2021 ꓘꓳꓼ 11 ꓦ 4 ꓠꓬꓲ꓾ ꓠꓯꓼ ꓝꓲꓸ ꓗꓪ ꓟꓬꓔꓰꓡ ꓐꓰ꓾ ꓟꓯꓼ ꓶ ꓡꓯꓼ ꓜꓴ ꓗꓪ ꓟ ꓞꓳ ꓪꓴꓽ ꓳ.-ꓔꓲꓸ-ꓮꓳꓽ (U Thein Aung) ꓘꓳꓼ ꓠꓬ ꓟ-ꓬ-ꓖꓳꓸ ꓡꓳ ꓒꓱ ꓬꓲꓸ ꓦꓲ ꓐꓱꓻ ꓒꓰꓼ ꓗꓪ ꓐꓰ ꓓꓳ ꓡ ꓟꓶꓼ ꓕꓱꓼ ꓕꓵꓼ ꓡꓵꓸ ꓡꓳꓸ ꓔꓬ ꓢꓴ ꓑꓳꓺ ꓔꓯꓹ ꓒꓽ 1 ꓣꓳ ꓡꓰ ꓐꓶ ꓢꓰꓼꓳ ꓐꓰ ꓠꓼ ꓢꓼ ꓗꓼ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓬꓲ ꓐꓰ ꓬꓲ ꓦꓲ ꓢꓲ ꓟ ꓐꓴ ꓦꓲ ꓐꓱꓻ ꓗ ꓘꓶ ꓗꓪ ꓐꓰ ꓓꓳ ꓡ ꓟꓶ ꓕꓱꓼ ꓡ ꓛꓴꓸ ꓠꓰ ꓐꓶ ꓜꓯꓼ ꓡꓰ ꓢꓲ꓾ ꓤꓽ ꓟ ꓠꓬ ꓕꓲ ꓙꓪꓺꓼ ꓫꓵꓻꓳ꓿ ꓤ ꓟꓶꓼ ꓟ ꓠꓽ ꓠꓰ ꓠꓻ ꓓꓴ ꓬꓰ ꓢꓲꓸ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰꓳ” ꓐꓰ ꓠꓶꓽ ꓛꓳ ꓕꓲ ꓛꓳ ꓡꓰ ꓐꓯ ꓡꓳ꓿
ꓳ.-ꓔꓲꓸ-ꓮꓳꓽ (U Thein Aung) ꓠꓬ ꓧꓶꓸ ꓕꓯꓽ ꓞꓽ ꓒꓳꓽ ꓟꓯꓼ ꓗꓪ ꓬꓲ ꓜꓲꓽ ꓬꓰ ꓗꓷ ꓢꓴ ꓕꓲ ꓣꓳ ꓥ ꓢꓲ꓾ ꓮ ꓟꓶ ꓠꓬ Mytel Telecommunication Company Ltd ꓗꓪ ꓒꓵꓽ ꓶ ꓕꓻ ꓠꓬꓲ ꓢꓴ ꓬꓰ ꓔꓬ ꓟ ꓥ ꓡꓳ꓿ ꓬꓲꓸ ꓫꓵꓻ ꓕꓯ 56 ꓘꓳꓼ ꓙꓳ ꓡꓳ꓿
“ꓮ ꓡꓻ ꓬꓲꓸ ꓟꓯꓼ ꓜꓲꓽ ꓞꓳ ꓐꓳ ꓐꓴ ꓠꓰ ꓔꓲꓸ ꓠꓲꓹ ꓟ ꓟꓽ ꓢ ꓢꓲꓸ ꓬꓲꓸ ꓢꓴ ꓬꓲꓸ ꓢꓰꓼ ꓝꓲ ꓡꓲꓸ ꓟꓽ ꓢꓷꓸ꓿ ꓑꓓꓝ ꓖꓶ ꓬꓲ ꓔꓯ ꓮ ꓫꓵ ꓑꓶꓸ ꓓꓴ ꓟꓽ ꓢꓰꓼ ꓝꓳ ꓥ” ꓐꓰ ꓧꓶꓸ ꓕꓯ ꓟꓬꓔꓰꓡ ꓗꓪ ꓟꓬꓱꓽ ꓬꓰ ꓠꓬꓲ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓬꓲ ꓪ ꓕꓲ ꓦꓲ ꓠꓬ꓾ ꓟꓯꓼ ꓡꓰ ꓗꓴꓷꓼ ꓑ ꓫꓬ ꓙꓵꓽ ꓪ ꓣꓴ ꓦꓴ ꓔꓯꓹ ꓙꓰ ꓗꓸ ꓠꓯꓸ ꓮ ꓟꓶ ꓡꓽ ꓛꓴꓸ ꓐꓶ ꓢꓰꓼ ꓡ ꓖꓴ꓾ ꓟ-ꓬ-ꓗꓳꓸ ꓡꓳ ꓒꓱ (Ma Yang Gone)꓾ 7/ꓖꓼ ꓘꓹ꓾ ꓔꓯꓸ-ꓠꓴꓼ-ꓬꓲꓠꓽ (Thel Nu Yin) ꓙ ꓖꓴ ꓗꓪ ꓚꓲꓸ ꓡ ꓟ ꓥꓳ꓿ ꓠꓬꓲꓸ ꓠꓬꓲ ꓟꓶꓽ ꓘꓶꓼ ꓗꓪ ꓛꓲ꓾ ꓥꓪ ꓠꓴ ꓡꓰ ꓢꓰꓼ ꓗꓷꓳ ꓐꓰ ꓢꓷ ꓙ ꓟꓴ ꓙ ꓢꓴ ꓟꓽ ꓙꓳ ꓢꓰ꓿
