2022 ꓘꓳꓼ 1 ꓦ 3 ꓠꓬꓲ ꓠꓯꓼ ꓝꓲꓸ ꓕꓯꓽ ꓮ-ꓢ ꓟꓵꓽ ꓫꓴ (ꓐꓶ-ꓬꓲ) ꓡꓳ ꓪꓴꓸ ꓗꓳꓸ-ꓗꓼ ꓟꓵꓽ ꓗꓪ ꓟꓠꓓꓮꓮ ꓗꓳꓸ-ꓗꓼ ꓟꓯꓼ ꓡꓰ ꓟꓬ-ꓟ ꓟꓯꓼ ꓶ ꓤ ꓮ ꓟꓬꓹ ꓣꓴ ꓟꓶꓳ ꓐꓰ ꓓꓳꓽ ꓜꓳ ꓡ ꓡꓳ꓿
ꓟꓬ-ꓟ ꓟꓯꓼ ꓐꓴ ꓠꓬ ꓬꓲꓸ ꓪ ꓔꓯ ꓙꓳˍ ꓟ ꓟꓯꓼ ꓶ ꓤ ꓡꓳꓺ ꓔꓸ ꓬꓰ ꓢꓲ (ꓛꓹ ꓒꓰꓹ ꓢꓲ) ꓔꓷꓹ ꓛꓰꓹ ꓙꓰꓳ ꓐꓰ ꓗꓳꓸ-ꓗꓼ ꓟꓯꓼ ꓟꓠꓓꓮꓮ ꓡꓰ ꓐꓯ ꓡꓳ꓿
ꓡꓽ ꓛꓴꓸ ꓒꓽ ꓑꓳ ꓡꓳ꓾ ꓐꓳꓽ ꓢꓶꓽ꓾ ꓡ ꓛꓴꓸ ꓤꓽ ꓐꓰ ꓑꓳ ꓡꓳ ꓬꓲ ꓫꓵ ꓬꓲ ꓙꓰꓽ꓾ ꓩꓴꓸ 6 ꓢꓶꓽ꓾ ꓩꓴꓸ ꓢꓯꓼ ꓗꓶꓺ ꓓꓴ꓾ ꓫꓸ ꓪ ꓕꓱ ꓙꓼ 5 ꓢꓶ꓾ ꓢꓳ-ꓡ ꓒꓯꓸ ꓐꓰ ꓐꓯ-ꓕ-ꓬꓰ ꓮ ꓟꓬꓹ꓾ ꓟꓯꓼ ꓖꓪꓽ ꓓꓴ 4 ꓜꓲ꓾ ꓗꓹ ꓕꓴ 20 ꓟ꓾ ꓗ ꓔꓯ ꓗꓪ ꓓꓱꓼ ꓓꓴ ꓡꓯꓽ ꓠꓳꓹ 3 ꓟ ꓣꓴ ꓟꓶꓳ ꓐꓯ ꓔ ꓡꓳ꓿
ꓟꓯꓼ ꓘꓶꓽ ꓗꓪ ꓟꓬ-ꓟ ꓟꓯꓼ ꓡꓰ ꓙꓱ ꓦꓲ ꓐꓰ꓾ ꓡ ꓛꓴꓸ ꓓꓽ ꓟ ꓜꓱꓽ ꓢꓲꓸ ꓢꓰꓼ ꓡ ꓥ ꓟꓲ ꓟꓠꓓꓮꓮ ꓡꓰ ꓫꓵ ꓘꓵ ꓑꓵꓺ ꓑꓵꓺ ꓔꓳꓹ ꓡꓯ ꓘꓳ ꓔꓬ ꓟ ꓥ ꓡꓳ꓿
ꓬꓲ ꓚꓰ꓾ ꓟꓠꓓꓮꓮ
