ꓟꓬ-ꓟ ꓘꓳꓼ ꓫꓵꓼ ꓬꓲ ꓙꓬ ꓕꓲꓽ ꓑꓮꓲ ꓗꓪ ꓠꓯ-ꓑꓲ-ꓓꓳ ꓗꓪ ꓡ ꓢꓲ꓾ ꓟꓴ ꓖꓪ ꓖꓪ ꓠꓹ ꓟ ꓐꓱ ꓶ ꓢꓰ-ꓖ-ꓑꓴ ꓗꓴꓷꓼ ꓗꓪ ꓟ RAVE Republic ꓓꓙ ꓜꓴ ꓙꓽ ꓖꓶ ꓗꓷ ꓥ ꓟꓲ꓾ ꓟꓬ-ꓟ ꓑ ꓫꓬ ꓐꓴ ꓟꓽ ꓠꓵˍ ꓠꓬꓲ ꓟꓽ ꓡ ꓗꓹꓳ꓾ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓠꓯ-ꓑꓲ-ꓓꓳ ꓗꓪ ꓡ ꓓꓴ ꓢꓷ ꓙ ꓟꓴ ꓙ ꓗꓷ ꓗꓸ ꓠꓯꓸ ꓟꓬ-ꓟ ꓑ ꓫꓬ ꓐꓴ ꓡꓰ Social Media, email ꓗꓪ ꓐꓰ ꓟꓽ ꓠꓲꓹ ꓫꓵˍ ꓟ꓾ ꓒꓳꓹ ꓔꓳꓹ ꓟ ꓕꓳ ꓶ ꓬꓲꓸ ꓔꓴ ꓬꓲꓸ ꓟꓶꓽ ꓟꓽ ꓞꓲ ꓐꓳ ꓩꓴ ꓡ ꓠꓬꓲ꓾ ꓟꓽ ꓡꓽ ꓗꓹꓳ ꓐꓰ ꓠꓲꓹ ꓞ ꓠꓲꓹ ꓧꓳꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓠꓴ ꓪ ꓡꓰ ꓡꓯꓽ ꓔꓯꓽ ꓩꓴ ꓡ ꓟ ꓔꓯ ꓡꓳꓸ ꓠꓬꓲ ꓢꓲꓸ ꓡ ꓓꓴ ꓙ ꓖꓴ ꓚꓱꓹ ꓔꓯ ꓠꓽ ꓩꓴ ꓓꓴ ꓓꓵꓽ ꓙ ꓞꓷꓹ ꓗꓷꓳ” ꓐꓰ RAVE Republic ꓓꓙ ꓟꓴ ꓖꓪ ꓜꓴ ꓡꓰ ꓐꓳ ꓡꓽ ꓩꓴ ꓡ ꓡꓳ꓿
ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓟꓬ-ꓟ ꓟꓯꓼ ꓠꓬ ꓠꓯ-ꓑꓲ-ꓓꓳ꓾ ꓟ-ꓓꓲ-ꓡꓲ꓾ꓬꓥ-ꓖꓳ ꓡꓳ ꓒꓱ ꓓꓽ ꓟ ꓗꓪ ꓘꓳꓼ ꓫꓵꓼ ꓬꓲ ꓙꓬ ꓕꓲꓽ ꓑꓮꓲ ꓫꓵꓽ ꓫꓵꓽ ꓪꓽ ꓪꓽ ꓬꓰ ꓠꓹ ꓟ ꓙ ꓖꓶ ꓔꓬ ꓥ ꓟꓲ ꓑ ꓫꓬ ꓐꓴ ꓠꓬ ꓠꓲꓹ ꓟ ꓠꓻ ꓔꓬ꓾ ꓠꓲꓹ ꓢꓲꓼ ꓔꓬ ꓡꓳ꓿
