ꓟꓬ-ꓟ ꓟꓯꓼ ꓡꓵ ꓐꓴ 67 ꓘꓳꓼ ꓡꓳꓼ ꓗꓪ ꓛꓲ ꓬꓲꓸ ꓜꓰ ꓪꓽ ꓟꓯꓼ ꓗꓪ ꓔꓺ ꓓꓵꓽ ꓢꓲꓸ ꓟꓯꓼ ꓬꓰ ꓠꓹ ꓟ ꓕꓵꓼ ꓪ ꓕꓲꓽ ꓟ ꓓꓳ ꓩꓴ ꓡ ꓡꓳ꓿
ꓖꓳ ꓡꓱ ꓬꓰ ꓟꓽ ꓫꓳ ꓢꓴ ꓐꓴ ꓔꓯ ꓠꓬ ꓑꓲ-ꓢꓲ ꓪꓽ ꓒꓵꓽ ꓟꓽ ꓕꓵꓼ ꓖꓶ꓾ ꓐꓰ ꓙꓳꓺ ꓗꓽ ꓘꓶꓽ ꓐꓯ ꓔꓸ ꓢꓰ ꓡꓳ꓿
ꓟꓯꓼ ꓘꓶꓽ ꓢꓰꓼ ꓡꓯ ꓘꓳ ꓟ ꓗꓪ ꓙꓰ ꓠꓹ ꓟ 55 ꓘꓳꓼ ꓗꓪ ꓛꓲ ꓢꓪꓼ ꓔꓸ ꓢꓲ꓾ ꓟꓯꓼ ꓙ ꓡꓳꓸ ꓢꓴ ꓬꓰ ꓠꓹ ꓟ ꓠꓬ 67 ꓘꓳꓼ ꓗꓪ ꓛꓲ ꓥ ꓡꓳ꓾ ꓐꓯ ꓡꓳ꓿ ꓖꓳ ꓡꓱ ꓥ ꓟꓲ ꓟꓯꓼ ꓙ ꓔꓯ ꓢꓰꓼ ꓡ ꓠꓬ ꓟꓯꓼ ꓘꓶꓽ ꓗꓪ ꓓꓵꓽ ꓡꓰ ꓟ ꓥ ꓡꓳ꓿
“ꓟꓯꓼ ꓠꓰ ꓑ ꓫꓬ ꓕꓵꓼ ꓪ ꓦꓴ ꓙꓰ ꓕ ꓑꓳꓸ ꓠꓽ ꓟꓯꓼ ꓡꓵ ꓖꓶ ꓟꓽ ꓫꓵ ꓕꓲꓽ ꓟꓳꓽ ꓟꓯꓼ ꓬꓰ ꓠ ꓗ ꓬꓰꓳ꓿ ꓟꓯꓼ ꓟꓽ ꓬꓰ ꓐꓯ ꓧꓶꓸ ꓕꓯꓽ ꓟꓯꓼ ꓬꓰ ꓔꓸ ꓟ ꓑꓲ-ꓢꓲ ꓪꓽ ꓒꓵ ꓡꓰꓸ ꓟꓽ ꓖꓶꓳ ꓙꓳꓽ” ꓐꓰ ꓟꓯꓼ ꓡꓵ ꓕꓲ ꓣꓳ ꓠꓰ ꓐꓯ ꓡꓳ꓿
