ꓞꓳ ꓔꓲ ꓗꓪꓹ-ꓡꓽ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ

ꓞꓳ ꓔꓲ ꓗꓪꓹ-ꓡꓽ ꓠꓬ 2024 ꓘꓳꓼ 5 ꓦ 1 ꓠꓬꓲ ꓟꓶ ꓘꓶꓼ 6:18 ꓙꓵꓹ ꓕꓯꓽ ꓕꓮꓲꓹ ꓗꓴꓷꓼ꓾ Mc Cormick Hospital ꓗꓪ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓬꓰ ꓢꓲ꓾ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿

ꓬꓲꓸ ꓠꓬ ꓴꓢꓮ ꓗꓪ ꓐꓰ ꓕꓮꓲꓹ ꓟꓵꓽ ꓗꓪ ꓗꓹ ꓚꓳ ꓡ ꓟ ꓦꓬꓼ ꓠꓬꓲ ꓗꓪ꓾ ꓦꓰꓼ ꓟ ꓠꓻ ꓡ ꓢꓲꓸ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓥ ꓟꓲ ꓫꓬꓹ ꓟꓽ ꓓ꓾ ꓢꓯꓼ ꓟꓬ ꓡꓳꓹ ꓬꓰ ꓟ ꓥ ꓡꓳ꓿

ꓡ ꓠꓹ ꓟ ꓠꓽ ꓥꓪꓽ ꓠꓬꓲ ꓟꓶ ꓘꓶꓼ ꓕꓯꓽ ꓛꓰ-ꓟꓮꓲ꓾ ꓢ-ꓢꓮꓲ ꓡꓲ-ꓢꓴ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓪ ꓘꓴ ꓦꓲ ꓗꓪ ꓪ ꓘꓴ ꓜꓲꓼ ꓓꓴ ꓬꓰ ꓢꓲ꓾ ꓬꓲꓸ ꓧꓪ ꓖꓳ ꓓꓱꓽ ꓔꓯ ꓠꓬ ꓠꓽ ꓛꓳꓼ ꓠꓬꓲ (5 ꓦ 4 ꓠꓬꓲ) ꓕꓯꓽ ꓫꓺ ꓔꓵꓸ ꓓꓴ ꓥ ꓡꓳ꓾ ꓐꓯ ꓡꓳ꓿