ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓘꓶꓽ ꓮ ꓘꓶꓸ ꓪꓽ ꓐꓶꓽ ꓡˍ ꓠꓬ ꓗꓴꓷꓼ ꓬꓲꓸ ꓧꓶꓽ ꓢꓴꓺ ꓙꓰ ꓡ ꓥꓳ꓾ ꓕꓱ ꓟ ꓔꓯ ꓠꓽ ꓡꓰ ꓝꓲ ꓐ ꓡ ꓟ ꓜꓴ ꓮ ꓙꓵꓽ ꓔꓯ ꓔꓺ ꓓꓴ ꓥꓳ ꓐꓰ꓾ 2022 ꓘꓳꓼ 1 ꓦ 26 ꓠꓬꓲ ꓕꓯꓽ ꓗꓲꓳ ꓡꓰ ꓕꓳ ꓶ ꓓꓳ ꓩꓴ ꓡ ꓡꓳ꓿
“ꓟꓯꓼ ꓡꓰ ꓙꓵꓽ ꓪ ꓣꓴ ꓙꓰˍ ꓟ ꓑꓶꓸ ꓓꓴ ꓑ ꓫꓬ ꓐꓰ ꓠꓴꓖ ꓡꓰ ꓔꓳꓹ ꓡꓯ ꓘꓳ ꓡ ꓟ 1 ꓘꓳꓼ ꓙꓳ ꓡꓰꓳ꓿ ꓮ-ꓢꓰ-ꓬ꓾ ꓴꓠ꓾ ꓢꓮꓚ ꓜꓴ ꓮ ꓙꓵꓽ ꓢꓯꓼ ꓕꓵꓼ ꓩꓴ ꓡ ꓟ ꓔꓯ ꓘꓳ ꓣꓴ ꓡꓳ꓿ ꓟꓯꓼ ꓓꓶꓽ ꓡꓯ ꓘꓳ ꓟ ꓦꓬꓼ ꓠꓬꓲ ꓟꓶ ꓫꓵꓺ ꓡ ꓠꓬ ꓗꓴꓷꓼ ꓬꓲꓸ ꓧꓶꓽ ꓢꓴꓺ ꓙꓰ ꓡ ꓥꓳ꓿ ꓗꓴꓷꓼ ꓫꓵꓽ ꓪꓴ ꓒꓶꓻ ꓫꓬꓽ ꓡꓰ ꓠꓹ ꓟ ꓟꓬ-ꓟ ꓟꓯꓼ ꓠꓬ ꓑ ꓫꓬ ꓠꓲꓹ ꓡꓶꓽ ꓔꓯ ꓒꓵꓽ ꓠꓯˍ ꓡꓳ꓿ ꓑ ꓫꓬ ꓐꓴ ꓔꓯ ꓟꓽ ꓢꓰꓼ ꓠꓹ ꓟ ꓐꓰ꓾ ꓜꓽ ꓓꓴ ꓐꓰ ꓠꓯ ꓞꓲꓼ ꓠꓲꓹ ꓞ ꓬꓰ ꓙ ꓠꓯ ꓡꓳ꓿ 24 ꓧꓪꓹ ꓟ ꓳ-ꓡ-ꓑꓲꓼ ꓑꓮꓲ ꓔꓯ ꓧꓶꓽ ꓒ ꓟꓵꓽ ꓗꓪ ꓬꓰ ꓓꓴ ꓥ ꓠꓬꓲ꓾ ꓟꓯꓼ ꓘꓶꓽ ꓟꓽ ꓬꓰ ꓠꓹ ꓟ꓿ ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓒꓬꓱꓼ ꓡ ꓠꓹ ꓟ ꓬꓰ ꓐ ꓡ ꓢꓴ ꓜꓴ ꓮ ꓙꓵꓽ ꓔꓯ ꓔꓺ ꓓꓴ ꓥꓳ꓾” ꓐꓰ ꓐꓳ ꓔ ꓡꓳ꓿
