ꓮ ꓟꓲ ꓟꓰꓹ-ꓗꓰꓸ ꓑꓓꓝ 57 ꓣꓳ ꓔꓯ ꓔꓮꓳ-ꓒꓬꓴ ꓘꓹ ꓗꓪ ꓖꓪ ꓙꓱ ꓡꓯ ꓘꓳ ꓡꓯ ꓐꓰ ꓗꓶꓸ ꓧꓳ ꓢꓲꓸ ꓣꓴ ꓞꓳꓹ ꓟꓶ ꓡꓰ ꓟ ꓗꓪ ꓐꓰ 47 ꓣꓳ ꓔꓯ ꓠꓬ ꓟꓰꓹ-ꓗꓰꓸ ꓡꓳ ꓒꓱ ꓐꓱ ꓓꓴꓽ ꓗꓪ ꓧꓳꓽ ꓙꓰ ꓓꓴ ꓥ ꓢꓲ꓾ 10 ꓣꓳ ꓔꓯ ꓠꓽ ꓢꓰꓼ ꓗꓷ ꓡꓲꓸ ꓟꓽ ꓢꓷꓸꓳ ꓐꓰ ꓑꓓꓝ ꓛꓳ ꓒꓯꓹ ꓕꓲ ꓣꓳ ꓡꓰ ꓟꓬꓮꓠꓟꓮꓣ ꓠꓳꓪ ꓫꓵꓽ ꓓꓳꓽ ꓗꓪ ꓐꓯ ꓟꓳꓸ ꓖꓶ ꓡ ꓡꓳ꓿
ꓑꓓꓝ ꓐꓴ ꓔꓯ ꓕꓱ ꓡꓱ ꓗꓶꓸ ꓣꓴ ꓠꓹ ꓟ ꓐꓰ꓾ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓔꓯ ꓘꓴ ꓢꓲꓸ ꓞꓳꓹ ꓧꓳꓽ ꓙꓰ ꓝꓲ ꓢꓴ ꓠꓬ ꓧꓶꓸ ꓕꓯ ꓟꓰꓹ-ꓗꓰꓸ ꓑ ꓫꓬꓼ ꓝꓲ ꓓꓴ ꓬꓰ ꓗꓷ ꓢꓴ ꓟꓮꓳ-ꓟꓰꓼ ꓥ ꓡꓳ ꓐꓰ꓾ ꓑꓓꓝ ꓫꓸ ꓕꓱ ꓢꓴ ꓡꓰ ꓐꓯ ꓡꓳ꓿
ꓔꓮꓳ-ꓒꓬꓴ ꓘꓹ ꓐꓰ꓾ ꓑꓮꓸ-ꓢꓯꓼ ꓘꓹ ꓠꓬ ꓴꓢꓓꓑ ꓑ-ꓔꓲ ꓔꓯ ꓔꓺ ꓢꓴ ꓟꓬꓽ ꓟ ꓞꓳ ꓘꓹ ꓥ ꓡꓳ꓾ ꓐꓯ ꓡꓳ꓿
