ꓣ-ꓫꓸ ~ ꓣꓴ-ꓗ-ꓣꓲꓸ ꓟꓯꓼ ꓢꓰꓼ ꓡꓯ ꓘꓳˍ ꓟ ꓔꓯ ꓗꓽ ꓟꓽ ꓐ ꓡ ꓠꓰ Security Council ꓔꓯ ꓠꓲꓹ ꓟ ꓙꓬ ꓬꓰꓳ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓴꓠ ꓟꓬꓱꓽ ꓢꓲꓺ Antonio Guterres ꓡꓰ 2022 ꓘꓳꓼ 4 ꓦ 28 ꓠꓬꓲ ꓕꓯꓽ ꓐꓯ ꓩꓴ ꓡꓳ꓿
ꓴꓠ ꓟꓬꓱꓽ ꓢꓲꓺ Antonio Guterres ꓠꓬ ꓬꓴ-ꓗ-ꓣꓲꓸ ꓗꓴꓷꓼ ꓡꓳ ꓒꓱ ꓓꓽ ꓟ ꓗꓲ-ꓬꓯꓼ ꓗꓪ ꓛꓲ ꓔꓬ ꓕꓯꓽ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓒꓽ ꓜ-ꓡꓯ-ꓢꓲ-ꓗꓲ ꓐꓰ ꓕꓲ ꓛꓳꓽ ꓓꓳꓽ ꓐꓯ ꓒꓬꓱ ꓔꓶꓸ ꓗꓪ ꓐꓰ ꓕꓱ ꓡꓱ ꓕꓱ ꓩꓴ ꓡ ꓟ ꓥ ꓡꓳ꓿
ꓬꓲꓸ ꓖꓳ ꓗꓪ ꓔꓬ ꓕꓲ ꓑꓹ ꓗꓪ ꓥ ꓟꓲ ꓣ-ꓫꓸ ꓡꓰ ꓦꓲ ꓓꓽ ꓟ (2) ꓟ ꓔꓯ ꓐꓳꓽ ꓐꓶ ꓩꓴ ꓡ ꓡꓳ꓿
ꓣ-ꓫꓸ ꓡꓰ ꓠꓴ-ꓗ-ꓡꓲ-ꓬ ꓐꓳꓽ ꓔꓯ ꓮ ꓔꓳ ꓦꓹ ꓦ ꓢꓪꓼ ꓟꓽ ꓓ ꓐꓰ ꓚꓳꓹ ꓔꓬ ꓢꓲ꓾ ꓬꓲꓸ ꓚꓽ ꓔꓲꓸ ꓠꓴ-ꓗ-ꓡꓲ-ꓬ ꓐꓳꓽ ꓜ3ꓽ ꓩꓴ ꓡ ꓟꓶꓼ ꓕꓱꓼ 3 ꓧꓪꓹ ꓕꓲ ꓧꓪꓹ ꓟ ꓟꓲ ꓠꓯ ꓟꓯꓼ ꓘꓶꓽ ꓒꓳꓹ ꓡ ꓥꓳ꓾ ꓐꓰ ꓢꓷꓸ ꓢꓴ ꓐꓴ ꓡꓰꓽ ꓢꓪꓼ ꓔꓬ ꓡꓳ꓿
