ꓣꓳ-ꓦꓲ-ꓙ ꓞꓳ ꓫꓵꓽ ꓔꓯ ꓟꓬ-ꓟ ꓡ ꓞꓳ ꓐꓴ ꓡꓰ ꓝꓮꓚꓰꓐꓳꓳꓗ ꓗꓪ ꓠꓲꓹ ꓜꓳ ꓥꓳꓽ ꓬꓲ ꓫꓵ ꓬꓲ ꓙꓰ ꓐꓳ ꓔꓸ ꓟ ꓮ ꓙꓵꓽ ꓟꓬ-ꓟ ꓔꓯ ꓐꓯ ꓟꓴ ꓩꓴ ꓔꓬ ꓟ ꓖ-ꓐꓲ-ꓬ ꓗꓴꓷꓼ ꓔꓯ ꓡꓯꓼ ꓙꓱ ꓖꓶ ꓠꓹ ꓟ ꓴꓢꓮ ꓐꓯ ꓟꓴ ꓘꓶꓽ ꓒꓽ ꓕꓲ ꓣꓳ ꓡꓰ ꓫꓵꓽ ꓘꓶꓽ ꓔꓸ ꓟ ꓔꓯ ꓝꓮꓚꓰꓐꓳꓳꓗ ꓠ ꓠꓹ ꓟꓽ ꓫꓳ꓿
ꓟꓬ-ꓟ ꓡ ꓞꓳ ꓐꓴ ꓣꓳ-ꓦꓲ-ꓙ ꓐꓴ ꓔꓯ ꓠꓲꓹ ꓜꓳ ꓚꓱꓹ ꓐꓰ꓾ ꓞꓳ ꓛꓴ ꓞꓷꓹ ꓡꓰ ꓝꓲ ꓠꓲꓹ ꓫꓵ ꓟ ꓟꓸ ꓟꓲ ꓬꓲ ꓫꓵ ꓬꓲ ꓙꓰ ꓢꓯꓼ ꓩꓴꓽ ꓟ ꓗꓪ ꓐꓰ 2007 ꓘꓳꓼ ꓗꓪ ꓟꓬ-ꓟ ꓟꓯꓼ ꓡꓰ ꓖꓼ ꓢꓰꓼ ꓡ ꓠꓬꓲ ꓣꓳ-ꓦꓲ-ꓙ ꓐꓴ ꓠꓬ ꓫꓵꓻ ꓢꓴ꓾ ꓦꓲ ꓛꓴ ꓪ ꓗꓰ ꓢꓴ ꓮ ꓟꓬꓹ ꓙꓳ ꓡꓰꓳ꓿ ꓟꓯꓼ ꓘꓰꓹ ꓙꓰ ꓢꓴ 7 ꓢꓯꓹ ꓣꓳ ꓟꓽ ꓞꓲ ꓙꓳ ꓡꓳ ꓐꓰ ꓴꓠꓧꓚꓣ ꓡꓰ ꓐꓯ ꓔ ꓡꓳ꓿
ꓖ-ꓐꓲ-ꓬ ꓗꓴꓷꓼ ꓠꓬ ꓣꓳ-ꓦꓲ-ꓙ ꓐꓴ ꓬꓲ ꓛꓲ ꓟꓬ-ꓟ ꓠꓬ ꓞꓳ ꓛꓴ ꓪ ꓛꓴ ꓞꓷꓹ ꓡꓰ ꓗꓪ ꓛꓲ ꓢꓰꓼ ꓠꓹ ꓟ ꓢꓯꓼ ꓕꓵꓼ ꓢꓴ ꓥ ꓡꓳ ꓐꓯ ꓢꓲ ꓐꓯ ꓟꓴ ꓩꓴ ꓔꓬ ꓟ ꓥ ꓡꓳ꓿
