꓬꓳ-ꓟꓰꓹ ꓡꓰ꓾ “ꓕꓱ ꓟ ꓠꓬ ꓙꓲˍ ꓟ ꓓꓳꓽ ꓥ ꓡꓳ꓿ ꓢꓲꓻ ꓣꓴ ꓜꓴ ꓐꓯ ꓞꓷꓹ ꓘꓶꓽ ꓔꓯ ꓧꓶꓽ ꓒꓽ ꓐꓰ ꓣ-ꓫꓸ ꓟꓽ ꓔꓳꓹ ꓡ ꓟ ꓑꓶꓸ ꓓꓴ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓘꓳ ꓣꓴ ꓡ ꓥꓳ ꓐꓰ ꓥꓳ ꓡꓳꓸ ꓡꓳ” ꓐꓰ ꓐꓳ ꓩꓴ ꓡ ꓡꓳ꓿
ꓮ ꓟꓶ ꓗꓪ ꓛꓲ ꓑ ꓫꓬ ꓐꓰ꓾ ꓠꓴꓖ ꓕꓲ ꓛꓱꓽ ꓗꓪ ꓦꓰꓼ ꓡ ꓢꓴ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓠꓬ ꓟꓬ-ꓟ ꓗꓴꓷꓼ ꓬꓲ ꓛꓲ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓫꓸ ꓕꓱ ꓔꓬ꓾ ꓦꓰꓼ ꓔꓬ ꓟ ꓥ ꓡꓳ꓿
ꓢꓲꓻ ꓣꓴ ꓜꓴ ꓗꓪ ꓠꓬ ꓗꓴꓷꓼ 9 ꓟ ꓙꓳ ꓢꓲ꓾ Sweden, the US, China, Russia, Bahamas, Namibia, Sierra Leone, Bhutan and Chile ꓐꓴ ꓥ ꓡꓳ꓿
