2022 ꓘꓳꓼ 10 ꓦ 21 ꓠꓬꓲ ꓕꓯꓽ꓾ ꓟꓲ-ꓠꓯ ꓗꓪ ꓒꓴ ꓚꓱꓹ ꓔꓯ ꓟꓳꓸ ꓛꓽ ꓠꓬꓲ ꓕꓻ ꓠꓬꓲ ꓜꓴ Financial Action Task Force (FATF) ꓡꓰ ꓟꓬ-ꓟ ꓒꓴ ꓚꓱꓹ ꓠꓬ ꓟꓽ ꓔꓱꓹ ꓟꓽ ꓜꓳꓽ ꓐꓯ ꓢꓲꓸ ꓟꓬꓱ ꓐꓬ ꓡꓰ ꓢꓴ ꓵꓺ ꓟꓬꓱꓺ ꓗꓪ ꓗꓶ ꓧꓳꓽ ꓗꓷꓳ꓿
ꓟꓬ-ꓟ ꓒꓴ ꓞꓳꓽ ꓦꓲ ꓟꓬꓱꓽ ꓬꓰ ꓚꓱꓹ ꓔꓯ ꓟꓬ-ꓟ ꓟꓯꓼ ꓡꓰ ꓗꓪꓼ ꓙꓵꓽ ꓢꓲꓸ ꓮ ꓡꓲ ꓜꓳꓽ ꓮ ꓡꓲ ꓣꓱꓽ ꓬꓰ ꓙꓰ ꓟ ꓗꓪ ꓐꓰ ꓦ ꓡꓱ ꓐꓳ ꓓꓴ ꓟꓽ ꓙꓳ꓾ ꓪꓴꓽ ꓟꓴ ꓡ ꓓꓴ ꓟꓽ ꓙꓳ꓾ ꓟꓲ ꓠꓯ ꓗꓪ ꓗꓴꓷꓼ ꓐꓴ ꓛꓳ ꓔꓬ ꓟ ꓒꓴ ꓚꓱꓹ ꓔꓯ ꓟꓳꓸ ꓬꓲꓸ ꓡꓲꓽ ꓟꓽ ꓛꓳ ꓟ ꓧꓪ ꓟꓳ ꓠꓬꓲ ꓕꓱ ꓡꓱ ꓕꓼ ꓩꓴ ꓡ꓾ ꓡꓲꓽ ꓟꓽ ꓛꓳ ꓢꓴ ꓐꓯ ꓩꓴ ꓡ ꓟ ꓥ ꓡꓳ꓿
“ꓙ ꓟꓳ ꓔꓸ ꓟ 1 ꓘꓳꓼ ꓟꓽ ꓞꓲ ꓮ ꓫꓵꓽ ꓡꓲꓸ ꓟꓽ ꓬꓰ ꓓꓳ ꓡ꓾ ꓪꓴꓽ ꓟꓴ ꓡ ꓟ ꓟꓽ ꓙꓳ (continue lack of progress)” ꓐꓰ ꓝꓮꓔꓝ ꓡꓰꓽ ꓐꓯ ꓔꓸ ꓡꓳ꓿
ꓕꓱ ꓟ ꓑꓶꓸ 2022 ꓘꓳꓼ 10 ꓦ 21 ꓠꓬꓲ ꓟꓶ ꓘꓶꓼ ꓝꓲꓸ ꓗꓪ 1 ꓓꓳ ꓡ ꓟꓬ-ꓟ ꓒꓴ 5000-6800 ꓒꓯꓼ ꓗꓪ ꓛꓲ ꓗꓴ ꓗꓴ ꓢꓲ ꓑꓻ ꓡꓯ ꓘꓳ ꓢꓴ ꓙꓳˍ ꓡꓳ꓾ ꓐꓰ ꓓꓳꓽ ꓜꓳˍ ꓡꓳ꓿
ꓧꓶꓸ ꓕꓯ ꓟꓬ-ꓟ ꓗꓴꓷꓼ ꓒꓴ ꓞꓳꓽ ꓦꓲ ꓢꓽ ꓡ ꓙꓵꓽ ꓐꓳ-ꓐꓳ-ꓥꓯ ꓔꓯ ꓠꓬ ꓐꓱ ꓓꓴꓽ ꓗꓪ ꓡꓴꓽ ꓕꓲ ꓔꓸ ꓡꓳ꓿
ꓬꓲꓸ ꓚꓰ꓾ barron
